1 Pedro 1:4 - Nuevo Testamento Toba Sur

⁴ qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.

Nuevo Testamento Toba Sombrero Negro

⁴ Qama'le 'uo da'me jo'ne auacoñiyeguet qomle, da'me mach'e adoĝochi jo'ne Dios liyamaqatac nayi, ue'tague di'me piyem, qama'le ja qoyaqanatet ta'le qoyolaĝachigui, uotaĝa ta'le qoyen paĝachigui uotaĝa ta'le yemeta.

La'aqtaqa Ñim Lo'onatac 'Enauacna 2013

⁴ qataq qomi' ỹanema 'enauac nam qomi' ỹachaxanapecoto maye iqataxaatai' hueta'ague da piguem. Qaq cam qomi' ỹachaxanapecoto, camaye saishet da ishet nlaguiñi, qataq saishet da nshepaxan, qataq saishet da deqaqa da 'ena'am aca huoue.

1 Pedro 1:4 Referans Kwoze

Apocalipsis 21:27

Qalaxayi sa ishit da inoxoneu'a yimayi ca nshipaxan, huo'otaq ca ncocatapiguilo naua n'onataxaco, huo'otaq ca datenataxan, chaqcata ca qoÿittau'a ca l'enaxat aso lede so qagueta llalec asom nanedaxalate nam chochaq tateec da lca'alaxa.

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Efesios 1:18

Qataq seÿaxaatacot ñi Dios, da yaqto' i'edaxatoigui da qantounaxaqui, da yaqto' qauaÿajñiita cam qanaquitaxaqui mayi huo'o mshi qami' iÿaxanalo ñimayi, qataq yaqto' qauaÿajñi dam chochi huañi qataq qaica ca 'en'am da lli'oxoyic mayi ÿachaxanapec ñi Dios da ÿanem 'enauac nam lalamaxatpi ñimayi,

Efesios 1:14

Qaq nachiso so ÿoqta 'itchiguiñi naq'en da qomi' saconaxaguet ca ÿachaxanapec ñi Dios mayi qomi' ÿanema qom ivita ca laloqo' da huesochiguiñi naq'en na lalamaxatpi, da yaqto' ñimayi qaÿi'oxoden souaxat da l'amaqchic.

Efesios 1:11

Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Hechos 20:32

Qaq nagui qami' ÿaqaÿa't, qami' sepataxagueta da ltelaxa ñi Dios qataq dam n'aqtaguec da lchoxonnataxanaxa mayi ÿataqta huo'o da l'añaxac, da yaqto' qami' 'añaxaiqa naq'en, qataq da yaqto' qauacoñiiguet cam ÿaqataxaatapigui' da ÿami' ñi Dios 'enauac nam lalamaxatpi.

Santiago 1:11

Cha'ayi da ivita da nnoxooshiguem añi nala', nachi ÿataqta saqalota na l'edaxa. Qaq na 'auaqpi nachi daqaqa, qaq ana lauoxo najñi, nachi imeuo da lyaquiaxac. Nachi 'eeta'am nataq'en ca hueto'ot ca nsallaxa, chochi 'ico' daqaqtalec da l'onataxanaxac.

Colosenses 1:12

qataq da qai'añiitacot da qan'achiquiaxaqui ñi qadta'a Dios, cha'ayi ñimayi ÿaqataxaatapigui' cam qomi' ÿanema mayi ÿachaxanapeguem da ÿanem 'enauac nam lalamaxatpi, qom ivita da souaqtaigui cam l'edaxa ñimayi.

Gálatas 3:18

Cha'ayi ca ÿan ñi Dios da huo'otaq chigoqchigui naq'en na nqataxacpi mayi chigoqo'ot so Moisés, qanachi de'eda ÿan sa ishit da ÿachaxanapec. Qalaxayi ñi Dios co'ollaq huo'o da ÿachaxanapeguem so Abraham, qalaq sa ishit da huo'o aca lashiue naq'en.

1 Corintios 9:25

'Enauac na naÿamaxattac da tau'a ca qomitaxac, ÿataqta ndenguet 'enauac nam ishit da n'aqchit. Namayipi 'eetec de'eda, cha'ayi nshitaique da nauec aca ado'o mayi qo'ipaq laue acam saqaÿaloq da daqaqa. Qalaxayi qomi' sauoqtaique da ñauegaq acam sa ishit da huo'o ca loga't.

1 Pedro 3:9

Qataq sa ishit da qavi'iguelaxachiÿa'aguet ca sa ÿaÿamaxañi, qataq ca qanshiunaguiiqui. Chaqdata da qai'añiim ca no'on ca shiÿaxaua, cha'ayi ñi Dios qami' iÿaxanalo, da yaqto' qauacoñiiguet da lqouagaxanaqtaic.

Marcos 10:17

Nachi so Jesús qaltaq jec, nachi anac so shiÿaxaua nqalgoqta'ague. Nachi i'adoto naua l-llicte, nachi inattac somayi, 'eeta': –'Am soxodaic mayi 'auapaxaguenataxaatac, ¿huá'ago' ca shiitec, da yaqto' senoxoneu'a da nca'alaxa mayi qaica ca loga't?

Colosenses 3:24

Cha'ayi qami' mashi qauaÿajñi da ñi'iñi qadataxala' qami' ÿanema qome cam ÿaÿamaxattac da ÿauotaique da ÿami' na lalamaxatpi. Cha'ayi qami' qau'onataxañiitacot so Cristo mayi nachiso so ÿoqta qadataxala'ai.

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.