1 Juan 1:10 - Nuevo Testamento Toba Sur

¹⁰ Qalaxayi da shinaqtega da sa ishit da huo'o ca so'otaq qadasouaxashit, nachi 'eeta'am ñaq'enaq da shipecaic ñimayi, qataq sa ishit qone' da ÿoqta sa'amaqtenaq da l'aqtac.

Nuevo Testamento Toba Sombrero Negro

¹⁰ Qom 'uo ga'me enaac: “Ja jaue gamachaqaega yoec”, qama'le en pecaic joñe'me Dios, nataq'aen maliaĝa ja yaconegueta daa'me 'laqataqa joñe'me.

La'aqtaqa Ñim Lo'onatac 'Enauacna 2013

¹⁰ Qataq da shenaqtega da saishet da huo'o ca so'otaq qarasouaxashet, nache qomi' so'otaxac Ñim Lo'onatac 'Enauacna da 'eeta'am ca tenataxanaxaic, qataq saishet da qomi' netaiguilo da la'aqtac maye qomi' ỹanema.

1 Juan 1:10 Referans Kwoze

1 Juan 1:8

Qaq da shinaqpec da qaica ca qadasouaxashit, nachi qomi' maichi ñatenachitaqtapeguela't, qataq sa ishit da qomi' 'eesoda.

1 Juan 5:10

Qaq cam i'amaqten so llalec ñi Dios, nachi camayi huetaigui añi lquiyaqte de'eda n'aqtaxanaxac. Qaq cam sa ishit da i'amaqten ñi Dios, nachi camayi 'eeta'am da shipecaic naq'en ñimayi. Cha'ayi sa ishit da i'amaqten da l'aqtaxanaxac ñi Dios co'ollaq i'axat so llalec.

1 Juan 2:4

Qalaxayi da huo'o ca 'eeta': “Aÿim sauatton ñi Dios,” qalaxayi sa ÿalaxagueta naua lamaxasoxonaxaco ñimayi, nachi camayi chochi tenataxanaxaic qataq saq 'en.

2 Juan 1:2

Aÿim ÿataqta sauotec 'enauac da qoñiita souaxat dam n'aqtac mayi ÿataqta 'eesa, dam huetaiguilo naua qadquiyaqte, qataq nachi 'eetai' da qomi' hueta'agueta.

1 Juan 2:14

Qaq qami' ÿi'axaiquipi, qami' samaxalo ana ÿide, cha'ayi mashi qauauattoñiita som nal'ena da huo'o co'ollaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi ÿataqta qami' 'añaxaiqa, qataq qauacoñiiguet da l'aqtac ñi Dios, qataq cha'ayi sogote qodoxonqui so shiÿaxaua lma'na.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

1 Juan 4:4

Qami' ÿalqolqa, qami' lalamqa'te ñi Dios. Qaq mashi sogote da qodoxonqui ne'ena tenataxanaxaicpi, cha'ayi ñim Dios mayi qami' hueta'agueta ÿataqta 'añaxaic, qaq sa ishit da 'en'am som hueta'aguet nam quetague' na 'onataxacpi mayi huetalec ana 'alhua.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.