1 Pedro 2:11 - Nuevo Testamento Toba Sur

¹¹ Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

Nuevo Testamento Toba Sombrero Negro

¹¹ Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.

La'aqtaqa Ñim Lo'onatac 'Enauacna 2013

¹¹ Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

1 Pedro 2:11 Referans Kwoze

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

1 Pedro 4:2

da yaqto' cam taÿa'ague da qanachaalataxaqui, qanachaachiitaigui cam 'eetapeguec ñi Dios, nachi sa ishit da qau'ochi ca 'eetapeguec da qadapachiyaxaqui.

Hebreos 11:13

Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Santiago 4:1

¿Huá'ago' ca chigaqa'ague da pa'aguenaxac qataq da loquiaxac da qoñiita? ¿Sa ishito' da chigaqaigui da lqopitaxanaqtaic da qadapachiyaxaqui mayi deloctega't, nachattaigui ñi 'oonolec da qoñiita?

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

Romanos 12:1

Qaq ÿoqo'oyi qami' ÿaqaÿadolqa, souaxat da lta'adaic lqouagaxanaqtaic ñi Dios, qaq ÿoqo'oyi qami' ñachoxodeetoiguilo da ÿataqta imauec qome da qanachaalataxaqui da qai'añiÿot ñi Dios. Qoñiita'am qanqashiñi aca nachitaqtaxanaqte mayi ÿataqta nca'altauec, yaqto' qami' lhuotte' da qau'onataxañiÿot ñi Dios, qataq da qami' ÿaÿamaxadeete' ñimayi. Qaq 'eda qome da 'eetec da lli'oxonnataxanaxac da qadquiyaqteÿaxaqui.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Romanos 7:23

Qalaxayi huo'o da lÿa sela'a da huetaigui da i'oquiaxac, damayi deloctague' dam iuennataxac. Qaq damayi nachida dam lamaxasoxonaxac dam ñi'itaxaloxo mayi huetaigui da i'oquiaxac, qataq aÿim icoñittai'.

Hechos 15:29

Sa ishit qome da qolliqui na lapat cam mashi qoÿanot na nqolacpi, qataq sa ishit da qolliqui na ntago'q, nachi 'eeta'am na lapat na shiguiÿac mayi chochi chigueuo na lqosot, qataq sa ishit da huo'o ca ncachitague' aca sa lhua. Qaq qom qaupaquiitelec da qau'ochi' ne'enaua, qaq ÿataqta ÿaÿamaqchiguiñi. No'on qome da qoyiquiaxaqui.”

Lucas 21:34

Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

1 Pedro 1:17

Cha'ayi qami' da qauÿaxañiitega ñi Dios da ÿataqta qadta'ai, ñim sa ishit da lca'atagui na shiÿaxauapi da nmit ñi 'oonolec cam lasouaxashit, nachi ÿataqta qayi'iÿai qone' ñimayi 'enauaque naua na'axa'te nagui da ña qoviitalec ana 'alhua.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

2 Corintios 5:20

Qaq ÿoqo'oyi nachiqomi' l'aqtaxanaxanqa so Cristo, qaq chigoqchiguilo naq'en qomi' ñi Dios da 'eeta'am da qami' nachoxodeetoiguilo. Qaq chigoqchigui so Cristo da qami' ñachoxodenaqtoiguilo, shinaqta': qanmañi' qome ñi Dios.

Hechos 15:20

Chaqdata da qomi' samaxasaxa aca qodede namayipi, da yaqto' ÿaxaañi da chic na nallic mayi mashi qoÿanot ca nqolac, qataq sa ishit da huo'o ca ncachitapegue' aca sa ishit da lhua, qataq sa ishit da chic na lapat ca chochi chigueuo na lqosot, huo'otaq ca 'ogaxaic mayi sa qaicoldeec na ltago'q, qataq sa ishit da chic na ntago'q.

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

Efesios 2:19

Qaq ÿoqo'oyi qami' sa ishit da 'ico' ÿaqa'a ca qauachigoqÿa'ague da qoñiitalec ca 'alhua mayi sa qadalamaxachi. Cha'ayi ÿataqta qami' lmayi'shi 'enauac nam lalamaxatpi ñi Dios, qataq ÿataqta qami' lauo' lashi' na llalaqpi ñimayi.

Hebreos 6:9

Qami' ÿaqaÿadolqa, qomi' nai'ctaxa da huo'otaq 'eetec de'eda da qadtaxaÿaxac, qalaxayi qomi' saÿajnaqta da qoñiita dam lta'adaic qanchoxonnataguiiqui mayi chigaqaigui da nca'alaxa.

1 Pedro 4:12

Qami' ÿaqaÿadolqa, sa ishit qome da qadhualliÿa'aguet nam sa nsatta qañi'iguenataguiiqui mayi qami' novitalo da 'eeta'am da huo'otaq qami' huanguilo cam ÿapacteec sa ishit da qaÿauanapigui.

2 Pedro 3:1

Qami' ñauochaxa'u ÿaqaÿa't, qami' samaxalo ana lÿa ÿide. Qaq ne'enaua dos ÿide mayi qami' samaxalo, ñishitaique da sachigoxotchigui ne'ena ÿaqataxacpi da qami' ÿataqta seuennataxanaxa'n.