1 Corintios 9:14 - Nuevo Testamento Toba Sur

¹⁴ Qaq 'eda da lqataxac nataq'en so qadataxala' da ca i'axattapeguec da n'aqtac mayi chigaqaigui da nca'alaxa, camayi ishit da deque'etapigui da l'aqtaxanaxac.

Nuevo Testamento Toba Sombrero Negro

¹⁴ Nach'e naq'aeta da'me damaĝajoĝolegue ñe'me Jaliaĝanec, qaedi gaa'me jo'ne 'yaĝatetedac da'me onaĝaic 'naqataĝanaĝac qoyanema nale ga'me jo'ne youetedaque.

La'aqtaqa Ñim Lo'onatac 'Enauacna 2013

¹⁴ Qaq nache 'eetec nataqa'en da lamaxasoxonaxac So Qarataxala' da ca ỹa'axattapeguec da no'on na'axaỹaxac, camaye ishet da deque'etapigui de'era lo'onataxanaxac.

1 Corintios 9:14 Referans Kwoze

Mateo 10:10

qataq ca laÿi' ca qonoqoi na nqa'aic. Qataq 'oonolec ca qauachii qal-lomaxaquii, qataq caua qadapela'chilli' qataq ca qadashilaxala'ai. Cha'ayi ca 'onataxanaxaic ÿataqta 'itchiguiñi da ÿaconguet ca aloq.

Gálatas 6:6

Qaq cam ÿaconguet da napaxaguenataguec da l'aqtac ñi Dios, qaq camayi no'on da nhuaate' ca napaxaguenaxala' 'enauac nam hueto'ot lsallaxa.

1 Corintios 9:4

Aÿim 'itchiguiñi da saconguet 'enauac nam aÿim qaiqui'axanec qataq na aÿim qanÿomaxangui,

Lucas 10:7

Ime, nachi qoviÿa'a que'eca nma', qaq qolliqui qataq qanÿomiigui 'enauac cam huo'o, cha'ayi ca do'onataxaatac, camayi 'itchiguiñi da huo'o da nshiitenaguec. Qaq sa ishit qome da qaiteu'alo naua nma'te.

Lucas 10:8

Qaq da huo'o ca qavichiÿa pueblo cam huaña da qami' ÿacongueta, nachi qolliqui 'enauac nam qami' iqui'axanque.

Hechos 18:3

qaq cha'ayi nachi 'eeta'ama soomayi da l'onataxanaxa'c da i'ottrac na npe'l, nachi na'asopa soomayi da l'onataxanaxa'u.

1 Corintios 4:15

Cha'ayi nai'ctaxa da qami' ivi' ca diez mil na qami' ÿapaxaguenque so Cristo, qalaxayi sa ishit da qalota na qadta'aipi. Cha'ayi aÿim mayi aÿim lta'a da qadpi'iÿaxaqui so Cristo Jesús. Cha'ayi aÿim mayi qami' sa'axatema co'ollaxa da no'on qad'axaÿaxac mayi chigaqaigui da nca'alaxa.

1 Corintios 9:11

Qaq da qomi' sanaqtapiguiñi dam saq cha'a mayi chigoqo'ot so Espíritu Santo, qaq ¿peta'a sa lataxaco' da qomi' ñaqataq cam yi'oqchigui mayi chigaqaigui da qoñiita?

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

1 Corintios 9:16

Cha'ayi da sa'axattac da n'aqtac mayi chigaqaigui da nca'alaxa, qaq sa ishit da ñi'oxodeetapigui, cha'ayi aÿim qaÿamaxalec da so'ot. Qaq ¡choxodaicolec aÿim da sa sa'axat damayi!

2 Corintios 2:12

Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.