1 Pedro 1:1 - Nuevo Testamento Toba Sur

¹ Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

Nuevo Testamento Toba Sombrero Negro

¹ Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.

La'aqtaqa Ñim Lo'onatac 'Enauacna 2013

^1-2 Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.

1 Pedro 1:1 Referans Kwoze

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Hebreos 11:13

Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.

Efesios 2:19

Qaq ÿoqo'oyi qami' sa ishit da 'ico' ÿaqa'a ca qauachigoqÿa'ague da qoñiitalec ca 'alhua mayi sa qadalamaxachi. Cha'ayi ÿataqta qami' lmayi'shi 'enauac nam lalamaxatpi ñi Dios, qataq ÿataqta qami' lauo' lashi' na llalaqpi ñimayi.

Hechos 8:4

Qalaxayi nam nlagaxattacpi mayi chigaqaña yi Jerusalén, namayipi i'axattac da n'aqtac mayi chigaqaigui da nca'alaxa, da huo'o da ividegue.

Juan 11:52

qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Mateo 24:22

Qaq ñi Dios da huo'otaq ividaxattreec que'ecaua na'axa'te, nachi sa ishit qome da huo'o ca nca'aleec. Qalaxayi ñimayi sa ishit da ividaxattreec, souaxat da lauochi nam lca'aguishicpi.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Efesios 2:12

Nachi qami' co'ollaxa sa ishit da qauauattoñi so Cristo, qataq sa ishit da qanqachiu'a na llalaqpi so Israel, qataq sa ishit da qauaÿajñi nam aÿamaxataxacpi qataq dam ÿachaxanapec ñi Dios co'olloxochiyi. Qaq chochi qoviitalec ana 'alhua, qaica ca qanaquitaxaqui qataq sa ishit da qauauattoñi ñi Dios.

2 Corintios 1:8

Qami' ÿaqaÿa't, sauoqtaique da qauaÿajñiita da ÿataqta saq llalcolec da qanque'ejnaxac co'ollaq souaqta'a yi 'alhua Asia. Damayi ÿataqta lta'adaic, ÿoqo'oyi huac da sa ishit da yaloxoguet. Mashi sovidaqa'a da qaica ca qanaquitaxac da yica'alaqtauec.

Hechos 18:2

Qaq huaña yimayi, nachi natena'aguet so judío l'ec l'enaxat Áquila. Somayi chigaqa'ague da 'alhua l'enaxat Ponto. Qaq se'eso Áquila qataq aso lhua Priscila ñaq cha'aguelo da nvi't, chigoqtra'ague da Italia. Queda'ai yimayi, cha'ayi so lta'a na nta'alpi l'enaxat Claudio 'enapega 'enauac na judiopi da ca'ai yi Roma. Nachi so Pablo namaqtego' somayi,

Apocalipsis 1:11

Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

2 Timoteo 1:15

Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

Gálatas 1:2

Aÿim qataq 'enauac nam qadqaÿañicpi mayi aÿim hueta'aguet qami' samaxasaxalo ana qodede, qami' 'amqajnataxanaxaicpi mayi qoñiitaña na 'alhua Galacia.

1 Corintios 16:19

Na 'amqajnataxanaxaicpi mayi netalec ne'ena 'alhua Asia, qami' ÿamaxalo da lquinaxanaxac. Ñi Áquila qataq añi lhua Priscila qataq na 'amqajnataxanaxaicpi mayi l'onaxanqa' yi lma', naamayi ÿataqta saqalota da lquinaxanaxac qami' ÿamaxalo, cha'ayi qami' l'amqajnataxanaxa'u.

Hechos 19:10

Qaq 'eda da 'eetec, chochi ividaxattrauec soua dos vi'iyi. Nachi ÿataqta 'enauac na netaña yi 'alhua l'enaxat Asia, judiopi qataq nam sa ishit da judiopi, n'axaÿaxaatega da n'aqtaguec so qadataxala' Jesús.

Hechos 18:23

Qaq co'ollaq mashi huo'oi soua na'axa'te da hueta'a yimayi, nachi qaltaq inoxoneec, quetaguilo yiua 'ale'u Galacia qataq yi Frigia, da i'añaqchittac 'enauac na 'amqajnataxanaxaicpi.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Mateo 10:2

Qaq 'ena na l'enaxatpi soua doce lamaxa'shi: Simón da l'enaxat lÿa Pedro, qataq so lqaÿa Andrés; Santiago qataq so lqaÿa Juan, soomayi llalqa so Zebedeo;

Mateo 4:18

Qaq huo'o so na'a'q so Jesús queto'ot so loigue aso lapel late'edai mayi huaña yi Galilea. Nachi ila'alo soua dos nqaÿa't. So 'oonolec l'enaxat Simón, da l'enaxat lÿa Pedro. Qaq so lÿa, qalaq l'enaxat Andrés. Soomayi ÿasaqtrapiguiñi so lalegue'c, cha'ayi ÿi'acoxoiqa.

Lucas 18:7

Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.