1 Corintios 9:5 - Nuevo Testamento Toba Sur

⁵ qataq nataq'en da ñinaictague' aca iua 'amqajnataxanaxai, 'eeta'am da 'eetec na laÿipi lamaxashicpi so qadataxala' Jesús, qataq soua lalamqa'te lqaÿa't, nataq'en so Pedro.

Nuevo Testamento Toba Sombrero Negro

⁵ Nataq'aen chimaqachiñe ta'le ñaigaqatapegue'to gaa'me qadoua' nale jeuoqotac, nach'e naq'aeta nale da'me ya'uo ñe'me Pedro nataq'aen jogaa'me laqayadejoda ñe'me Jaliaĝanec nataq'aen jogaa'me mach'e lamaĝa's.

La'aqtaqa Ñim Lo'onatac 'Enauacna 2013

⁵ Qataq nataqa'en ishet da ñenaigaqtague' aca qarhua de'era qoyecỹaxac, 'eeta'am da 'eetec na laỹepi lamaxashecpi So Qarataxala' Jesús, qataq soua lalamaqa'ate lqaỹa't, nataqa'en so Pedro.

1 Corintios 9:5 Referans Kwoze

Juan 1:42

Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.

Mateo 8:14

So Jesús nqo'ona so lma' so Pedro. Qaq co'ollaq ivita, nachi ilalec aso lachodo so Pedro da sa no'on, huetalec so lmala', qataq huo'o na l'edaxa.

Hebreos 13:4

Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.

Gálatas 1:19

Qalaxayi sa ishit da huo'o ca lÿa da sela'a so laÿipi, chaqsota so Santiago som lalamaxat lqaÿa so qadataxala' Jesús.

1 Corintios 7:39

Aca 'alo mashi huadon, acamayi sa ishit da qansogoñi da ladonaxac qom ña nca'altauec ca lhua. Qalaxayi ca lhua da huo'otaq mashi ileu, nachi acamayi ÿataqta huosochiguiñi da huo'otaq huadonguet ca lÿa shiÿaxaua, qalaxayi 'onaxaic da l'amqajnataxanaxaua.

1 Corintios 7:7

Aÿim huo'o da iyaxa da 'enauac aÿim qoÿiita'am, qalaxayi ñi Dios ÿanem ñi 'oonolec na ÿotta'a't lshitaxanaxatpi. Ca 'oonolec 'eeta' da lataxac, qataq ca lÿa 'eeta'.

Hechos 1:14

Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.

Tito 1:6

Ca lataxala' na 'amqajnataxanaxaicpi sa ishit da huo'otaq sa ÿaÿamaxañi ca n'aqtaguec, qataq 'oonole aca lhua naq'en, qataq da'amqajnataxan naq'en na llalaqpi, yaqto' sa ishit da huo'o ca qaÿasaxalec, souaxat ca n'onataxac sa ÿaÿamaxañi, qataq souaxat da sa ÿalaq.

1 Timoteo 5:2

Qataq da qonapega aca nquedoxona, 'au'enaxatchigui aca yi'oqchigui 'adate'e. Qataq da qonapega aca qa'añole, 'au'enaxatchigui aca maichi 'adqaÿa, yaqto' qaica ca 'an'aqtaguec sa ÿaÿamaxañi.

1 Timoteo 3:2

Ÿoqo'oyi ca lataxala' na 'amqajnataxanaxaicpi sa ishit da huo'otaq sa ÿaÿamaxañi da n'aqtaguec. Chaqdata da 'oonole naq'en aca lhua, qataq ÿataqta ilotegue da lliquiaxac, nloteec, qataq qaica ca taÿapegueu'a. Qataq ÿataqta nloshiguem, sa ishit da sa ilo'oguet da lÿa da namaxasoxoic. Qataq ÿaÿaten da dapaxaguenataxan.

1 Corintios 7:15

Qalaxayi ca ÿale, huo'otaq aca 'alo mayi sa da'amqajnataxan, da ipacapegue' da dalataxan, qaq no'on da ipacalec. Qaq da nachi 'eetec de'eda, qaq ca 'amqajnataxanaxaic, huo'otaq aca 'amqajnataxanaxai, nachi qalta ipactegue da huosochiguiñi. Cha'ayi ñi Dios qomi' iÿaxanalo da selagaqtapiguiñi.

1 Corintios 1:12

Qaq ÿoqo'oyi yi'oqta da qoñiita da ÿotta'a't naua qadtaxaÿaxacolli'. Cha'ayi huo'o na 'eeta': “Aÿim ÿataxala' so Pablo;” qataq huo'o na 'eeta': “Aÿim ÿataxala' so Apolo;” qataq huo'o na 'eeta': “Aÿim ÿataxala' so Pedro;” qataq huo'o na 'eeta': “Aÿim ÿataxala' so Cristo.”

Romanos 16:1

Huo'o da ÿaqataxac aca qadqaÿa Febe mayi itauaatac nam 'amqajnataxanaicpi mayi netaña yi Cencrea,

Juan 2:12

Qaq co'ollaq ime de'eda, nachi somayi taÿa yi pueblo l'enaxat Capernaum, lÿatac aso late'e, nataq'en soua lqaÿa't, qataq soua lapaxaguenataqa. Nachi ÿataqta huo'oi soua na'axa'te da hueta'a yimayi.

Lucas 6:15

Mateo, qataq so Tomás, qataq so Santiago som llalec so Alfeo, qataq so Simón som chigaqaigui na cananistapi,

Marcos 6:3

Yi damayi chochi qo'ipaq l'o, llalec aso María, qataq lqaÿa so Santiago, José, Judas qataq so Simón. Qataq naua lqaÿa't 'alo souaqta'agueta. Nachi sa ishit da qai'amaqten.

Marcos 1:30

Qaq aso lachodo so Simón nnaatai', cha'ayi asomayi huo'o na l'edaxa. Nachi qai'aqtaxanem so Jesús da asomayi sa no'on.

Mateo 13:55

Cha'ayi damayi nachida da llalec som qo'ipaq l'o, l'enaxat José. Qataq aso late'e l'enaxat María. Damayi nachi lqaÿa't soua Santiago, José, Simón qataq so Judas.

1 Timoteo 4:3

Ne'ena shiÿaxauapi sa ÿashin da nadonaxac, nataq'en huo'o na sa ÿashin nallicpi da qanallic. Qalaxayi ñi Dios i'ot 'enauac na nallic, yaqto' ishit da chictac nam da'amqajnataxan qataq mashi ÿauatton da 'eesa lataxac, da ÿanem da n'achiquiaxac ñi Dios.

1 Corintios 7:8

Qaq nam qaca aca lhua qataq ana pa'ai huo'o da i'aqtac da 'onaxaic da nachi 'eetai' da sa ishit qome da huadon, 'eeta'am aÿim.

Lucas 8:20

Nachi huo'o so da'aqtaxanem so Jesús, 'eeta': –Ada 'adate'e qataq daua 'adqaÿa't pa'atrauec, huotaique da 'am qanauane'.