1 Juan 3:14 - Nuevo Testamento Toba Sur

¹⁴ Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

Nuevo Testamento Toba Sombrero Negro

¹⁴ Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

La'aqtaqa Ñim Lo'onatac 'Enauacna 2013

¹⁴ Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

1 Juan 3:14 Referans Kwoze

1 Juan 5:2

Qaq da huo'otaq sauotaxac ñi Dios, qataq so'otaq 'enauac nam damaxasoxoolecpi, qaq nataq'en saÿajnaqta da sauotaxac na llalaqpi ñimayi.

Juan 13:35

Qaq da ñi 'oonolec da qoñiita ÿataqta ÿauotec ca lÿa, nachi 'enauac qome na huetalec ana 'alhua ÿaÿaten da ÿataqta 'eesa da qami' ÿapaxaguenataqa.

1 Ts 4:9

Qaq da lataxac da qanauote' ca n'amqajnataxanaxaua, sa iuen da shiyiñi, cha'ayi ñi Dios mashi qami' ÿapaxaguenque da 'eetec da qaÿauotec ca nÿa.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Hebreos 13:1

Sa ishit qome da ÿaxaneec ñi 'oonolec da qoñiita da ÿauotec ca lÿa, 'eeta'am naq'en da lauotaxanaqtaic ca maichi lqaÿa.

Juan 15:12

Qaq dam ÿamaxasoxonaxac mayi qami' sanema 'eeta': Ñi 'oonolec da qoñiita ÿataqta ÿauotec ca lÿa, 'eeta'am da 'eetec da ÿataqta qami' sauoteque.

1 Juan 4:12

Ñi Dios qaica da huo'o ca nma'ai' da ÿauatton. Qalaxayi ñi 'oonolec da shinaqta da ÿataqta ÿauotec ca lÿa, nachi ñi Dios qomi' hueta'agueta, nachi da lauotaxanaqtaic ñimayi ivitta'a da nalochiguiñi da qomi' huetaiguilo.

1 Juan 3:23

Qaq dam lamaxasoxonaxac ñimayi 'eetega da qomi' sa'amaqtenaq so llalec Jesucristo, qataq 'eetega da ñi 'oonolec da shinaqta ÿataqta ÿauotec ca lÿa. Nachida da qomi' ÿamaxalguete.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

Colosenses 1:4

Cha'ayi co'ollaq huo'o da qad'axaÿaxac da qadpi'iÿaxaqui so Cristo Jesús qataq da qadauotaxanaqtaiqui 'enauac nam lalamaxatpi ñi Dios,

Efesios 1:15

Qaq ÿoqo'oyi can aÿim saÿaten da qad'amqajnataxanaxaqui so qadataxala' Jesús qataq da qadsoxoyiqui da qauauochiic 'enauac nam lalamaxatpi ñi Dios,

1 Juan 5:13

Qaq shiyiñi ana'ana ÿide da qami' samaxalo, qami' mayi qau'amaqchiñi so llalec ñi Dios, da yaqto' qauaÿajñiita da qami' hueto'oto da nca'alaxa mayi chochaq tateec.

Juan 15:17

Qaq 'eda qome da qami' samaxalguete, 'eeta': Ñi 'oonolec qome da qoñiita ÿataqta ÿauotec ca lÿa.

1 Juan 2:3

Qaq da ÿataqta salaxasoxogueta naua lamaxasoxonaxaco ñi Dios, nachi huaña, qaq saÿajnaqta da sauattonaqta ñimayi.

2 Pedro 1:7

qataq da qaÿauotec ca nÿa, qataq da qadsoxoyiqui.

Efesios 2:5

nachi qomi' ÿanema da qadca'alaxaua naq'en so Cristo, nai'ctaxa da ñaq souaqtaigui co'ollaxa da 'ico' qomi' leuaxaiqa souaxat na qadasouaxashitpi. Qaq damayi maichi chigoqchigui da lqouagaxanaqtaic ñi Dios da huo'o mshi qami' nca'alaxatreec.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

Efesios 2:1

Ñi Dios qami' ÿanema da qadca'alaxauai naq'en so Cristo co'ollaq qami' ñaq qoviitaigui da 'ico' qadleuaqai, souaxat nam sa ÿaÿamaxañisat qataq nam qadasouaxashichi

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Lucas 15:24

Cha'ayi de'eda ÿalcolec damayi mashi saqca, qalaxayi qaltaq nca'aleec. Damayi daqat, qalaxayi mashi sanataxa.” Nachi qai'ot se'eso n'ashaxac.

Lucas 7:5

cha'ayi ñimayi ÿataqta ÿauotec na qadhuo' l'ecpi. Ñimayi nachiñi ñi damaxasoxoolec añi qalaponaxaqui co'ollaxa da qan'oxooshiguem.