1 Juan 2:4 - Nuevo Testamento Toba Sur

⁴ Qalaxayi da huo'o ca 'eeta': “Aÿim sauatton ñi Dios,” qalaxayi sa ÿalaxagueta naua lamaxasoxonaxaco ñimayi, nachi camayi chochi tenataxanaxaic qataq saq 'en.

Nuevo Testamento Toba Sombrero Negro

⁴ Ga'me jo'ne enaac: “Jateton joñe'me Dios”, qalaĝaja qom maliaĝa ja yauo'oe daa'me lamaĝajoĝonaĝaco, nach'ega jo'ne qovinaĝanaĝaic nataq'aen da'me eja ja ue'tajop joga'me.

La'aqtaqa Ñim Lo'onatac 'Enauacna 2013

⁴ Da huo'o ca 'eeta': «Aỹem ñauochaxaua Ñim Lo'onatac 'Enauacna» qalaxaye saishet da ỹalaxaguet, nache camaye tenataxanaxaic qataq saishet da 'en da nasaxauec.

1 Juan 2:4 Referans Kwoze

1 Juan 1:6

Qaq ÿoqo'oyi da shinaqtega da ñi'adaqtau'a ñimayi, qalaxayi ñaq souaqtaigui na napalaxa, nachi chochi satenataxanaqtac qone' da huo'o ca shinaqpec qataq da huo'o ca so'otaq.

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

1 Juan 1:8

Qaq da shinaqpec da qaica ca qadasouaxashit, nachi qomi' maichi ñatenachitaqtapeguela't, qataq sa ishit da qomi' 'eesoda.

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?

1 Juan 2:9

Qaq da huo'o ca 'eetega da nachattaigui na yi'oqchiguiñi, qalaxayi nquiÿatega ca lqaÿa, nachi camayi ñaq huetaigui na napalaxa.

1 Juan 1:10

Qalaxayi da shinaqtega da sa ishit da huo'o ca so'otaq qadasouaxashit, nachi 'eeta'am ñaq'enaq da shipecaic ñimayi, qataq sa ishit qone' da ÿoqta sa'amaqtenaq da l'aqtac.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Tito 1:10

Cha'ayi mashi saqalota na sa ÿalaq, lamaaxa na judiopi. Namayipi ltaxaÿaxaco naua chochi n'ajnaxaiqa, qataq ÿatenachittalec na shiÿaxauapi.

1 Juan 2:3

Qaq da ÿataqta salaxasoxogueta naua lamaxasoxonaxaco ñi Dios, nachi huaña, qaq saÿajnaqta da sauattonaqta ñimayi.

1 Juan 3:6

Qaq 'enauac nam quetot da n'attau'a so Cristo, nachi namayipi sa ishit da quetot da i'otta'pe nam lasouaxashi'te. Qalaxayi 'enauac nam quetot da huo'o na lasouaxashitpi, namayipi sa ishit da ila'a qataq sa ishit da ÿauatton somayi.

1 Juan 4:7

Qami' ÿaqaÿadolqa, ñi 'oonolec da shinaqta ÿataqta ÿauotec ca lÿa, cha'ayi dam nauotaxanaqtaic chigoqo'ot ñi Dios. Qaq 'enauac nam huo'o da lauotaxanaqtaic, namayipi llalaqpi ñi Dios, qataq ÿauatton ñimayi.