1 Corintios 9:26 - Nuevo Testamento Toba Sur

²⁶ Qaq aÿim 'eda da ñaloxoyaxac, sa ishit da chochi ñaqalgoqtapecda'. Qataq da ñiuaxanaxac sa ishit da chochi seuaxaatapecda'.

Nuevo Testamento Toba Sombrero Negro

²⁶ Qo'che' jayem, ena'am ta'le ñaqalegoqot'a ga'me loiquiaqa' da'me qomitaĝac, nataq'aen da'me yeloiquiaĝac 'noota, ja je'uaĝatapeguet ga'me layat.

La'aqtaqa Ñim Lo'onatac 'Enauacna 2013

²⁶ Qaq ỹoqo'oye aỹem huo'o da ña'añaxataxac da yaqto' saconeguet damaye. Saishet da seloctac da qaica ca sheetapeguec.

1 Corintios 9:26 Referans Kwoze

2 Pedro 1:10

Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

2 Timoteo 2:5

Qaq nachi 'en'am ca shiÿaxaua da huo'otaq tau'a da qomitaxac, qaq da huo'otaq sa ipaguelec da ÿoqta lataxac, nachi sa ishit da ÿaconguet ca nshiitenaxac.

Filipenses 1:21

Cha'ayi da ñachaalataxac mashi nachattaigui so Cristo, qaq ÿoqo'oyi da seleu, qataq ÿacteec ñaq'en da 'onaxaic.

Colosenses 1:29

Qaq nachida da huo'o mshi aÿim ÿataqta imauec ñaq'en da ñi'añaxataxac mayi aÿim ÿami' so Cristo da so'onataxaatac.

Lucas 13:24

–Qan'añaxachi qome da qaunoxoñiu'a ñim lasom mayi saq 'amaqtaq, cha'ayi aÿim shinapec da ÿataqta qalota qome na nshitaique da inoxoneuo, qalaxayi sa ishit da ÿañoxot.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Efesios 6:12

Cha'ayi qomi' sa ishit da huo'otaq seloquiaqtapegue' ca yi'oqchigui qadapachiyaxaua, chaqnata nam n'añaxacpi qauemaicpi saq cha'a mayi hueto'ot na piguem, nam damaxasoxonapecpi, 'añaxaicpi mayi ÿamaqpec nam huetaigui na napalaxa.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Hebreos 4:1

Qaq ÿoqo'oyi nagui da ñaq huo'o da qomi' qaÿachaxanapecoto da ishit da senoxonaxau'a ca nmataxac ñi Dios, nachi ÿataqta ñitelaqañi qome. Ten, qom huo'o ca 'oonolec da qoñiita da sa ishit da inoxoneuo.

2 Corintios 5:8

Qaq ÿataqta huo'o de'eda qanaquitaxac. Qaq ÿoqo'oyi huo'o da qadyaxa da saxanaxauec da ñachaataqtaigui de'eda qad'oquiaxac, nachi qolaq da yaqto' souaqta'aguet so qadataxala'.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

1 Corintios 14:9

Qaq nachi 'en'am da qoñiita: da naua n'aqtaqa mayi qanasaqaitrapeguec, da sa ishit da qai'axaigueta, qaq ¿huá'ago' da ishit da qaÿaÿaten ca qoñiitega? Qaq ¡'en'am da chochi qautaqaitapecda'!

Mateo 11:12

Qaq chigoqta'a co'ollaq nvi' so Juan mayi nachilaxanataxanaq, qaq chochi ivitta'a nagui, da de'eda l'onataxanaxac ñi Dios mayi neta'ague da piguem da ÿataqta huo'o da ncogaxanataguec; qaq nam do'onataxaatega da yi'oqchigui l'añaxac, namayipi nshitaique da deuotaxanec damayi.

Gálatas 2:2

Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.

2 Timoteo 4:7

Mashi semat da seloctapeguelec da i'onataxanaxac, qataq senoxonaqchiteec da ñaloxoyaxac. Ÿataqta soolec da qadpi'iÿaxac.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.