1 Corintios 9:7 - Nuevo Testamento Toba Sur

⁷ ¿Négue't ca ishit da tau'a da nale ca nta'a, qaq maichi nshiiteetapeguela't? qataq ¿négue't ca ishit da ÿaañi ana uvas, qaq sa ishit da chic ana ala? qataq ¿négue't ca ishit da ilotague' ana qagueta, qaq sa ishit da chic na lchi' mayi nlomtac?

Nuevo Testamento Toba Sombrero Negro

⁷ Qa'a qaya'te nalada't lo'o ta'le mach'ega nejetela't qom yec'ata ga'me nalataĝac, nataq'aen qaya'te naĝanaĝaic ta'le ja yalic ga'me jala joga'me lanec, nataq'aen qaya'te neteloqo'te jaga'me quetaĝapi ta'le ja niyomigui jaga'me lochi' jo'ne chiyaqayi jogaa'me.

La'aqtaqa Ñim Lo'onatac 'Enauacna 2013

⁷ ¿Negue't ca ishet da taua'a da nale ca nta'a, nache maiche nsheetetapeguela't? Qataq ¿negue't ca ishet da ỹaañi ana uva, qaq saishet da chec ana ala? Qataq ¿negue't ca ishet da ilotague' ana qagueta, qaq saishet da nỹomgui na lche' maye nlomtac?

1 Corintios 9:7 Referans Kwoze

1 Timoteo 1:18

'Am ÿalec Timoteo, 'am sami' da ÿaqataxac, cha'ayi ñishitaique da qoquetalec da 'auloctapeguelec da 'ad'onataxanaxac, qalaxayi nachida da 'adpi'iÿaxac, qataq da ÿaÿamaqchiguiñi 'advilÿaxac. 'Aupactelco' qome da 'an'aqtaguec mayi chigaqaigui na Dios l'aqtaxanaxanecpi.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Pedro 5:2

Da ÿaqataxac 'eeta': Ÿataqta qauloÿigue qome na 'amqajnataxanaxaicpi mayi qami' ipataxalguete ñi Dios da qauloÿigue. Qau'enaxachiichigui cam ilotague' aca qagueta. Ÿataqta qanpa'ataxayiñiilec, cha'ayi nachida da 'eetapeguec ñi Dios. Sa ishit da chochi qami' qaÿamaqta'pe, qataq sa ishit da chochi qanaquichiita'a aca plata. Chaqdata da ÿataqta qanasapachiitelec da qad'onataxanaxaqui.

2 Timoteo 4:7

Mashi semat da seloctapeguelec da i'onataxanaxac, qataq senoxonaqchiteec da ñaloxoyaxac. Ÿataqta soolec da qadpi'iÿaxac.

1 Timoteo 6:12

'An'añaxajleco' qome da 'adpi'iÿaxac, yaqto' ishit da 'anauec da achaalataxac mayi chochi tateec. Cha'ayi de'eda achaalataxac nachida da huo'o mshi Dios 'am iÿaxana, qataq mashi ime da 'anachaachisop da 'au'axat da 'adpi'iÿaxac, qataq saqalota na 'am ÿauaachigui.