1 Corintios 9:22 - Nuevo Testamento Toba Sur

²² Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

Nuevo Testamento Toba Sombrero Negro

²² Nataq'aen nale jouetauelo gaa'me jo'ne ja 'uañaĝaic da'me lepe'e', da'me 'yoyaĝac je'etem ta'le ena'ama jogaa'me, qaedi jogaa'me nach'egaua yomataĝanaqa'te. Chane'eja da'me 'yoyaĝac je'etem da'me yema jena'am, qaedi yema jachiyoĝotayi q'aen da'me uo'oe gaa'me ñec'alaĝatedegue.

La'aqtaqa Ñim Lo'onatac 'Enauacna 2013

²² Qataq naxa da sootaigui na saxanaxa da da'añi da lpi'iỹaxac, nache se'enaxat da lataxac. Yaqto' ishet nataqa'en da setauan namayepi. Qataq 'era da sheetec da ỹataqta ñacoola't da se'enaxatchigui da lataxac ñi 'oonolec na ỹotta'a't shiỹaxauapi, yaqto' ishet da qanca'alaxatec namayepi.

1 Corintios 9:22 Referans Kwoze

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

1 Corintios 9:19

Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Romanos 11:14

Cha'ayi ñishitaique da yaqto' na maichi ÿalamaxat iuo' l'ecpi ishit da huo'o ca lyaxa da qami' datalguete, yaqto' namayipi ishit da qanca'alaxateec.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

1 Corintios 7:16

Cha'ayi 'am 'alo, ¿sa 'auaÿajno' da huo'otaq ishit da 'am chigoqchigui da qanca'alaxateec ca 'adhua? Huo'otaq 'am ÿale, ¿sa 'auaÿajno' da huo'otaq ishit da 'am chigoqchigui da qanca'alaxateec aca 'adhua?

2 Corintios 11:29

Qataq da huo'o ca qaica ca l'añaxac, nachi aÿim nataq'en 'eeta'am da qaica ca i'añaxac. Da huo'otaq huo'o ca huañi qanqoÿin, qalaq aÿim huo'o da ñique'etaxangui da icoxo qataq da ÿalemataic.

Romanos 14:1

Ca shiÿaxaua da huo'otaq qaica ca l'añaxac da lpi'iÿaxac, qalaq camayi qauacoñiiguet, qalaxayi sa ishit da qancotaitapigui cam saq 'en.

Romanos 14:2

Chochi saloqnaxana da huo'otaq huo'o ca ipi'ittega da ÿañoxot da chic 'enauac na nalliguesat, qalaxayi huo'o cam lÿa mayi sa ishit da huo'o ca l'añaxac da lpi'iÿaxac, nachi ndoteec nam nallic mayi chigaqaigui na nanguishic laue na chictac.

Romanos 15:2

Ñi 'oonolec da shinaqta ÿataqta npogoxoinapegue' qome cam ishit da machiguiñi naq'en ca l'amqajnataxanaxaua qataq cam ÿaÿamaqchiguiñi, qataq cam ishit da nquictashiguem naq'en da lpi'iÿaxac.

1 Corintios 9:23

Qaq 'eda 'enauac da shiitec souaxat da n'aqtac mayi chigaqaigui da nca'alaxa, yaqto' ishit da nataq'en aÿim ñiuanau'a ca chigaqaigui de'eda n'aqtac.