1 Juan 4:6 - Nuevo Testamento Toba Sur

⁶ Qomi', qalaxayi qomi' lalamqa'te ñi Dios. Qaq nam ÿauatton ñi Dios nachi ÿataqta qomi' n'axaÿaxanalo. Qaq nam sa ishit da lalamaxatpi ñi Dios, qalaq sa ishit da qomi' n'axaÿaxanalo. Qaq ÿoqo'oyi qomi' ishit da sauattonaq cam hueto'oto naua nhuennataxaco mayi ÿataqta 'eesoda qataq cam hueto'oto naua nhuennataxaco mayi desomaxanaqtaxa'n.

Nuevo Testamento Toba Sombrero Negro

⁶ Qo'mi qamqa'me yataqachiñe jachiyajaqayi joñe'me Dios. Gamachaqaega jo'ne yateton joñe'me Dios, nach'ega jo'ne qo'mi naquiaĝanalo. Qalaĝaja, gamachaqaega jo'ne ja chiyoĝoguet joñe'me Dios qamqa'me ja qo'mi 'te naquiaĝanalo. Naq'aeta da'me dojo', male jatetonaq joga'me jo'ne chiyoĝoguet joñe'me Dios Lepaqal, nataq'aen ga'me jo'ne chiyoĝoguet ñe'me nepaqal jo'ne qovinaĝanaĝaic.

La'aqtaqa Ñim Lo'onatac 'Enauacna 2013

⁶ Qalaxaye qomi' mashe qomi' lalamaqa'ate Ñim Lo'onatac 'Enauacna qataq ishet da sauattonaq ca netanguit So Saqcha'a Na'añaxac maye ỹoqta 'eesa, qataq cam hueto'ot so saqcha'a na'añaxac maye tenataxanaxaic: qaq nam lalamaxatpi Ñim Lo'onatac 'Enauacna qomi' na'axaỹaxanalo qaq nam saishet da lalamaxatpi Ñimaye, qalaq saishet da qomi' qochetegalo.

1 Juan 4:6 Referans Kwoze

Juan 14:17

cam Espíritu mayi ÿoqta 'eesa. Qaq nam shiÿaxauapi mayi huetalec ana 'alhua, namayipi qome sa ishit da ÿaconguet camayi, cha'ayi sa ishit da ila'a, qataq sa ishit da ÿauatton. Qami', qalaxayi qauauattoñi, cha'ayi qami' hueta'agueta, qataq camayi nachi 'eetai' qome da qami' hueta'agueta.

Juan 10:27

Cha'ayi anam qagueta mayi selotague', anamayi ÿauatton da ivilÿaxac, qataq aÿim sauatton anamayipi, qaq anamayi aÿim ca'attague'.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

1 Juan 4:4

Qami' ÿalqolqa, qami' lalamqa'te ñi Dios. Qaq mashi sogote da qodoxonqui ne'ena tenataxanaxaicpi, cha'ayi ñim Dios mayi qami' hueta'agueta ÿataqta 'añaxaic, qaq sa ishit da 'en'am som hueta'aguet nam quetague' na 'onataxacpi mayi huetalec ana 'alhua.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

Juan 16:13

Qalaxayi qom anac cam Espíritu mayi ÿoqta 'eesa, nachi camayi qami' ÿapaxaguenque 'enauac nam lataxaguesat mayi 'eesa; cha'ayi camayi sa ishit da maichi nalligoxottela't ca l'aqtaxanaxac, chaqdata da i'axat 'enauac nam hua'aqchigui, qataq qami' ÿaÿajnaxanaxanque cam ñaq naÿa'cna.

1 Juan 4:8

Qaq cam sa ishit da dauotaxanaqta, qachi sa ishit da ÿauatton ñi Dios, cha'ayi ñimayi huotaxanaqtaqaic.

1 Timoteo 4:1

Qalaxayi so Espíritu i'axatta'agueta naua natrauo na'axa'te da huo'o qome na ca'ai da lpi'iÿaxac, nachi ca'attegueñi' na saq cha'api tenataxanaxaic, qataq n'axaÿaxaatega da lapaxaguenataxanaxac na lamaxashicpi so shiÿaxaua lma'na.

Juan 13:20

Qaq ÿataqta 'eesa de'eda qami' sa'axatema, da ca ÿaconguet cam ÿamaxashic, qaq camayi nachaÿim da aÿim ÿaconguet. Qaq cam aÿim ÿaconguet, camayi ÿaconguet ñim aÿim namaq.

Juan 8:19

Nachi qainattac somayi, qoÿiita': –¿Huá'ague ca neta'ague ca 'adta'a? Nachi so Jesús 'enapeco': –Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.

Lucas 10:22

Nachi 'enapego' so shiÿaxauapi, 'eeta': –Ñi ita'a aÿim ÿanem 'enauac da nauattonaxanaxac. Qalaxayi qaica ca ishit da ÿauatton ne'ena llalec, chaqñita ñim lta'a mayi ÿauatton, qataq qaica ca ishit da ÿauatton ñim lta'a, chaqnata na llalec mayi ÿauatton qataq 'enauac nam tachigui da ÿauattonaxanaxan namayi.

Judas 1:17

Qalaxayi qami' ñauochaxa'u ÿaqaÿadolqa, qauennachiÿa'a da nal'ena co'ollaxa soua lamaxa'shi so qadataxala' Jesucristo,

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

2 Corintios 10:7

Qami' mayi qauloitagui ca chochi yi'oqchigui shiÿaxaua. Qom huo'otaq huo'o ca 'eetega da quetague' so Cristo, qaq camayi no'on da ÿaÿateeta da qomi' nataq'en qolaqtague' so Cristo.

Romanos 11:8

Qaq ipacchigui da 'enapec naua ñiyigui'shi l'aqtaqa ñi Dios, 'eeta': “Ñi Dios i'otec namayipi da ÿataqta qaica ca nomguet, cha'ayi ÿanem da sa ishit da nauaañi, qataq sa hua'aqa. Qaq 'eda da 'eetec namayipi, chochi ivitta'a nagui.”

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

Juan 8:23

Nachi so Jesús 'enapega somayipi, 'eeta': –Qami' qauachigoqoitelec ne'ena npa'aguiñi; aÿim, qalaxayi sachigoqta'ague da pa'ashiguem. Qami' maichi qadmayi ana 'alhua; aÿim, qalaxayi sa ishit da ima' ana'ana 'alhua.

Juan 10:3

Nachi cam lasom l'o ÿauateguet camayi, da yaqto' pa'auo, qaq anam qaguetapi ÿauatton da lavilÿaxac camayi. Nachi camayi iÿaxaatau'a na l'enaxatpi ana qaguetapi, nachi nqateeguesop aca laÿi'.

1 Juan 5:19

Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.