1 Pedro 2:20 - Nuevo Testamento Toba Sur

²⁰ Cha'ayi da huo'otaq qami' qau'ochi ca sa ÿaÿamaxañi, nachi qaÿauo'o ca qanhuaxanaguiiqui, qaq ¿négue't ca naigui da huo'otaq qanhualaxauñi da qan'añaxachiiguet damayi? Qalaxayi da huo'otaq qanque'etaxañi souaxat da qau'ochiitac ca ÿaÿamaqchiguiñi, nachi ÿataqta qanhualaxauñi da qan'añaxachiiguet, qaq damayi ÿataqta ÿaÿamaqchiguiñi, ÿaÿamaxadeeta ñi Dios.

Nuevo Testamento Toba Sombrero Negro

²⁰ Qama'le qom naq'aeta da'me 'uo da'me ane'uaĝanaguequi queda'me auauoyapiye gaa'me ja 'noe'n, ¿jach'e ga'me adajo'viyaĝaqui da'me anapogaĝadeñi choqoda'me a'nañaĝachela't? Qalaĝaja qom 'uo da'me adachoĝodequi yajouaĝat da'me auauoyi da'me 'noota, nataq'aen da'me anapogaĝadeñi qama'le a'nañaĝachela't, nach'eda jo'ne 'yamaqaten joñe'me Dios.

La'aqtaqa Ñim Lo'onatac 'Enauacna 2013

²⁰ Da huo'o ca qaỹauo'o ca nhuaxanaguec souaxat da huo'o ca ỹo'ot qauem, nache camaye da na'añaxateguet qataq lhueneguet ca nque'eenaxac, nache de'era saishet da qaỹa'aalac. Qalaxaye da huo'otaq huo'o ca nque'eten qataq na'añaxateguet da nque'eenaxac souaxat da ỹo'ottac ca ỹaỹamaqchiguiñi, nache Ñim Lo'onatac 'Enauacna ỹaalec da nqouagaxa camaye.

1 Pedro 2:20 Referans Kwoze

1 Pedro 2:19

Cha'ayi ÿataqta ÿaÿamaqchiguiñi ca shiÿaxaua da n'añaxateguet na nque'ejnaxaguesat mayi chochi qai'otec, souaxat da lhuennataxa ñi Dios.

1 Pedro 3:17

Cha'ayi ÿaÿamaqchiguiñi da qami' qanque'etaxañi, souaxat da qau'ochiitac ca ÿaÿamaqchiguiñi, da huo'otaq ÿaÿamaxadeeta ñi Dios. Qaq saq 'en'am da qai'ottac ca sa ÿaÿamaxañi.

1 Pedro 3:14

Qaq nai'ctaxa da huo'otaq huo'o da qanque'ejnaxaqui souaxat da qui'itta qanachaalataxaqui, qalaxayi ÿataqta qami' machiyiñi. Qataq sa ishit da huo'o ca qayi'iitega, qataq saq qami' qaicolanaqchi't.

Lucas 6:32

Cha'ayi qom ndoteec ca qami' ÿauoteque, qaq nachica qauauochiic, qaq ¿négue'to' ca ÿaÿamaqchiguiñi mayi ishit da qau'ochi? Cha'ayi ivida'a na qauemaicpi ishit da i'ot de'eda.

Mateo 5:47

Qataq da huo'otaq ndoteec ca 'adqaÿa da 'anquiitapegue', nachi ¿négue't cam no'on mayi naigui de'eda? Yi ivida'a da i'ot de'eda nam saxanaxa da ÿauatton ñi Dios.

1 Corintios 4:11

Nagui ñaq 'eetalec da huo'o ca qanque'etaxanaxac na qadqouaxa, qataq na qadaquip, qataq qaica ca ñapoxoña. Na shiÿaxauapi qomi' iuaxaatalguete, qataq qaica ca ÿoqta qadma'.

Marcos 14:65

Huaña, nachi huo'o na nqaigoqot somayi, qataq qaÿauo'o so laxataxat na lashic, nachi qaiuaxaatac, qoÿiitega, qoÿiita': –¡Ña 'au'axat chaq négue't na 'am iuaxaatac! Nachi na huataxanaqpi iuaxaatapigui na lashic somayi.

Mateo 26:67

Nachi qanqaigoxoigui na lashic somayi, qataq qaiuaxaatac. Qataq huo'o na iuaxanoigui na lashic.

Filipenses 4:18

Cha'ayi aÿim mashi sogote da saconguet da ñitaunaguec, qaq damayi ÿataqta ÿapacauec. Cha'ayi aso aÿim qanamaqaÿa mayi aÿim nda'a so Epafrodito, asomayi ÿataqta nalaigui 'enauac na iueneguesat. Qaq asa'aso qadtaunaxanaqchi, asomayi 'eeta'am ca nchinaxanaxat ama na laita mayi qaÿavigaxat da qoÿanot ñi Dios, qaq ÿataqta ÿaÿamaxadeeta ñimayi.

Efesios 5:10

Qataq qanpogoxoiñiÿapegue' qome da qauaÿajñi ca lataxac ca ÿaÿamaxadeeta ñi qadataxala'.

Gálatas 4:18

'Eesa mque' da no'on da qanaquitta'a ca nÿa. Qalaxayi da no'on ca qoÿiitapeguec, qaq damayi no'on da nachi 'eetai' da qanayicto'ot. Qaq sa ishit da chaqdata da qami' soota'agueta.