1 Juan 2:5 - Nuevo Testamento Toba Sur

⁵ Qaq cam i'o't naua lamaxasoxonaxaco ñimayi, nachi camayi ivida'a da ÿataqta ÿauotec ñi Dios. Qaq 'eda da 'eetec da huo'o mshi saÿajnaq da qomi' ñi'adaqtau'a ñimayi.

Nuevo Testamento Toba Sombrero Negro

⁵ Qalaĝaja, gamachaqaega jo'ne yauo'oe daa'me 'laqataqa joñe'me Dios, nach'ega male yovita da'me loqopich'i jo'ne yataqatelegue. Nach'eda eeta da'me male jayatenaq queda'me jonaqataye joñe'me.

La'aqtaqa Ñim Lo'onatac 'Enauacna 2013

⁵ Qalaxaye cam ỹo'ot ca damaxasoxoolec Ñim Lo'onatac 'Enauacna, qaq nacheca ca ỹaỹaten da lauotaxanaqtaic, 'eeta'am da lauotaxanaqtaic Ñim Lo'onatac 'Enauacna qataq ỹataqta ỹaỹateeta da nauochaxaua Ñimaye.

1 Juan 2:5 Referans Kwoze

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Juan 14:21

Qaq ca ÿaÿateeteguet qataq ÿalaxaguet na ÿamaxasoxonaxacpi, camayi yi'oq da ÿataqta 'eesa da aÿim ÿauotec. Qaq ñim ita'a ÿataqta ÿauotec cam aÿim ÿauotec, qaq aÿim nataq'en ÿataqta sauotec camayi, qataq ñachaxana.

Lucas 11:28

Qalaxayi somayi 'enapeco': –¡Qalaxayi ÿataqta ÿacteec da machiguiñi cam n'axaÿaxana dam l'aqtac ñi Dios qataq ÿalaxaguet!

1 Juan 3:24

Qaq nam ÿalaxalec na lamaxasoxonaxacpi, nachi ÿataqta n'attau'a ñimayi, qaq ñimayi hueta'aguet namayipi. Qaq saÿajnaq da ñimayi qomi' hueta'agueta, cha'ayi so n'Espíritu mayi qomi' ÿanema, somayi qomi' ÿaÿajnaxanaxa'n.

Apocalipsis 14:12

Qaq ÿoqo'oyi iuen da ÿataqta ÿauo'o da lhualaxavic nam lalamaxatpi ñi Dios mayi ÿalaxalguete naua lqataxaco ñimayi qataq quetague' so Jesús.

1 Juan 5:2

Qaq da huo'otaq sauotaxac ñi Dios, qataq so'otaq 'enauac nam damaxasoxoolecpi, qaq nataq'en saÿajnaqta da sauotaxac na llalaqpi ñimayi.

Juan 15:5

Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

1 Juan 4:18

Qaq cam hueta'ague de'eda nauotaxanaqtaic, nachi sa ishit da huo'o ca ncolanaxa. Cha'ayi de'eda nauotaxanaqtaic mayi nalochiguiñi, damayi i'odauec ca ncolanaxa. Cha'ayi de'eda ncolanaxa, damayi ilota'aguet da nhuaxanaguec. Qaq ÿoqo'oyi ca huo'o da lcolanaxa, qachi camayi sa ishit da ÿataqta dauotaxanaqta.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Apocalipsis 12:17

Huaña, nachi se'eso shiguiÿac ÿataqta dalemataÿa asa'aso 'alo. Nachi somayi jec da iloquiaxan na n'onañi llalaqpi asomayi, nam ÿataqta ÿalaxalguete naua lqataxaco ñi Dios, qataq ÿataqta quetelguete naua 'eesoda lataxaco mayi i'axa't co'ollaxa so Jesucristo.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

Santiago 2:22

Ña 'ameteno' de'eda 'eetec so Abraham, damayi yi'oq naq'en da huo'o da lpi'iÿaxac, souaxat de'eda i'ot. Qaq de'eda lpi'iÿaxac ivida'a da ÿataqta nalochiguiñi, souaxat da ÿaÿamaqchiguiñi l'onataxanaxac.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Juan 6:56

Ca chic da i'oquiaxac qataq da nÿomguilo naua itago'q, nachi camayi nachi 'eetai' da aÿim n'attau'a, qaq nachi 'en'am aÿim soota'aguet camayi.

1 Juan 4:17

Qaq yaqto' sevidaqta'a da ÿataqta nalochiguiñi da qadauotaxanaqtaic, yaqto' ca na'a'q qom qanmit 'enauac na shiÿaxauapi, qalaq sa ishit da ñi'aloxonaqtac. Cha'ayi qomi' nagui da ñaq souaqta'a ana 'alhua, qalaq ÿataqta shinaqta'am so Jesucristo.

2 Juan 1:6

De'eda nauotaxanaqtaic naigui da qaÿalaxaguet na lamaxasoxonaxacpi ñi Dios. Qaq de'eda namaxasoxonaxac mayi qami' qau'aqaichigui co'olloxochiyi, damayi 'eetega da qoñiita'am ca shiÿaxaua dauotaxanaqta.