1 Juan 1:8 - Nuevo Testamento Toba Sur

⁸ Qaq da shinaqpec da qaica ca qadasouaxashit, nachi qomi' maichi ñatenachitaqtapeguela't, qataq sa ishit da qomi' 'eesoda.

Nuevo Testamento Toba Sombrero Negro

⁸ Qom 'uo ga'me enaac: “Qaya'te yoec”, qama'le noqovila't nataq'aen da'me eja ja netaye joga'me.

La'aqtaqa Ñim Lo'onatac 'Enauacna 2013

⁸ Qaq da shenaqtega da qaica ca qarasouaxashet, nache qomi' maiche ñatenachetaqtapeguela't, cha'aye saishet da 'eesa dam ñasaxasoxouec.

1 Juan 1:8 Referans Kwoze

Romanos 3:23

cha'ayi 'enauac nam shiÿaxauapi huo'o da ÿasouaxat, qataq ÿataqta qaÿoqta ñim Dios mayi ishit da deca'alaqtaxan.

Santiago 3:2

Cha'ayi 'enauac huo'oi naua qadsomaxaco. Qaq da huo'o ca sa ishit da huo'o ca lsomaxac da detaqa, que'eca shiÿaxaua ÿataqta nalochiguiñi, cha'ayi ÿataqta ÿaÿaten da ilo'ogue 'enauac da l'oquiaxac.

1 Juan 2:4

Qalaxayi da huo'o ca 'eeta': “Aÿim sauatton ñi Dios,” qalaxayi sa ÿalaxagueta naua lamaxasoxonaxaco ñimayi, nachi camayi chochi tenataxanaxaic qataq saq 'en.

1 Juan 1:10

Qalaxayi da shinaqtega da sa ishit da huo'o ca so'otaq qadasouaxashit, nachi 'eeta'am ñaq'enaq da shipecaic ñimayi, qataq sa ishit qone' da ÿoqta sa'amaqtenaq da l'aqtac.

Gálatas 6:3

Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Santiago 1:26

Da huo'o ca ipi'itaxaatega da ÿataqta 'amqajnataxanaxaic, qalaxayi sa ishit da icoñidai' ñi lachaxat, camayi maichi natenachittapeguela't. Qaq da l'amqajnataxanaxac ÿataqta saqca ca naigui.

1 Timoteo 6:5

qataq da loquiaxac qaica ca loga't. 'Eda da 'eetec na shiÿaxauapi mayi mashi sotaq ÿaÿamaq da lauattonaxanaxac, qataq mashi sotaq ÿauatton da 'eesa lataxac. Namayipi ipi'itaxano' da qaÿachigoxottapoigui da yi'oqchigui nsallaxa da n'amqajnataxanaxac. 'Ena na sa ishit da 'anhuoiguet qome.

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

2 Juan 1:2

Aÿim ÿataqta sauotec 'enauac da qoñiita souaxat dam n'aqtac mayi ÿataqta 'eesa, dam huetaiguilo naua qadquiyaqte, qataq nachi 'eetai' da qomi' hueta'agueta.

1 Juan 1:6

Qaq ÿoqo'oyi da shinaqtega da ñi'adaqtau'a ñimayi, qalaxayi ñaq souaqtaigui na napalaxa, nachi chochi satenataxanaqtac qone' da huo'o ca shinaqpec qataq da huo'o ca so'otaq.

Santiago 1:22

Qalaxayi qau'ochi cam qami' ÿapaxaguenque da n'aqtac. Sa ishit da chochi qan'axaÿaxañiitega. Cha'ayi da nachi qoñiita'ac de'eda, qaq 'en'am da chochi qanatenachiitapeguela't.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

3 Juan 1:3

Cha'ayi aÿim ÿataqta qalota da ÿamaiquiaxac co'ollaq huo'o na nvi' qadqaÿañicpi, nachi aÿim i'axattapeguem da ÿataqta 'aupacchigui da 'adpi'iÿaxac, cha'ayi nachi qouetaigui dam n'aqtac mayi ÿataqta 'eesa.

2 Pedro 2:13

qataq qaÿi'iguelaxateguet qome da nque'etaxangui 'enauac nam i'otec na laÿipi. Namayipi ipi'itaxano' da ÿataqta machiguiñi da quetaigui na lamanaxanaqtaiguesat mayi sa qaÿauec. Namayipi ÿataqta i'ot da n'aloxo, qataq da qai'ot ca sa ÿaÿamaxañi da huo'otaq qami' ÿalectaiguilo da qau'ochiitac na qadqui'axaqui. Nachi namayipi ÿataqta machiguiñi da chochi qami' ÿatenachitta'pe.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Romanos 3:10

Cha'ayi naua ñiyigui'shi l'aqtaqa ñi Dios 'eeta': Qaica da huo'o ca chochi 'oonolec shiÿaxaua da no'on ca i'ot;

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?