1 Juan 4:8 - Nuevo Testamento Toba Sur

⁸ Qaq cam sa ishit da dauotaxanaqta, qachi sa ishit da ÿauatton ñi Dios, cha'ayi ñimayi huotaxanaqtaqaic.

Nuevo Testamento Toba Sombrero Negro

⁸ Joga'me jo'ne qaya'te loqopich'i qamqa'me maliaĝa ja yateton joñe'me Dios, qa'a da'me noqopich'i chiyoĝoguet joñe'me Dios.

La'aqtaqa Ñim Lo'onatac 'Enauacna 2013

⁸ Qaq cam saishet da dauotaxanaqta, camaye saishet da ỹauatton Ñim Lo'onatac 'Enauacna, cha'aye Ñimaye huotaxanaqtaqaic.

1 Juan 4:8 Referans Kwoze

1 Juan 4:16

Qaq 'eda da 'eetec da huo'o mshi saÿajnaq qataq sa'amaqtenaq da ñi Dios qomi' ÿauoteque. Ñi Dios huotaxanaqtaqaic. Qaq cam hueto'ot da nauotaxanaqtaic, camayi n'attau'a ñi Dios, qaq ñimayi hueta'aguet camayi.

1 Juan 4:7

Qami' ÿaqaÿadolqa, ñi 'oonolec da shinaqta ÿataqta ÿauotec ca lÿa, cha'ayi dam nauotaxanaqtaic chigoqo'ot ñi Dios. Qaq 'enauac nam huo'o da lauotaxanaqtaic, namayipi llalaqpi ñi Dios, qataq ÿauatton ñimayi.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

Efesios 2:4

Qalaxayi ñi Dios ÿataqta lta'adaic da lchoxonnataxanaxa da qomi' ÿataqta ÿauoteque,

1 Juan 1:5

Qaq 'eda dam n'aqtaxanaxac mayi qomi' ÿapaxaguenque so Jesucristo dam qami' sa'axataqtapeguema, 'eeta': Ñi Dios yi'oqchiguiñi naq'en 'enauacna, qaq sa ishit da huo'o ca napalaxa da hueto'ot ñimayi.

1 Juan 3:6

Qaq 'enauac nam quetot da n'attau'a so Cristo, nachi namayipi sa ishit da quetot da i'otta'pe nam lasouaxashi'te. Qalaxayi 'enauac nam quetot da huo'o na lasouaxashitpi, namayipi sa ishit da ila'a qataq sa ishit da ÿauatton somayi.

1 Juan 2:9

Qaq da huo'o ca 'eetega da nachattaigui na yi'oqchiguiñi, qalaxayi nquiÿatega ca lqaÿa, nachi camayi ñaq huetaigui na napalaxa.

1 Juan 2:4

Qalaxayi da huo'o ca 'eeta': “Aÿim sauatton ñi Dios,” qalaxayi sa ÿalaxagueta naua lamaxasoxonaxaco ñimayi, nachi camayi chochi tenataxanaxaic qataq saq 'en.

Hebreos 12:29

cha'ayi ñi qadta'a Dios, ñimayi 'eeta'am ca nodec mayi ishit da davigaqtaxan.

1 Juan 3:10

Huaña, nachi ishit da qaÿaÿaten cam ÿoqta 'eesa da llalaqpi ñi Dios qataq cam llalaqpi so shiÿaxaua mayi lma'na, cha'ayi cam sa ishit da i'ot ca ÿaÿamaqchiguiñi, huo'otaq sa ishit da ÿauotec ca lqaÿa, nachi camayi sa ishit da lalamaxat ñi Dios.