1 Juan 5:14 - Nuevo Testamento Toba Sur

¹⁴ Qaq ÿataqta sa ishit da ñi'aloxonaqto'ot ñi Dios, cha'ayi qomi' saÿajnaqta da huo'otaq seÿaxanqaique ca ÿaÿamaxadeeta ñimayi, qalaq ishit da qomi' hua'axaÿalo.

Nuevo Testamento Toba Sombrero Negro

¹⁴ 'Uo da'me qadeuataqataĝanaĝac joñe'me Dios, qa'a jayatenaq queda'me qom 'uo ga'me jo'ne jiyaĝanaqaque, qom naq'aeta da'me loequenataĝanaĝac joñe'me, qama'le qo'mi naquiaĝanalo.

La'aqtaqa Ñim Lo'onatac 'Enauacna 2013

¹⁴ Qomi' huo'o da qarpi'iỹaxac Ñim Lo'onatac 'Enauacna, cha'aye saỹatenaq da qomi' hua'axaỹalo da seỹaxanaqot Ñimaye da seỹaxanaqaique ca ỹaỹamaxareeta.

1 Juan 5:14 Referans Kwoze

Juan 14:13

Qaq 'enauac qome nam qauÿaxañiÿaique da qoviilec da i'enaxat, nachi aÿim so'ot, yaqto' ne'ena llalec ñi Dios ishit da ÿachaxan da lli'oxoyic ñi lta'a.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Mateo 21:22

Qataq 'enauac nam qami' qauÿaxañiÿaique da qanqouagaxauñiitac, da ÿataqta qau'amaqchiñi, nachi ishit da qauacoñiiguet.

Santiago 4:3

Qaq da qauÿaxañiÿaique, qataq sa ishit da qauacoñiiguet, cha'ayi sa ÿaÿamaxañi da qadÿaxanaxaqui. Cha'ayi souaxat da qanshiitaique da chochi taigui qanqashiñi da qadqopitaxanaqtaiqui.

Juan 9:31

Qomi' saÿajnaqta da ñi Dios sa ishit da hua'axaÿa na 'itaxaloxoicpi; chaqnata nam ÿi'oxodeetac qataq i'ot cam 'eetapeguec ñimayi, qaq nachina na hua'axaÿa.

Efesios 3:12

Qaq ÿoqo'oyi so Cristo nachiso so chigoqchigui da huo'o mshi selagaqtapiguiñi da senoxonaxau'a ñi Dios, cha'ayi huo'o da qadpi'iÿaxac somayi.

Juan 16:24

Qaq chochi ivitta'a nagui da qami' saxanaxa da huo'o ca qauÿaxañiÿaique da qoviilec da i'enaxat. Qaq qauÿaxañi qome, nachi qauacoñiiguet ca qauÿaxañiÿaique, yaqto' ÿataqta qami' nlaqchiguilo da qantonaxaqui.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Santiago 5:16

Qaq ÿoqo'oyi ñi 'oonolec da qoñiita da'aqtaxanem ca lÿa ca lasouaxashit, qataq ñi 'oonolec nqouagaxaueelec ca lÿa, yaqto' qami' qanatade'n. Da nqouagaxaunaxac ca no'on shiÿaxaua ÿataqta huo'o naq 'enec.

Hebreos 10:35

Qaq ÿoqo'oyi sa ishit qome da huo'o ca qayi'iitaique, cha'ayi ÿataqta lta'adaic qome ca qanshiitenaguiiqui.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Juan 11:42

Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.