1 Corintios 9:19 - Nuevo Testamento Toba Sur

¹⁹ Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

Nuevo Testamento Toba Sombrero Negro

¹⁹ Mate mane'e ja jayem 'te lelatac gamachaqaega, qalaĝaja jayem je'etec da'me 'yoyaĝac da'me ena'am ta'le ena'uaque ami jayem adelataqui, qaedi da'me yomataĝanaĝac jen p'etaqadaiquipi ga'me jiyaĝadipi.

La'aqtaqa Ñim Lo'onatac 'Enauacna 2013

¹⁹ Na'aictaxa da aỹem huesochiguiñi, qalaxaye se'enaxat da, 'eeta'am da aỹem l-latac 'enauac na shiỹaxauapi, yaqto' ỹataqta saqalota na ỹaueguec shiỹaxauapi da ỹa'amaqten So Cristo.

1 Corintios 9:19 Referans Kwoze

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Mateo 18:15

Ca 'adqaÿa da huo'otaq huo'o ca 'am i'otec sa ÿaÿamaxañi, qaq no'on da 'andote' camayi da 'au'aqtaxanem ca lsomaxac. Qaq camayi da huo'otaq 'am ÿalaxaguet, nachi 'am 'adaueguec camayi da qaichoxoden.

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

1 Timoteo 4:16

Qataq 'antel-la't, 'aulotegue da 'adapaxaguenataxanaxac. Ÿataqta qoquetot de'eda shiitega, cha'ayi da 'au'ot de'eda, nachi ÿataqta 'avida'aguet da 'am qanca'alaxateec qataq 'enauac na 'am n'axaÿaxaatega.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

Romanos 15:2

Ñi 'oonolec da shinaqta ÿataqta npogoxoinapegue' qome cam ishit da machiguiñi naq'en ca l'amqajnataxanaxaua qataq cam ÿaÿamaqchiguiñi, qataq cam ishit da nquictashiguem naq'en da lpi'iÿaxac.

1 Pedro 3:1

Nachi 'eetec nataq'en qami' 'alpi mayi mashi qauadoñi. Añi 'oonole da qoñiita ÿataqta nañanguet da ÿalaxaguet ca lalamaxat lhua, yaqto' da huo'o ca 'oonolec namayipi da huo'otaq saxanaxa da i'amaqten da n'aqtac, nachi ishit da da'amqajnataxan, souaxat da ÿauaachigui da no'on 'an'onataxac. Nachi nai'ctaxa da sa ishit da 'au'aqtaxanem camayi,

1 Corintios 9:1

Aÿim 'eesa da aÿim huosochiguiñi, qataq yalau'a da 'enec ca lamaxashic so Jesús. Cha'ayi aÿim ñauane' somayi som qadataxala'. Qaq qami' mayi nachiqami' naiguilo da i'onataxanaxac da so'onataxaatacot so qadataxala'.

Romanos 1:14

Cha'ayi huo'o da ñi'aqtac da sa'aqtaxanem 'enauac na shiÿaxauapi, nai'ctaxa cam ÿaÿaten da naÿamaxataxac, huo'otaq cam sa ishit da naÿamaxatapec, qataq nam ÿaÿaten ana nede, huo'otaq cam sa ÿaÿaten ana nede.

Gálatas 5:1

So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

1 Corintios 7:16

Cha'ayi 'am 'alo, ¿sa 'auaÿajno' da huo'otaq ishit da 'am chigoqchigui da qanca'alaxateec ca 'adhua? Huo'otaq 'am ÿale, ¿sa 'auaÿajno' da huo'otaq ishit da 'am chigoqchigui da qanca'alaxateec aca 'adhua?

Romanos 11:14

Cha'ayi ñishitaique da yaqto' na maichi ÿalamaxat iuo' l'ecpi ishit da huo'o ca lyaxa da qami' datalguete, yaqto' namayipi ishit da qanca'alaxateec.

1 Corintios 10:29

Qaq sa'axattac da lhuennataxac ca lÿa shiÿaxaua, qaq sa ishit da nachida da qadhuennataqai. Qalaxayi da huo'o ca 'enapec da l'aqtac: “¿Tá'ainco'ctaxa da 'aloqtapigui iuel naq'en da lhuennataxac ca iÿa da huo'otaq huo'o ca sachictac?

2 Corintios 4:15

Qaq 'enauac de'eda yi'oq, yaqto' qami' qauaÿamqaiñi, yaqto' da qalota na ÿaconguet da lqouagaxanaqtaic ñi Dios, qaq qalota nataq'en na ÿaatacot da n'achic, qaq damayi naigui da lli'oxoyic ñi Dios.

2 Corintios 12:14

Qaq nagui qataq sogote da ñaÿamaxattai' da qaltaq tres da shi'iguelaxalec da qami' ñamaqtegalo, qalaxayi sa ishit qome da huo'o ca aÿim nsallaxaueetapegue' da qoñiita. Cha'ayi aÿim sa ishit da ñimittaique cam qami' hueto'oto, cha'ayi nachiqami' mayi qami' saÿa'alo. Cha'ayi cam nta'a mayi nachica ca laÿon aca alom da yaqto' talec cam llalec, qaq sa ishit da nachica cam ñalec da laponaxaalec cam lta'a.