1 Pedro 1:18 - Nuevo Testamento Toba Sur

¹⁸ Cha'ayi ñi Dios qami' nca'alaxateeguesopa dam achaalataxac mayi ÿataqta qaica ca naigui, dam qami' n'onaxata'agueta som hua'au qadta'aipi; qataq qami' ÿataqta qauaÿajñiita da lashiichiÿaxac de'eda nca'alaxa da sa ishit da chochi lashiue qanqoÿin cam taÿa'a da imeuo da 'eeta'am aca oro huo'otaq aca plata,

Nuevo Testamento Toba Sombrero Negro

¹⁸ Qa'a joote auayachiñe da'me ami joote qoyachiyoĝotedaue da'me 'noyaĝac jo'ne qaya'te chiyaqayi, da'me 'noyaĝac jo'ne e'n adoĝochi jodia'me mach'e auachiyoĝogueta 'me adet'aldi', nataq'aen auayachiñe da'me jo'ne lajo'viyaĝac jenjo' jo'ne yaqanatet da'me ami nauela'ajalo ja qoyen 'te lajo'vi ga'me oro uotaĝa jaga'me plata jo'ne pa'l jo' qomle,

La'aqtaqa Ñim Lo'onatac 'Enauacna 2013

¹⁸ Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

1 Pedro 1:18 Referans Kwoze

1 Corintios 6:20

cha'ayi ñi Dios co'olla qami' deshijnaxanalo, qalaq ÿataqta sa nalañi da qadashiichiÿaxaqui. Ÿoqo'oyi ÿataqta qaumachiÿo'ot ñi Dios da lli'oxonnataxanaxac da qad'oquiaxaqui qataq ñi qoquiÿapegue' qadqui'ii, cha'ayi naamayi lalamqa'te ñi Dios.

1 Corintios 7:23

Cha'ayi ÿataqta lta'adaic da lashiichiÿaxac co'olla qami' deshijnaxanalo ñi Dios, ÿoqo'oyi sa ishit da qanashiñiita da qami' l-lataqa ca chochi shiÿaxaua.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

Romanos 1:21

Qaq namayipi nai'ctaxa da ÿauatton ñi Dios, qalaxayi sa ishit da ÿamata'ac da nachiñi ñi lta'a, qataq sa ishit da ÿanot da n'achiquiaxac. Chaqdata da namayipi iuennatapega nam qaica ca naigui, qataq da lquiyaqteÿaxac ÿataqta 'ico' huetaigui na napalaxa.

1 Pedro 4:3

Cha'ayi mashi 'eeso'oya' da soua hua'a'u vi'iyi da qau'ochiitac nam nqopita nam sa ishit da ÿauatton ñi Dios. Se'esoua vi'iyi qami' qoviitaigui nam namanaxanaqtaiguesat, qauem qoÿiitapegueguesat, ntaxa, qataq nam nqui'axaguesat, qataq ÿomaxac chochaq tateec, qataq qanatamñiitacot na nqolacpi mayi sa qaÿashin.

1 Pedro 1:7

Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

1 Corintios 3:20

Nataq'en 'eeta': “Ñi qadataxala' Dios ÿaÿaten da lhuennataxac na ÿajnaxanaxaicpi da qaica ca naigui.”

Hebreos 9:12

Qaq so Cristo mashi inoxoneu'a cam ndaqa' mayi sa qaishitapec, qalaxayi sa ishit da ÿaadeuo caua ltago'q ca quetaq huo'otaq ca huaca llalec, cha'ayi nachinaua naua maichi ltago'q naua ÿaadeuo. Qaq 'eda da 'eetec da somayi 'oonolec da ÿi'iguelaxalec da pa'aigui se'eso ndaqa'. Huaña, nachi ÿauo'o da chochaq tateec qadca'alaxa.

1 Juan 3:5

Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

Marcos 8:37

Cha'ayi ¿chaq négue't ca deshiitenaxana ca shiÿaxaua, da yaqto' ishit da ñi'iguelaxajla't da nachaalataxac?