1 Juan 5:7 - Nuevo Testamento Toba Sur

⁷ Qaq tres naua hueto'oto na piguem mayi i'axa't de'eda: ñi qadta'a, qataq so l'enaxat n'aqtac, qataq so Espíritu Santo. Qaq ne'enaua tres 'eeta'am da 'oonolec.

Nuevo Testamento Toba Sombrero Negro

⁷ Qa'a naajo' tres jo'ne mach'e choqotaĝanaĝayaqa:

La'aqtaqa Ñim Lo'onatac 'Enauacna 2013

⁷ Tres naua hueto'oto na piguem maye ỹa'axa't de'era: [Ñi Qarta'a qataq som le'enaxat Na'aqtac qataq so Saqcha'a Na'añaxac Qui'itta, qaq ne'enaua tres 'eeta'am da 'oonolec.

1 Juan 5:7 Referans Kwoze

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

Hechos 5:32

Qaq de'eda nachiqomi' mayi sa'axataqtac, qataq so Espíritu Santo nataq'en i'axattac, qaq ñi Dios ÿanem somayi cam ÿalaxaguet ñimayi.

Juan 1:1

Co'ollaq chita'ague da qai'ot 'enauacna, qaq nal'ena da huo'o so l'enaxat l'aqtac ñi Dios. Qaq se'eso l'enaxat l'aqtac ñi Dios, somayi hueta'aguet ñi Dios, qaq somayi Dios.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

1 Juan 5:6

Qaq da lvidaxac co'ollaq hueta'a ana 'alhua so Jesucristo, dos naua l'anqa'te: so 'etaxat co'ollaq qanachilaxan, qataq soua ltago'q co'ollaq qaÿalauat. Qaq sa ishit da nachaqsota so 'etaxat, cha'ayi nataq'en soua ltago'q co'ollaq qaÿalauat. Qaq so Espíritu Santo nachiso so i'axat de'eda, qalaq ÿataqta 'eesa da l'aqtaxanaxac.

Juan 8:54

Nachi so Jesús 'enapeco': –Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Juan 10:30

Aÿim qataq ñi ita'a qomi' 'oonolec da qadataxac.

Juan 5:26

Cha'ayi ñim lta'a huo'o da l'añaxac, da yaqto' maichi ÿan da nca'alaxa, nataq'en ÿanem na llalec da l'añaxac da ÿan da nca'alaxa.

Apocalipsis 19:13

Qaq somayi soua ÿaatrañi alogo ÿataqta huaguilo na ntago'q. Qaq da l'enaxat somayi, 'eeta': L'aqtac ñi Dios.

Juan 12:28

Qaq 'am ita'a, ña 'au'ot qome ca lli'oxoyic da maichi 'ad'enaxat. Huaña, nachi qai'axaÿa so nvilÿaxac, chimqot na piguem, 'eeta': –Mashi sogote da ÿi'oxodaq ñaq'en damayi, qalaxayi nagui qaltaq shi'iguelaxalec da ÿi'oxodaq ñaq'en.

Juan 8:18

Qaq aÿim maichi ñi'axattapeguela't, qataq ñim ita'a mayi aÿim namaq, ñimayi nataq'en aÿim i'axattac.

Mateo 18:16

Qalaxayi camayi da sa ishit da 'am ÿalaxaguet, nachi 'am 'auÿaxana ca 'oonolec, huo'otaq caua lÿa't dos, yaqto' 'enauac nam 'ad'aqtaxanaxac ishit da nateeteguet da l'aqtaxanaxa'c caua dos huo'otaq caua tres mayi 'ad'aqtaxanaxa'u.

1 Juan 1:1

Qaq sedaxañi da yaqto' qami' samaxasaxalo se'eso nal'ena da huo'o co'ollaq saxanaxa da huo'o ana 'alhua, som qomi' sa'axasoqchigui qataq ñimaqa'ai' da sauanaqchigui. Somayi sauanaqchigui qataq naua qadhua'q ipottau'alo, qaq somayi nachiso so l'enaxat n'aqtac mayi chigaqaigui da nca'alaxa.

Juan 14:17

cam Espíritu mayi ÿoqta 'eesa. Qaq nam shiÿaxauapi mayi huetalec ana 'alhua, namayipi qome sa ishit da ÿaconguet camayi, cha'ayi sa ishit da ila'a, qataq sa ishit da ÿauatton. Qami', qalaxayi qauauattoñi, cha'ayi qami' hueta'agueta, qataq camayi nachi 'eetai' qome da qami' hueta'agueta.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

1 Juan 5:8

Qataq tres naua huetalguete ana 'alhua mayi i'axa't de'eda: so Espíritu Santo, qataq so 'etaxat mayi qanachilgui, qataq soua ntago'q mayi qaicoldeec. Qaq ne'enaua tres 'eeta'a't da l'aqtaxanaxa'c.