1 Pedro 2:10 - Nuevo Testamento Toba Sur

¹⁰ Qami' co'ollaxa sa ishit da qami' lalamqa'te ñi Dios, qalaxayi nagui qalaq ÿataqta qami' lalamqa'te. Co'ollaxa qaica da huo'o ca qami' ichoxodeeta'pe, qalaxayi nagui ñimayi ÿataqta qami' ichoxode'n.

Nuevo Testamento Toba Sombrero Negro

¹⁰ Da'me ami joca'li ja jalchi'ena ta'le ami noic laje', qalaĝaja nayi male ami noic jo'ne Dios lec'oqo'tepi. Joca'li ñe'me Dios cha'li ja ami 'te yichoĝode'n, qalaĝaja nayi male yataqata ami yichoĝode'n.

La'aqtaqa Ñim Lo'onatac 'Enauacna 2013

¹⁰ Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

1 Pedro 2:10 Referans Kwoze

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

Romanos 10:19

Qalaxayi qataq shi'iguelaxalec da inataxanaxac, shiita': ¿Peta'a nam Israel l'ecpi sa ishit da ÿaÿaten de'eda n'aqtaxanaxac? 'A'i, ÿaÿaten. Yi so Moisés hua'auchiguiñi da ÿiyiñi co'ollaxa da l'aqtac ñi Dios, mayi 'eeta': Aÿim qami' sanema qome da ÿataqta qadquiÿai cam shiÿaxauapi mayi sa ishit da qadhuo'oi l'ecpi, qataq ÿataqta qami' senogoqchi't souaxat cam shiÿaxauapi mayi sa iuen da huo'o ca ÿaÿaten.

1 Corintios 7:25

Qaq ca shiÿaxaua mayi saxanaxa da huadon, aÿim qaica ca ÿaqataxac chigoqo'ot so qadataxala' da sanem. Qalaxayi sami' da iuennataxac, cha'ayi aÿim mashi sevi' da aÿim npe'et souaxat da lchoxonnataxanaxa so qadataxala'.

Romanos 11:30

Cha'ayi qami' sa ishit co'ollaxa da qaualaqaiguet ñi Dios. Qalaxayi nagui na judiopi da sa ishit da ÿalaq, nachi ñi Dios huo'o da lchoxonnataxanaxa da qoñiita.