1 Corintios 9:16 - Nuevo Testamento Toba Sur

¹⁶ Cha'ayi da sa'axattac da n'aqtac mayi chigaqaigui da nca'alaxa, qaq sa ishit da ñi'oxodeetapigui, cha'ayi aÿim qaÿamaxalec da so'ot. Qaq ¡choxodaicolec aÿim da sa sa'axat damayi!

Nuevo Testamento Toba Sombrero Negro

¹⁶ Da'me chiyaqayi da'me ji'yoĝodetac ja jaldata da'me ja'aĝatetac da'me onaĝaic 'naqataĝanaĝac, qa'a jayem qoyamaĝalegue qaedi je'et; chane'eja ¡degueja da'me yachoĝodec ta'le ja je'et!

La'aqtaqa Ñim Lo'onatac 'Enauacna 2013

¹⁶ Da sa'axattac da no'on na'axaỹaxac, qaq saishet da sauotaique da aỹem ỹo'oxoraq. So'ot damaye, cha'aye aỹem ỹamaxalec Ñim Lo'onatac 'Enauacna. Qaq ¡choxoraicolec aỹem da saishet da so'ot damaye!

1 Corintios 9:16 Referans Kwoze

Romanos 1:14

Cha'ayi huo'o da ñi'aqtac da sa'aqtaxanem 'enauac na shiÿaxauapi, nai'ctaxa cam ÿaÿaten da naÿamaxataxac, huo'otaq cam sa ishit da naÿamaxatapec, qataq nam ÿaÿaten ana nede, huo'otaq cam sa ÿaÿaten ana nede.

Colosenses 4:17

Nataq'en qoñiÿapega qome ca Arquipo, qoñiita': “Ÿataqta 'aupactelco' qome da 'ad'onataxanaxac mayi 'am ÿami' so qadataxala', da yaqto' 'au'onataxanot.”

Lucas 9:62

Qalaxayi so Jesús 'enapeco': –Qaica ca shiÿaxaua da huo'otaq mashi ÿashil-lec ca n'arado da n'atshiguem ca n'alhua, ime, qaq ÿamata'ague na l-laq. Cha'ayi da nachi 'eetec, qaq camayi saq taiguet da l'onataxanaxac ñi Dios da ilo'ogue 'enauacna.

Hechos 4:20

Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.

Romanos 15:17

Cha'ayi aÿim sa'amaqteetac so Cristo Jesús, ÿoqo'oyi huo'o da ñi'amqajnaxac, souaxat da so'onataxaatacot ñi Dios.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Hechos 9:6

Nachi so Saulo ÿataqta iviloxolaqchit da lcolanaxa, nachi 'enapeco': –'Am ÿataxala', ¿chaq négue't ca 'anshitaique da aÿim so'ot? Nachi so qadataxala' 'enapego' somayi, 'eeta': –Qoñishiguem qome, nachi 'au'a yi la ciudad. Yimayi nachi huaña da 'am qai'aqtaxanem cam 'au'ot.

Romanos 4:2

Yi somayi da huo'otaq ÿaÿamaxadeeta ñi Dios, souaxat cam l'onataxanaxac, nachi somayi ishíttaxa da huo'o da n'amqajnaxac, qalaxayi sa ishit da n'amaqteeto'ot ñi Dios.

1 Corintios 4:15

Cha'ayi nai'ctaxa da qami' ivi' ca diez mil na qami' ÿapaxaguenque so Cristo, qalaxayi sa ishit da qalota na qadta'aipi. Cha'ayi aÿim mayi aÿim lta'a da qadpi'iÿaxaqui so Cristo Jesús. Cha'ayi aÿim mayi qami' sa'axatema co'ollaxa da no'on qad'axaÿaxac mayi chigaqaigui da nca'alaxa.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

1 Corintios 9:14

Qaq 'eda da lqataxac nataq'en so qadataxala' da ca i'axattapeguec da n'aqtac mayi chigaqaigui da nca'alaxa, camayi ishit da deque'etapigui da l'aqtaxanaxac.

2 Corintios 2:12

Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

Mateo 25:16

Nachi so l-latac mayi ÿaconguet aso cinco mil, somayi do'onataxangui asa'aso anom da nmen. Nachi ivi' cinco mil aso laÿi laueque.