1 Pedro 1:19 - Nuevo Testamento Toba Sur

¹⁹ cha'ayi nachisouate' soua ltago'q so Cristo mayi ÿataqta lta'adaic da lashiichiÿaxa'c co'ollaq 'eeta'am ca qagueta llalec mayi qaica ca lque'emaxa qataq qui'itta da qaÿalauat nachi qoÿaneuo da qaÿavigaxat.

Nuevo Testamento Toba Sombrero Negro

¹⁹ dite da'me qoyen jaga'me letauo' joñe'me Cristo, jo'ne nach'aga 'me onaĝai, ena'am ga'me 'naĝanaĝate lec'oĝot 'me qaya'te lapite'na nataq'aen ja paĝachigui da'me qoyalat.

La'aqtaqa Ñim Lo'onatac 'Enauacna 2013

¹⁹ nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

1 Pedro 1:19 Referans Kwoze

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Juan 1:36

Qaq co'ollaq ÿauaategue so Jesús, nachi 'enapeco': –Ña qauloÿa, 'eso cha'ague som qagueta llalec mayi chigoqo'ot ñi Dios.

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

Colosenses 1:14

ÿachigoxotchigui da l-leuaxa somayi da qomi' nca'alaxatreec, qataq da ÿapalaxat 'enauac na qadasouaxashitpi.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

1 Juan 2:2

Cha'ayi somayi nachiso so chigoqchigui da huo'o mshi qaÿapalaxa't naua qadasouaxashi'te, qaq sa ishit da nachiqomaqta, cha'ayi nataq'en 'enauac na shiÿaxauapi mayi huetalec ana 'alhua.

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Mateo 26:28

Cha'ayi na huetagui anamayi nachinaua na itago'q mayi ÿoqta 'itchiguiñi naq'en dam dalaxaic aÿamaxataxac. Nam itago'q taÿa'alo da qaicoldeec, da yaqto' ÿataqta qalota qome na qaÿapalaxat na lasouaxashitpi.

Apocalipsis 14:1

Qaq can ime, nachi qaltaq ñamatashiguem, nachi sela'a so qagueta llalec petalec aso qasoxonaxa l'enaxat Sión. Qaq somayi nachi hueta'aguet som ciento cuarenta y cuatro mil shiÿaxauapi mayi qoÿittalec na latap da l'enaxat som qagueta llalec qataq da l'enaxat ñi lta'a Dios.

Apocalipsis 5:6

Nachi sela'a so huetangui na laiñi som so'onqa', huetanguilo soua cuatro shiguiÿac qataq so nquedoxonecpi. Somayi 'eeta'am na qagueta llalec. Qaq somayi nachattañi, qaq yi'oqta da 'eetec co'ollaq qaÿalauat. Qaq somayi siete ana lcouepi qataq siete naua l'ai'te. Qaq ne'enaua l'ai'te nachinaua naua siete saq cha'alo mayi namaxalo 'enauac ana 'alhua ñi Dios.

Romanos 3:25

Ñi Dios ÿan so Cristo, da yaqto' da l-leuaxa chigoqchigui naq'en da ishit da ÿapalaxat na nasouaxashitpi. Qaq damayi chigoqchigui da qaipi'iÿa'a somayi. Qaq de'eda 'eetec ñimayi, nshitaique da qaÿaÿaten da ishit da i'ot ca ÿaÿamaqchiguiñi, cha'ayi da lhualaxavic ñimayi ÿataqta sa ishit da ilogui som hua'au nasouaxashitpi.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

Apocalipsis 14:5

Qataq somayipi ÿataqta sa ishit da nauane' da nauoigui na alap ca latenataxanaxac. Qaq ÿataqta qui'itta somayipi, ÿoqo'oyi hueta'a cam nso'onqa' ñi Dios.