1 Pedro 2:16 - Nuevo Testamento Toba Sur

¹⁶ Qami' qoñiita'amo' qome ca shiÿaxaua ÿataqta huesochiguiñi, qalaxayi sa ishit da qau'ogoxoñiÿa da qami' huesochiyiñi da qau'ochi ca sa ÿaÿamaxañi. Chaqdato' da qoñiita'am da ÿataqta qami' l-lataqa ñi Dios.

Nuevo Testamento Toba Sombrero Negro

¹⁶ Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

La'aqtaqa Ñim Lo'onatac 'Enauacna 2013

¹⁶ Qami' huesochiyiñi cha'aye qauo'onataxañiitacot Ñim Lo'onatac 'Enauacna. Qalaxaye saishet da souaxat da qami' huesochiyiñi, nache ishet da qauo'oche ca qauem.

1 Pedro 2:16 Referans Kwoze

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Romanos 6:22

Qalaxayi nagui da mashi qansoiueguesop da l-lataxanaxac da ñi'itaxaloxo, nachi qami' qaunoxoñiu'a da qami' l-lataqa ñi Dios. Qaq 'eda mayi ÿataqta huo'o ca naigui. Qaq dam naigui nachida da achaalataxac qui'itta mayi qoÿanot ñi Dios qataq dam achaalataxac mayi qaica ca loga't.

1 Corintios 7:22

Cha'ayi ca shiÿaxaua da nlatac co'olla qaiÿaxana da i'amaqten so qadataxala', camayi nagui ÿataqta huosochiguiñi da quetague' somayi. Qaq nachi 'eeta'am ca shiÿaxaua da huo'otaq sa ishit da nlatac co'olla qaiÿaxana, camayi nagui l-latac so Cristo.

Romanos 6:18

Qaq nagui da mashi qami' huesochiyiñi da sa ishit da qami' l-lataqa da ñi'itaxaloxo, nachi qaunoxoñiu'a da qami' l-lataqa ñi Dios da qau'ochi ca ÿaÿamaqchiguiñi.

Gálatas 5:1

So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

Santiago 1:25

Qaq ca sa ishit da icoua'ai cam hua'aqchigui, chaqdata da ilotelec cam 'enapec dam nalochiguiñi nqataxac mayi ishit da qomi' huosochiyiñi naq'en, qataq quetelec damayi da ÿataqta i'ot cam 'enapec, que'eca shiÿaxaua cam ÿacoolec da i'ot, qalaq ÿataqta machiguiñi.

Santiago 2:12

Qaq ÿoqo'oyi qami' 'eda da qadtaxaÿaxaqui qataq da qoñiitec, qau'enaxachiichigui ca qaÿataxanot da yaqto' nmit da nqataxac mayi ishit da qomi' huosochiyiñi naq'en.

Efesios 6:6

Da qau'onataxañiitac, qalaq sa ishit da chaqdata da qami' ilotaguilo namayipi da chochi qauauoitaique da qami' ÿaÿamaxadeete'. Chaqdata da 'eeta'am da qami' l-lataqa so Cristo da ÿataqta imauec da qadquiyaqteÿaxaqui da qau'ochi 'enauac na 'eetapeguecpi ñi Dios.

2 Pedro 2:19

Namayipi 'eetega da i'axattac da lliquiaxac da achaalataxac mayi ÿataqta huesochiguiñi, qalaxayi namayipi l-latac naua 'onataxaco mayi deshipaxanaqtaxa'n. Cha'ayi ca shiÿaxaua 'eeta'am da l-latac cam loxonec camayi.

Colosenses 3:24

Cha'ayi qami' mashi qauaÿajñi da ñi'iñi qadataxala' qami' ÿanema qome cam ÿaÿamaxattac da ÿauotaique da ÿami' na lalamaxatpi. Cha'ayi qami' qau'onataxañiitacot so Cristo mayi nachiso so ÿoqta qadataxala'ai.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

1 Ts 2:5

Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

Juan 15:22

Namayipíctaxa sa ishit da huo'o ca lasouaxashit, da huo'otaq sa ñanac da setaxaÿot. Qalaxayi namayipi nagui sa ishit da ÿoqolguet da huo'o da lasouaxashit,