1 Corintios 9:18 - Nuevo Testamento Toba Sur

¹⁸ Qaq ÿoqo'oyi de'eda ñishiitenaguec nachida da ñitonaxac da sa'axattac ca n'aqtac mayi chigaqaigui da nca'alaxa da sa ishit da aÿim qaishiiteetac. Qaq sa ishit da aÿim shictega da shinec da huo'otaq seque'etapigui da i'aqtaxanaxac.

Nuevo Testamento Toba Sombrero Negro

¹⁸ Chane'eja, qom naq'aeta qama'le da'me jayem machiñe q'aen chiyaqayi da'me ja jepaquetapega ta'le jayem qoyejeten da'me japaĝaguenataĝan, qaedi da'me onaĝaic 'naqataĝanaĝac qaya'te lajo'vi da'me qoyaconeguet. Qo'che' ja jepitaqatenac mate mane'e chimaqachiñe ta'le jayem qoyanem ga'me jouetaque.

La'aqtaqa Ñim Lo'onatac 'Enauacna 2013

¹⁸ Qalaxaye ca 'eetec de'era ¿negue't ca ỹaueguec da so'ottac de'era? Damaye nachera da ñetonaxac da sa'axattac da no'on na'axaỹaxac, qalaxaye saishet da so'ogoxona da shenec, da yaqto' qaisheeten da ỹo'onataxanaxac da aỹem lamaxashec So Cristo.

1 Corintios 9:18 Referans Kwoze

1 Ts 2:6

Qataq sa ishit da qomi' ñimitaqtaique da qomi' qavi'oxoyiñi', huo'otaq na ÿaqauga shiÿaxauapi, nai'ctaxa da qomi' lamaxa'shi so Cristo. Qalaxayi ñaqaiyita sa ishit da nachida da shigaqtega da yaqto' qomi' qauloigueta.

1 Corintios 8:9

Qalaxayi qami' qautelaqtaxañiÿot de'eda qadataxaqui mayi huosochiguiñi da sa ishit qome da huo'o ca lasouaxashit naq'en ca saxanaxa da da'añi da lpi'iÿaxac.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

1 Corintios 7:31

qataq nam do'onataxaatega na huetalecna 'eeta'am da sa ishit da do'onataxana. Cha'ayi na yi'oqchigui mayi huetalecna, taÿa'a da imeuo.

Romanos 14:15

Qaq ÿoqo'oyi ca nallic mayi qollictac, da huo'otaq ishit da ique'emaqchit da lhuennataxac ca 'ad'amqajnataxanaxaua, nachi 'am sa ishit qone' da qoquetaigui da 'adsoxoyic. Qaq sa ishit qome da huo'o ca 'auqataqchit nam ileualecpi co'ollaxa so Cristo, souaxat da 'am 'anshitaique da qollic nam ÿotta'a't nallic.

Juan 4:36

Qaq cam daqataxaatac, camayi ÿaconguet ca nshiitenaguec. Qaq nam ala na nanguishic mayi nqattac, namayi naigui ca nca'alaxa mayi chochaq tateec, yaqto' cam danaxaatac qataq cam daqataxaatac ishit da 'eeta'a't da ntootapigui'salo.

Hechos 18:3

qaq cha'ayi nachi 'eeta'ama soomayi da l'onataxanaxa'c da i'ottrac na npe'l, nachi na'asopa soomayi da l'onataxanaxa'u.

1 Corintios 3:8

Ca danaxaatac qataq ca decodaxaatac, caamayi 'eeta'a't, nai'ctaxa da ñi 'oonolec ÿaconguet da lashiichiÿaxac da l'onataxanaxac qom ishiiten ñi Dios.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

1 Corintios 9:15

Qalaxayi aÿim sa ishit da soolec de'eda shinec mayi aÿim hueto'ot, qataq sa ishit da settapiguiñi de'eda da yaqto' huo'o ca aÿim qai'añiim. Cha'ayi ¡no'ono' da seleu, yaqto' qaica ca ishit da nqat de'eda ñitonaxac mayi aÿim hueto'ot!

1 Corintios 9:17

Qaq ÿoqo'oyi da aÿim maichi ñalligoxottela't da iuennataxac da so'ot damayi, qaq ishíttaxa da huo'o ca ñishiitenaguec. Qalaxayi da ÿoqta aÿim qaÿamaxalec da so'ot damayi, qaq 'eesa da ÿoqta aÿim ipataxalec de'eda ñi Dios.