1 Pedro 1:6 - Nuevo Testamento Toba Sur

⁶ Qaq ÿoqo'oyi nachida da huo'o mshi qami' ÿataqta qauamaichiguiñi, nai'ctaxa da huo'otaq qami' iuen da cada'acolec da huo'o da qanque'ejnaxaqui, souaxat nam qalota qañi'iguenataguiiqui.

Nuevo Testamento Toba Sombrero Negro

⁶ Chane'eja 'noota qom yataqata ami najaĝayelo da'me adamaiqui, temaqaedi da'me nayi naa'me naajo' noloqo'ote cha'li uo'oe gaa'me anapiyenaguequi' jo'ne yodapecache.

La'aqtaqa Ñim Lo'onatac 'Enauacna 2013

⁶ Qaq ỹoqo'oye ỹataqta qauamaichiguiñi, na'aictaxa da huo'otaq qami' iuen da cara'acolec da huo'o da qanque'eenaxaqui, souaxat nam qalota lqalaic qataq qañe'eguenataguiiqui maye qaviyeeguet.

1 Pedro 1:6 Referans Kwoze

Santiago 1:2

Qami' ÿaqaÿa't, ÿataqta ÿacteec qanqashiñi da qantonaxaqui qom qami' nvitalo na ÿotta'a't ñi'iguenataxanaxac.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Romanos 5:2

Cha'ayi somayi chigoqchigui da huo'o mshi qomi' senoxonaxau'a de'eda lqouagaxanaqtaic ñi Dios, qaq de'eda chigoqchigui da qadpi'iÿaxac. Qaq ÿoqo'oyi de'eda nqouagaxanaqtaic ÿataqta ñi'añaxataqtec, qataq samaqchiguiñi, cha'ayi huo'o da qanaquitaxac da ñiuanaqhua'a da lli'oxoyic ñi Dios.

Mateo 5:12

Qaq ÿataqta qauamaichiguiñi qome qataq qantoñiitapigui', cha'ayi qami' qauacoñiiguet qome ca lta'adaic qanshiitenaguiiqui mayi hua'ague da piguem. Cha'ayi nachida da 'eetec da ncanaguec som hua'au l'aqtaxanaxanecpi ñi Dios co'ollaq saxanaqca da qoñiita.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Juan 16:22

Qaq nachi 'eetec nataq'en da qoñiita nagui huo'o da qadachitataiqui, qalaxayi aÿim qami' ñi'iguelaxalo qome, nachi da qadquiyaqteÿaxaqui ÿataqta nlaqchigui da qantonaxaqui, qaq que'eca qantonaxaqui sa ishit qome da huo'o ca nqat.

Mateo 11:28

Qauanaiua'a aÿim 'enauac da qoñiita mayi qanasamiitañi souaxat da qad'onataxanaxaqui qataq souaxat na qayi'aqui, nachi aÿim qami' ñimataxanaxaadeec.

Romanos 5:11

Qaq sa ishit da nachaqdata de'eda. Cha'ayi nataq'en qomi' ñitonaqtapeguec ñi Dios, qaq de'eda qantonaxac chigoqchigui so qadataxala' Jesucristo. Cha'ayi somayi chigoqchigui da huo'o mshi ñaÿamaxannaqte' ñi Dios.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Lucas 10:20

Qalaxayi sa ishit qome da nachidata qantoñiitapeguec da mashi qami' ÿalaxagueta na n'ecpi leguemaxaicpi, chaqdata qome da qantoñiitapeguec da mashi qoÿittauo da qad'enaxachi da piguem.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

Santiago 4:9

Ÿataqta qauaquicoita, qataq qanoÿiñi qataq qan'alqaiñi. Sa ishit da qauaÿalliguiyiitac, chaqdata da ñittrañi naua qadachiyi'. Qataq sa ishit da qauamaitac, chaqdata da qauaquicoita.

2 Corintios 4:17

Cha'ayi nam qanque'ejnaxaco nagui de'eda qanachaalataxac, naamayi saq 'amaqtachi qataq saqaÿaloq da inoxoodeec, qaq nachinaua na qomi' i'otegueta cam ÿataqta lta'adaic ñi'oxoyic mayi qaica ca loga't, qaq saq 'en'am na qanque'ejnaxacpi.

Santiago 1:9

Ca qadqaÿa da huo'otaq choxodaq, camayi no'on da ÿataqta machiguiñi qom ivita ca na'a'q da Dios nauaxaÿaxaashiguem.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

1 Ts 1:6

Qaq qami' da machi qoñiitec co'ollaq qoquiigue da no'on qadataxala' Jesús. Co'ollaq qauacoñiiguet da n'aqtac, nachi so Espíritu Santo qami' ÿanema da qantonaxaqui. Qaq ÿoqo'oyi nai'ctaxa da saqalota da qanque'ejnaxaqui.

Filipenses 4:4

Qaq ÿataqta qantoñiitapeguec qome so qadataxala' 'enauaque naua na'axa'te. Qaq shi'iguelaxattalec de'eda i'aqtac da ÿataqta qantoñiitapigui' qome.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Romanos 9:2

Qataq aÿim ÿataqta saquicota qataq añi iquiyaqte chochi tateec da lqui'ic.

Filipenses 2:26

Cha'ayi ñimayi qalota da lyaxa da nauane' 'enauac da qoñiita. Qataq nataq'en huo'o da 'eeta, souaxat da qami' qad'axaÿaxaqui da sa no'on.

Lucas 2:10

Qalaxayi so lamaxashic ñi Dios 'enapeco': –Sa ishit qome da qayi'ii, cha'ayi aÿim qami' ñida'alo da no'on qad'axaÿaxaqui. Qaq damayi i'ot qome da ntonaxac 'enauac na shiÿaxauapi.

Lucas 1:47

qataq da iquiyaqteÿaxac ÿataqta machiguiñi souaxat ñi Dios mayi ica'alaxaqui.

Mateo 26:37

Nachi ÿauec so Pedro qataq soua dos llalqa so Zebedeo. Huaña, nachi somayi ÿataqta daquicota, qataq huo'o da nqui'ic.

1 Pedro 3:17

Cha'ayi ÿaÿamaqchiguiñi da qami' qanque'etaxañi, souaxat da qau'ochiitac ca ÿaÿamaqchiguiñi, da huo'otaq ÿaÿamaxadeeta ñi Dios. Qaq saq 'en'am da qai'ottac ca sa ÿaÿamaxañi.