1 Pedro 1:13 - Nuevo Testamento Toba Sur

¹³ Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

Nuevo Testamento Toba Sombrero Negro

¹³ Chane'eja 'noota qom aneloyitaye nataq'aen aniyamaĝacheta't qaedi auauoyi gaa'me at'onataqadi' jo'ne onaĝayaqa, qama'le auachiyaue yema da'me mach'e adeuataqataĝanaĝaqui da'me lichoĝodenataĝanaĝac joñe'me Dios jo'ne ami qoyanema qom yovita ga'me nolo' p'ategue qom yataqata di'yo'quena joñe'me Jesucristo.

La'aqtaqa Ñim Lo'onatac 'Enauacna 2013

¹³ Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

1 Pedro 1:13 Referans Kwoze

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Lucas 12:35

Ÿataqta qanaÿamaxachiitai' qome, aca qadcoÿadaxanaxaquii qalaq sogote da 'ettaigui qanqashiñi.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

1 Pedro 3:15

Chaqdata da ÿi'oxoden da qadquiyaqteÿaxaqui so Cristo som qadataxala'ai. Qataq qami' lhuotte' da qau'aqtaxañiim 'enauac cam ichimaxattega da qadpi'iÿaxaqui, qalaxayi sa ishit da qami' napagaqnaxaiqa, qataq huo'o naq 'enec qanqashiñi que'eca shiÿaxaua.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

Efesios 6:14

Nachi ÿataqta qanaÿamaxachiitai', qansaachiichigui da 'eesa lataxac, qataq qaupaqtaxañiÿa da no'on nataxat da 'eeta'am qanqashiñi aca npaxajlec ana ltogue ca ale.

1 Corintios 1:7

Qaq 'eda da 'eetec da huo'o mshi qami' qaica ca qaviñiitac nam Dios qami' ÿanema, nagui da ña qauachiitaique ca na'a'q qom nachaxan so qadataxala' Jesucristo.

Lucas 17:30

Qaq 'eda qome da 'eetec ne'ena shiÿaxaua llalec qom ivita que'eca na'a'q da nachaxan.

Hebreos 10:35

Qaq ÿoqo'oyi sa ishit qome da huo'o ca qayi'iitaique, cha'ayi ÿataqta lta'adaic qome ca qanshiitenaguiiqui.

Hebreos 6:19

Qaq de'eda qanaquitaxac, nachida dam qomi' i'añaxatchiyiñi qataq dam qadquiyaqteÿaxac. Damayi 'eeta'am cam nllañi aca barco. Qaq de'eda qanaquitaxac, damayi n'attaña cam pa'auo so lapoxot aca n'onaxanaxaqui mayi neta'ague da piguem,

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

1 Corintios 13:13

Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

2 Ts 1:7

qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.

Lucas 17:8

'A'i, sa ishit, nda'a't da qonapega, qoneta': “Ña 'ansauat qome, aÿim qouapegue', 'au'ot ca anoq. To' qom ime da iqui'axac qataq da ñiÿomaxac, qaqca ishit da 'am 'auque'e.”

Romanos 8:19

Cha'ayi ÿataqta lta'adaic da lyaxa 'enauac nam l'onatacpi ñi Dios da iuatta'a que'eca na'a'q qom ivita da na llalaqpi ñi Dios qaÿachaxan ca 'eetec ca lataxac.

Colosenses 3:4

Cha'ayi so Cristo nachiso so qanachaalataxac. Qaq qom ivita da ñi'iguelaq da nachaxan, nachi qami' nataq'en qanachaxañi. Nachi qanhuañiÿau'a da lli'oxoyic somayi.

1 Pedro 1:10

Som hua'a'u vi'iyi so l'aqtaxanaxanecpi ñi Dios co'ollaxa ÿataqta nmittac qataq ichimaxattega ca llic de'eda nca'alaxa, qataq somayipi i'axattac da lqouagaxanaqtaic ñi Dios mayi nshitaique da qami' ÿanema.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

Mateo 20:4

Nachi 'enapega somayipi, 'eeta': “Qami' nataq'en qanqo'oñiuga qome yi ÿanaxanqa' da qauqataxañi. Aÿim ÿataqta sepagaqchiichigui qome aca lashiue ca qad'onataxanaxaqui.” Nachi somayipi jec.