1 Juan 5:19 - Nuevo Testamento Toba Sur

¹⁹ Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.

Nuevo Testamento Toba Sombrero Negro

¹⁹ Nataq'aen jayatenaq queda'me yataqachiñe qo'mi Dios lec'oqo'tolqa, nataq'aen queda'me yema jogaa'me jiyaĝadipi jo'ne ja 'noe'n uetedalegue da'me lañoqotaĝanaĝac ñe'me payac.

La'aqtaqa Ñim Lo'onatac 'Enauacna 2013

¹⁹ Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

1 Juan 5:19 Referans Kwoze

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

Efesios 2:2

mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Juan 12:31

Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Juan 16:11

qataq namayipi qome ÿaÿaten da ñi Dios ÿauo'o ca nhuaxanaguec, cha'ayi mashi sogote da qaÿauo'o da nhuaxanaguec som damaxasoxonapec ana 'alhua.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

1 Juan 5:13

Qaq shiyiñi ana'ana ÿide da qami' samaxalo, qami' mayi qau'amaqchiñi so llalec ñi Dios, da yaqto' qauaÿajñiita da qami' hueto'oto da nca'alaxa mayi chochaq tateec.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.

Juan 14:30

Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

1 Juan 5:10

Qaq cam i'amaqten so llalec ñi Dios, nachi camayi huetaigui añi lquiyaqte de'eda n'aqtaxanaxac. Qaq cam sa ishit da i'amaqten ñi Dios, nachi camayi 'eeta'am da shipecaic naq'en ñimayi. Cha'ayi sa ishit da i'amaqten da l'aqtaxanaxac ñi Dios co'ollaq i'axat so llalec.

1 Juan 3:24

Qaq nam ÿalaxalec na lamaxasoxonaxacpi, nachi ÿataqta n'attau'a ñimayi, qaq ñimayi hueta'aguet namayipi. Qaq saÿajnaq da ñimayi qomi' hueta'agueta, cha'ayi so n'Espíritu mayi qomi' ÿanema, somayi qomi' ÿaÿajnaxanaxa'n.

Apocalipsis 20:3

Nachi ÿasaxaña cam laponqa' na leuaxaicpi. Nachi ÿapou'a, qataq itoqoolec aso l'anaxanaqte, da yaqto' sa ishit da qaltaq ÿatenachit na ÿotta'a't shiÿaxauapi, to' qom mashi inoxoodeec ca mil vi'iyi. Qaq qom mashi inoxoodeec que'ecaua vi'iyi, nachi somayi cada'ac da qaisouec.

1 Juan 5:18

Cha'ayi saÿajnaq da ca 'eeta'am naq'en da ÿataqta lta'a ñi Dios, camayi sa ishit da huo'o ca i'ot lasouaxashit. Cha'ayi so llalec ñi Dios ntela'a camayi, qaq som shiÿaxaua lma'na sa ishit da huo'o ca 'en'ac.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

Romanos 8:16

Qataq se'eso Espíritu nachi huaxaiguet ñi qolaqpegue' qadqui'i da i'axa't da qomi' mashi qomi' llalqa ñi Dios.

1 Juan 3:14

Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

Lucas 4:6

Nachi so shiÿaxaua lma'na 'enapeco': –Aÿim 'am sanem qome 'enauac de'eda n'añaxac qataq da lli'oxoyic 'enauac ne'enaua 'ale'u, cha'ayi aÿim mashi aÿim qoÿanem 'enauac damayi. Qaq ÿoqo'oyi aÿim ishit da sami' ca camachaqca.

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

1 Juan 5:15

Qaq da qomi' saÿajnaq da ñi Dios hua'axaÿa da qanqouagaxaunaxac, qaq nataq'en saÿajnaq da mashi qomi' hueto'oto ca seÿaxanaqtaique.