1 Pedro 2:17 - Nuevo Testamento Toba Sur

¹⁷ Qaica qome ca qadapaquiÿalec 'enauac na shiÿaxauapi. Qataq ÿataqta qauauochiic na qad'amqajnataxanaxauaipi, qataq ÿataqta qayi'iÿai ñi Dios, qataq qaualaqaiguet ca nta'a mayi ÿataqta ÿaquitchiguem.

Nuevo Testamento Toba Sombrero Negro

¹⁷ Auañema yema da'me aviyamaĝache'tape, nataq'aen yataqata adoqopichiyalo jogaa'me adaqayadi', choqoda'me a'nonaĝachiyegui joñe'me Dios, nataq'aen auoqochiiya ñe'me Roma le'ec jo'ne nejaliaĝatelo'te yema joga'me jiyaĝadipi.

La'aqtaqa Ñim Lo'onatac 'Enauacna 2013

¹⁷ Nachaqrata da ỹataqta huo'o naq 'enec qanqa'eñi 'enauac na shiỹaxauapi qataq ỹactec qanqa'eñi da qarauotaxanaqtaiqui nam ỹa'amaqten So Jesús. Qavio'oxoyiñi Ñim Lo'onatac 'Enauacna qataq huo'o naq 'enec qanqa'eñi ñi lataxala' na nta'alpi maye netaña ye nỹecpi ye Roma.

1 Pedro 2:17 Referans Kwoze

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

Romanos 13:7

Qaq ÿoqo'oyi iuen da ñi 'oonolec shiÿaxaua qoÿanem cam iuen da qoÿanem. Cam neto'ot aca navigaxaiste nam ÿotta'a't mayi qaishiiteetacpi, qaq no'on da camayi qaÿi'iguelaxatot cam lalamaxat. Qataq cam iuen da huo'o naq 'enec qanqoÿin, qaq nachida qai'otec. Qataq cam iuen da qaÿi'oxoden, qaq nachida qai'otec.

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Hebreos 13:1

Sa ishit qome da ÿaxaneec ñi 'oonolec da qoñiita da ÿauotec ca lÿa, 'eeta'am naq'en da lauotaxanaqtaic ca maichi lqaÿa.

Filipenses 2:3

Qataq sa ishit qome da chochi huo'o ca qanaquichiitaique da huo'o ca qau'ochi, huo'otaq souaxat da qami' n'amqajnaxaiqa. Chaqdata da sa ishit da qami' ñi'oxonnaxaiqa, qataq sa ishit da qanamachiitaña ca qadÿai da qoñiÿapec sa ishit da qami' 'eeta'ama.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

1 Timoteo 6:1

Ca namaxashic sa ishit da huo'otaq sa ÿalaxalec ca n'aco', yaqto' sa ishit da qauem ca n'aqtaguec da l'enaxat ñi Dios qataq dam sapaxaguenataxanaqtapeguec.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

Mateo 22:21

Nachi somayipi 'eeta': –Qomyi nachiñi ñi lta'a na nta'alpi. Nachi so Jesús 'enapeco': –Qai'añiim qome ñim lta'a na nta'alpi cam lalamaxat, qataq ñim Dios qai'añiim qome cam lalamaxat.

Efesios 5:21

Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

Juan 13:35

Qaq da ñi 'oonolec da qoñiita ÿataqta ÿauotec ca lÿa, nachi 'enauac qome na huetalec ana 'alhua ÿaÿaten da ÿataqta 'eesa da qami' ÿapaxaguenataqa.

1 Pedro 2:13

Qaq souaxat da qauauochiic so qadataxala', nachi qami' iuen da ÿataqta qaualaqaiguet 'enauac na nta'alpi mayi ÿanashiguem na shiÿaxauapi, lamaaxa ca nta'a mayi ÿataqta ÿaquitchiguem,