1 Juan 4:19 - Nuevo Testamento Toba Sur

¹⁹ Qaq qomi' ÿataqta sauotaxac ñi Dios, cha'ayi ñimayi hua'auñi da qomi' ÿauoteque.

Nuevo Testamento Toba Sombrero Negro

¹⁹ Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.

La'aqtaqa Ñim Lo'onatac 'Enauacna 2013

¹⁹ Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.

1 Juan 4:19 Referans Kwoze

1 Juan 4:10

Qaq 'eda da huo'o mshi saÿajnaq da lauotaxanaqtaic ñi Dios da ñimayi hua'auñi da qomi' ÿauoteque. Ÿoqo'oyi qomi' namaxalo so llalec, da yaqto' chigoqchigui naq'en somayi da ÿapalaxat na qadasouaxashitpi. Qaq sa ishit da nachiqomi' chigoqchiguilo da sauotaxac ñimayi.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Lucas 7:47

Qaq ÿoqo'oyi nagui 'am sa'aqtaxanem da añimayi de'eda lta'adaic lauotaxanaqtaic naigui da ishit da qaÿapalaxat na qalota lasouaxashit, cha'ayi ca shiÿaxaua da saqalligueme da qaichoxoden, qaq nachi 'en'am saqalligueme da ÿachaxan da lsoxoyic.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?