1 Juan 5:18 - Nuevo Testamento Toba Sur

¹⁸ Cha'ayi saÿajnaq da ca 'eeta'am naq'en da ÿataqta lta'a ñi Dios, camayi sa ishit da huo'o ca i'ot lasouaxashit. Cha'ayi so llalec ñi Dios ntela'a camayi, qaq som shiÿaxaua lma'na sa ishit da huo'o ca 'en'ac.

Nuevo Testamento Toba Sombrero Negro

¹⁸ Yataqachiñe jayatenaq queda'me ena'uaque gaa'me Dios lec'oqo'tolqa ja maliaĝa quetalo'te gaa'me loeco, dite ñe'me Dios Lec'oĝot netelalo jogaa'me qama'le ñe'me payac ja yaqanatet ta'le 'uo ga'me 'yeteque.

La'aqtaqa Ñim Lo'onatac 'Enauacna 2013

¹⁸ Saỹatenaq da nam llalaqpi Ñim Lo'onatac 'Enauacna saishet da ỹo'ot ca lasouaxashet, cha'aye So Jesucristo maye Llalec Ñim Lo'onatac 'Enauacna ntela'a namayepi, qaq som pa'aguenataxanaxaic saishet da ishet da huo'o ca ỹo'otec qauem namayepi.

1 Juan 5:18 Referans Kwoze

1 Juan 3:9

Qalaxayi nam llalaqpi ñi Dios sa ishit da huo'otaq huo'o ca queto'ot da i'otta'pe naua lasouaxashi'te, cha'ayi camayi hueto'ot da achaalataxac mayi ÿanem ñi Dios. Nachi camayi sa ishit da queto'ot da i'otta'pe naua lasouaxashi'te, cha'ayi llalec ñi Dios.

1 Juan 5:4

Cha'ayi 'enauac nam llalaqpi ñi Dios, namayipi loxonec nam 'onataxacpi mayi huetalec ana 'alhua. Qaq nachida da qadpi'iÿaxac da chigoqchigui da qodoxonec na 'onataxacpi.

Judas 1:21

Qataq sa ishit qome da qai'axañiiuec da lauotaxanaqtaic ñi Dios. Qataq qauachiÿa'aguet ca pa'ateec na'a'q qom so qadataxala' Jesucristo ÿachigoxotchigui da lchoxonnataxanaxa da qomi' ÿanema ca nca'alaxa mayi chochaq tateec.

1 Juan 5:1

Qaq 'enauac nam huo'o da lpi'iÿaxac so Jesús da nachiso so nta'a mayi qadca'alaxaqui, namayipi llalaqpi ñi Dios. Qaq ca ÿauotec ñi qadta'a, qaq nataq'en ÿauotec na llalaqpi ñimayi.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.

1 Pedro 1:23

Cha'ayi qami' dalaxaic da qadañoxoqui. Qaq de'eda qadañoxoqui sa ishit da chigoqchiguilo caua yi'oqchiguilo qadta'alli' mayi taÿa'alo da imedeuo, cha'ayi nachida da l'aqtac ñi Dios mayi nca'altauec, qataq sa ishit da huo'o ca loga't.

1 Juan 2:29

Qaq cha'ayi qami' mashi sogote da qauaÿajñi da so Jesucristo ishit da i'ot ca ÿaÿamaqchiguiñi, qataq mashi qauaÿajñiita nataq'en da 'enauac nam ishit da i'ot ca ÿaÿamaqchiguiñi, namayipi llalaqpi ñi Dios.

Juan 15:9

Aÿim ÿataqta qami' sauoteque, shiita'am da 'eetec ñi ita'a da ÿataqta aÿim ÿauotec. Qaq qami' qome ÿataqta qoquiitegue da 'eetec da qami' sauoteque.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

1 Juan 5:21

Qami' ÿalqolqa, ÿataqta qadvichiÿa'a qome ca lÿa qoÿiitega qadta'a dios. Aja', nachi 'eetec.

1 Juan 4:6

Qomi', qalaxayi qomi' lalamqa'te ñi Dios. Qaq nam ÿauatton ñi Dios nachi ÿataqta qomi' n'axaÿaxanalo. Qaq nam sa ishit da lalamaxatpi ñi Dios, qalaq sa ishit da qomi' n'axaÿaxanalo. Qaq ÿoqo'oyi qomi' ishit da sauattonaq cam hueto'oto naua nhuennataxaco mayi ÿataqta 'eesoda qataq cam hueto'oto naua nhuennataxaco mayi desomaxanaqtaxa'n.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Juan 1:13

Qaq namayipi sa ishit da 'eeta'am da lañoxoc na llalaqpi na yi'oqchigui shiÿaxauapi. Mayi da ñiguiñi, qalaq chigoqchigui da lqopitaxanaqtaic, huo'otaq da lhuennataxac namayipi, cha'ayi namayipi ÿataqta llalaqpi ñi Dios.

1 Juan 3:12

Qaq sa ishit qome da shinaqta'am so Caín mayi quetague' som shiÿaxaua mayi lma'na, nachi ÿalauat co'ollaxa so lalamaxat lqaÿa. Qaq ¿chaq tá'ainco' yi ÿalauat? Qomyi da i'ottac so Caín sa ÿaÿamaxañi, qaq som lqaÿa qalaq ÿataqta ÿaÿamaqchiguiñi da i'ottac.

Hechos 11:23

Qaq co'ollaq iviyi' so Bernabé, nachi ilalec da lqouagaxanaqtaic ñi Dios. Nachi somayi ÿataqta machiguiñi. Huaña, nachi ÿataqta huaqattega 'enauac somayipi da yaqto' da lquiyaqteÿaxac sa dashiuec, chaqdata da ÿataqta quetegue so qadataxala'.

Juan 15:4

Qaq nachi 'eetai' qome da aÿim qan'ayiitau'a, 'eeta'am da 'eetec da aÿim qami' ñi'atta'agueta. Cha'ayi acam lcoue sa ishit da maichi huo'o ana ala, da sa ishit da ÿoqta n'attau'a acam lamo. Qaq nachi 'eetec nataq'en da sa ishit da maichi huo'o ca alaÿaxac da qoñiita, da huo'otaq sa ishit da aÿim qan'ayiitau'a.

Juan 14:30

Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

Mateo 5:37

Chaqdata da 'oonolec ca qadasataxaqui. Qoñiita': aja' huo'otaq 'a'i. Cha'ayi ca chochi qaÿachigoxotauec n'aqtac, camayi chigoqo'ot so shiÿaxaua lma'na.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

1 Juan 5:15

Qaq da qomi' saÿajnaq da ñi Dios hua'axaÿa da qanqouagaxaunaxac, qaq nataq'en saÿajnaq da mashi qomi' hueto'oto ca seÿaxanaqtaique.

1 Juan 5:19

Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.