1 Juan 1:6 - Nuevo Testamento Toba Sur

⁶ Qaq ÿoqo'oyi da shinaqtega da ñi'adaqtau'a ñimayi, qalaxayi ñaq souaqtaigui na napalaxa, nachi chochi satenataxanaqtac qone' da huo'o ca shinaqpec qataq da huo'o ca so'otaq.

Nuevo Testamento Toba Sombrero Negro

⁶ Qom 'uo ga'me enaac: “Jema'aguet joñe'me Dios”, qama'te ua'edi maliaĝa quetaue da'me 'lalaĝa, qama'le daa'me 'laqataqa uotaĝa 'lonataqa ja chimadichidiñe.

La'aqtaqa Ñim Lo'onatac 'Enauacna 2013

⁶ Qaq da shenaqtega da qanauochaxaua Ñim Lo'onatac 'Enauacna, qalaxaye qolaqto'ot da so'otaqtac da qaye'etaxaloxo, nache qomi' choche satenataxanaqtac, shenaqta'am nam tenataxanaxaicpi maye sa ỹalaxaguet Ñimaye.

1 Juan 1:6 Referans Kwoze

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?

1 Juan 2:4

Qalaxayi da huo'o ca 'eeta': “Aÿim sauatton ñi Dios,” qalaxayi sa ÿalaxagueta naua lamaxasoxonaxaco ñimayi, nachi camayi chochi tenataxanaxaic qataq saq 'en.

1 Juan 1:10

Qalaxayi da shinaqtega da sa ishit da huo'o ca so'otaq qadasouaxashit, nachi 'eeta'am ñaq'enaq da shipecaic ñimayi, qataq sa ishit qone' da ÿoqta sa'amaqtenaq da l'aqtac.

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Juan 12:35

Nachi so Jesús 'enapega somayipi, 'eeta': –Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague.

Santiago 2:14

Qami' ÿaqaÿadolqa, ¿négue'to' ca naigui da huo'o ca 'eetega da huo'o da lpi'iÿaxac, da huo'otaq sa ishit da i'ot ca ÿaÿamaqchiguiñi? ¿Peta'a ishit da nca'alaxateec de'eda lpi'iÿaxac?

Juan 12:46

Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

Juan 11:10

Qalaxayi ca 'oonolec da huo'otaq queuotapigui yi pe, nachi camayi ishit da qui'aqñi, cha'ayi qaica na yi'oqchiguiñi.

Santiago 2:18

Qaq da huo'o ca 'enapec da l'aqtac: “'Am huo'o da 'adpi'iÿaxac; aÿim, qalaxayi, huo'o da ÿaÿamaqchiguiñi i'onataxanaxac.” Qalaxayi aÿim shinapec: “Ñaq aÿim 'auachaxanem da 'adpi'iÿaxac 'andoxotteec, sa 'aualecneuo ca ÿaÿamaqchiguiñi 'ad'onataxanaxac. Ime, qaq aÿim 'am sachaxana da ÿaÿamaqchiguiñi l'onataxanaxac da ipi'iÿaxac.”

1 Juan 1:8

Qaq da shinaqpec da qaica ca qadasouaxashit, nachi qomi' maichi ñatenachitaqtapeguela't, qataq sa ishit da qomi' 'eesoda.

Santiago 2:16

Qaq huo'o ca 'oonolec da qoñiita 'enapega: “'Aue qome, saqca ca da da 'iquiaxac. Sa 'auena'a ca 'anapogoña qataq ca qollic.” Qalaxayi da saq ÿanem cam yi'oqchigui lhuenaxanaxa, qaq ¿négue'to' ca naigui de'eda?

Mateo 7:22

Qaq qom ivita que'eca na'a'q, qaq qalota qome na aÿim 'enapega, 'eeta': “'Am qadataxala', qomi' so'onataxanaqtega naxa da 'ad'enaxat da sa'aqtaxanaqtac, qataq da so'odaqhuec na n'ecpi leguemaxaicpi, qataq da so'otaq na n'anecpi mayi i'ot da n'aalaxa.”

1 Timoteo 4:2

Qataq n'axaÿaxaatega na saq ÿataxalec qataq tenataxanaxaic mayi mashi ÿavic da ntounaxac, ÿoqo'oyi sotaq nomguet da i'ot ca ÿaÿamaqchiguiñi.

Juan 8:55

Qalaxayi qami' sa ishit da qauauattoñi ñimayi; aÿim, qalaxayi sauatton ñimayi. Cha'ayi da aÿim shinapec da sa sauatton, nachi aÿim chochi satenataxaatac, qaq nachi shiita'ama qami'. Qalaxayi aÿim ÿataqta sauattoota ñimayi, qataq salaxaguet cam 'enapec.