1 Corintios 9:24 - Nuevo Testamento Toba Sur

²⁴ Qami' mashi qauaÿajñi da huo'otaq huo'o aca aloxo, qaq 'enauac na nqomittac ÿataqta nqalgoqchin, qalaxayi 'oonolec ca ÿaconguet ca nshiitenaxanaxat. Qaq qami' ÿataqta qanqalgoqchiñi qome, yaqto' qauacoñiiguet ca nshiitenaxanaxat.

Nuevo Testamento Toba Sombrero Negro

²⁴ Ami yataqachiñe auayachiñe nale 'uo ga'me noqomida'at, uo'oe gaa'me naqalego' nale, qalaĝaja onolec ga'me mataĝanaĝaic. Chane'eja, ami nataq'aen 'noota qom anaqalegoqoi qaedi naq'aeta da'me auomataĝañi.

La'aqtaqa Ñim Lo'onatac 'Enauacna 2013

²⁴ Qami' qauaỹaañita da huo'otaq huo'o ca qomitaxac, nache saishet da 'enauac na nqomittac da nauec ca qanallettapigui, chaqrata da 'oonolec ca ỹaconeguet cam qanallettapigui. Qaq qomi' maye qolaqtague' So Cristo, damaye 'eeta'am ca qomitaxac, qaq ỹoqo'oye iuen da ñaỹamaxataqta da yaqto' ñauegaq ca qanallettapigui.

1 Corintios 9:24 Referans Kwoze

Filipenses 3:14

yaqto' sevida'a ca naloqnec qataq cam qaÿachaxanapec cam huo'o mshi qomi' iÿaxanalo ñi Dios mayi neta'ague da piguem, souaxat da ñi'adaqtau'a so Cristo Jesús.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

Apocalipsis 3:11

Qaq aÿim saqaÿaloq da ñanac. Qaq ÿoqo'oyi 'auaÿamaxattec qome ca 'am hueto'ot, yaqto' sa ishit da huo'o ca ÿacona ca 'anshiitenaxat.

Filipenses 2:16

da huo'otaq qau'axachiim da n'aqtac mayi chigaqaigui da nca'alaxa. Yaqto' qom ivita da ñi'iguelaq so Cristo, nachi ÿataqta samachiguiñi souaxat da qoñiita, cha'ayi saÿateeta da sa ishit da saqca ca naigui da ñaqalgoxosoxoc qataq da i'onataxanaxac.

1 Corintios 9:26

Qaq aÿim 'eda da ñaloxoyaxac, sa ishit da chochi ñaqalgoqtapecda'. Qataq da ñiuaxanaxac sa ishit da chochi seuaxaatapecda'.

Gálatas 5:7

Qaq qami' ÿataqta qauaÿamaqaichiguiñi co'ollaxa. Qalaq ¿chaq négue't cam chigoqchigui da huo'o mshi qami' qai'axañiiñi da qaualaqailec dam 'eesa lataxac?

Gálatas 2:2

Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Colosenses 2:18

Qaq sa ishit qome da qauauaqaita'a da sa qami' talguete naq'en ca qanshiitenaxachi nam shiÿaxauapi mayi chochi huomoigui da 'ico' qaica ca n'amqajnaxac qataq natameetacot na namaxashic piguem l'ecpi. Cha'ayi namayipi taigui da i'ot cam sa ishit da ÿoqta ÿauaachigui, qataq chochi ÿashittagui da ñi'oxonnaxac, souaxat naua maichi lhuennataxaco da lapachiyaxac.

Romanos 6:16

Cha'ayi qami' qauaÿajñiita da huo'otaq qanañañiÿot ca 'aco' da ÿauo'o qami' l-lataqa, huaña, nachi qami' ÿataqta qaualaqaiguet camayi, cha'ayi qan'aco'oi. Qaq nachi 'eetec nataq'en qami' da huo'otaq ÿataqta qaualaqaiguet da ñi'itaxaloxo mayi chigaqaigui da nleuaxa da 'eeta'am da qan'aco'oi, huo'otaq da qaualaqaiguet ñi Dios da qau'ochi ca ÿaÿamaqchiguiñi.

1 Corintios 9:13

Qami' mashi qauaÿajñi da na huetapegue' da n'onataxanaxac aca n'onaxanaxaqui, namayipi chigaqaigui da nshiitenaguec de'eda l'onataxanaxac. Dam ÿoqta shiitega 'eeta' da nam huetapegue' aca nca'atoxonaxalate da ÿavigaxattac na nachitaqtaxanaxat huaca lapat, namayipi chictac na qaiÿotauga lapat.

1 Corintios 9:23

Qaq 'eda 'enauac da shiitec souaxat da n'aqtac mayi chigaqaigui da nca'alaxa, yaqto' ishit da nataq'en aÿim ñiuanau'a ca chigaqaigui de'eda n'aqtac.

Filipenses 3:12

Qaq aÿim sa ishit da huo'otaq shiitega da mashi sevi' 'enauac nam sa'axattac, huo'otaq da mashi nalochiguiñi da ÿataxac. Qalaxayi aÿim ashicta, huo'o da ñaquitaxac da ña sevida'a da huo'o mshi aÿim ÿaconeu'a co'ollaxa so Cristo Jesús.