1 Corintios 9:23 - Nuevo Testamento Toba Sur

²³ Qaq 'eda 'enauac da shiitec souaxat da n'aqtac mayi chigaqaigui da nca'alaxa, yaqto' ishit da nataq'en aÿim ñiuanau'a ca chigaqaigui de'eda n'aqtac.

Nuevo Testamento Toba Sombrero Negro

²³ Ena'uaque gaa'me jauo'oe, ja'uo qaedi qoyelagaĝategue da'me qo'yaĝatetac da'me onaĝaic 'naqataĝanaĝac, qa'a jetaque nach'e ena'am ñapeteguet joga'me.

La'aqtaqa Ñim Lo'onatac 'Enauacna 2013

²³ Qaq 'enauac de'era so'ot souaxat da ỹauoche da no'on na'axaỹaxac, qataq nataqa'en sauotaique da ñeuanaua'a cam qaica ca 'ena'am da lyac maye naigui de'era na'aqtac.

1 Corintios 9:23 Referans Kwoze

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

Marcos 8:35

Cha'ayi ca nshitaique da maichi nca'alaxajla't, nachi camayi daqat da nachaalataxac; qalaxayi ca daqat da nachaalataxac, souaxat da aÿim quetague' qataq souaxat da n'aqtac, nachi camayi qanca'alaxateec qome.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Gálatas 2:5

Qalaxayi qomi' ÿataqta sa ishit da cada'acolec da ña shinaqta da qolaxague namayipi. Cha'ayi sauoqtaique da qami' nachi 'eetai' da qami' hueto'oto dam 'eesa n'aqtaxanaxac mayi chigaqaigui da nca'alaxa.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

2 Timoteo 2:6

Nataq'en ca shiÿaxaua da huetauga ca nanaxanqa' da do'onataxaatac, camayi mayi hua'auñi ÿaconguet da alaÿaxac da l'onataxanaxac.

2 Corintios 2:4

Cha'ayi can settapiguiñi asa'aso ÿide, qala ÿataqta lta'adaic da shiita qataq huo'o da ÿaquicoxo, ivida'a da ñoÿiitac. Qalaxayi sa ishit da shiyiñi asomayi da yaqto' qami' ÿaquicoqchi't, qalaxayi chochi ñishitaique da qauaÿajñi da ÿataqta lta'adaic da ÿauotaxanaqtaic da qoñiita.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Romanos 11:17

Qaq huo'o nam judiopi nam lcoue asa'aso nanguishi l'enaxat olivo nam qaiquesoxouec. Qaq som chigoqchiguiña, nachi nañaxateu'a qanqoÿin 'am mayi qoneta'am aca lcoue aca olivo mayi saq nanguishi. Huaña, nachi 'am ishit da 'anhuanau'a so lpa'a'q qataq da lca'alaxa asom olivo.

1 Corintios 9:22

Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

1 Corintios 9:24

Qami' mashi qauaÿajñi da huo'otaq huo'o aca aloxo, qaq 'enauac na nqomittac ÿataqta nqalgoqchin, qalaxayi 'oonolec ca ÿaconguet ca nshiitenaxanaxat. Qaq qami' ÿataqta qanqalgoqchiñi qome, yaqto' qauacoñiiguet ca nshiitenaxanaxat.