1 Juan 4:1 - Nuevo Testamento Toba Sur

¹ Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

Nuevo Testamento Toba Sombrero Negro

¹ Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

La'aqtaqa Ñim Lo'onatac 'Enauacna 2013

¹ Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.

1 Juan 4:1 Referans Kwoze

1 Ts 5:21

Qalaxayi qavi'iguiñi 'enauac, qaq cam ÿaÿamaqchiguiñi, nachica ca qauaÿamaxachi.

2 Pedro 2:1

Qalaxayi nataq'en som llalaqpi so Israel co'olloxochiyi huo'o so 'eetega da l'aqtaxanaxanecpi ñi Dios, qalaxayi saq 'en. Qaq nachi 'eetec nataq'en nagui da qoñiita huo'o na dapaxaguenataxaatapeguec da sa lataxac. Namayipi n'otaxaateuo na lapaxaguenataxanaxacpi mayi ishit da deque'emaqtaxan, ivida'a da nqolguete' so qadataxala' mayi nca'alaxateec namayipi. Nachi namayipi maichi quetau'a da saqaÿaloq ca nhuaxanaguec.

1 Timoteo 4:1

Qalaxayi so Espíritu i'axatta'agueta naua natrauo na'axa'te da huo'o qome na ca'ai da lpi'iÿaxac, nachi ca'attegueñi' na saq cha'api tenataxanaxaic, qataq n'axaÿaxaatega da lapaxaguenataxanaxac na lamaxashicpi so shiÿaxaua lma'na.

2 Juan 1:7

Cha'ayi qalota nam huetalec ana 'alhua tenataxanaxaicpi mayi nqolguete' so Jesucristo da ÿoqta 'eesa shiÿaxaua. Qaq cam nachi 'eetec de'eda, qachi nachica ca tenataxanaxaic qataq npa'aguene' so Cristo.

1 Corintios 14:29

Qaq da huo'otaq huo'oi caua i'axa't naua l'aqtaqa ñi Dios, qaq no'on da nachajyiñi caua dos huo'otaq tres da da'aqtaxa'n. Qaq na laÿipi naloqten da l'aqtaxanaxa'c caamayi.

1 Juan 2:18

Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.

Lucas 12:57

Qaq qami' ¿tá'ainco' yi saq maichi qanmichiila't, da yaqto' qau'ochi ca ÿaÿamaqchiguiñi?

Lucas 21:8

Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

1 Corintios 12:10

Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

Hechos 20:29

Cha'ayi aÿim saÿateeta da qom shica'ai ne'ena, nachi huo'o qome ca lÿa anac da huotaique da nlaxajñi na 'amqajnataxanaxaicpi, 'eeta'am da 'eetec ca dequi'iÿapec da detoxongui ana qaguetapi.

Marcos 13:21

Qaq ÿoqo'oyi da huo'o ca qami' da'aqtaxanema da 'eeta': “–Qauloÿa, 'ena na qadta'a qadca'alaxaqui, hueta'a ne'ena,” huo'otaq da 'eeta': “'Iñi cha'a ñimayi,” qalaq sa ishit qome da qau'amaqchiñi.

Hechos 17:11

Qaq se'eso judiopi ÿataqta qaica ca ÿictega da n'axaÿaxan, qaq sa ishit da 'en'am nam netaña yi Tesalónica. Cha'ayi namayipi ÿataqta nqopita da n'axaÿaxana da n'aqtac. Ÿoqo'oyi 'enauaque naua na'axa'tesa'chi qaichimaxatta'pe naua ñiyigui'shi l'aqtaqa ñi Dios da huo'otaq ÿoqta 'eesa de'eda qai'axattac.

1 Ts 5:20

Sa ishit da qau'otañi da l'aqtaxanaxac ca i'aqtaxanaxac ñi Dios.

2 Ts 2:2

da sa ishit qome da qalhuotta'a da qaÿashaxaneec da qadhuennataxaqui, qataq sa ishit da qami' icolanaqchi't da huo'otaq qoÿiitega da mashi ivita ca laloqo' da nvi' so qadataxala'. Cha'ayi sa iuena'a da huo'o ca n'enaqchingui da 'eetega 'ico' i'aqtaxanaxan so Espíritu, huo'otaq da huo'o ca n'aqtaxanaxac qau'aqÿapeguelec, huo'otaq qauacoñiiguet aca nede qoÿiitega qodede.

1 Juan 2:7

Qami' ÿaqaÿa't, aÿim sa ishit da huo'otaq shiyiñi cam dalaxaic namaxasoxonaxac da qami' samaxalo, cha'ayi nachaqdata dam namaxasoxonaxac mayi qauacoñiiguet co'ollaq chita'ague da qau'amqajnataxañi. Qaq de'eda namaxasoxonaxac mayi l'atchiguiñi, nachida dam qau'aqaichigui co'ollaxa.

3 Juan 1:11

'Am ñauochaxaua ÿaqaÿa, sa ishit qome da qoquegue ca qauem 'onataxac, chaqcata ca no'on. Cha'ayi cam i'ot ca ÿaÿamaqchiguiñi, camayi lalamaxat ñi Dios, qaq cam i'ot ca sa ÿaÿamaxañi, qachi sa ishit da ila'a ñi Dios.