1 Corintios 8:9 - Nuevo Testamento Toba Sur

⁹ Qalaxayi qami' qautelaqtaxañiÿot de'eda qadataxaqui mayi huosochiguiñi da sa ishit qome da huo'o ca lasouaxashit naq'en ca saxanaxa da da'añi da lpi'iÿaxac.

Nuevo Testamento Toba Sombrero Negro

⁹ Qalaĝaja 'noota qom at'oiya'aguet ta'le naqa'ami chiyaqayilo da'me a'naĝachi ga'me adaqayai jo'ne maliaĝa qaya'te 'lañaĝac da'me latetonaĝanaĝac, qa'a jouaĝat da'me auayotelegue da'me aualiqui ga'me lapat jo'ne joote najaqajec.

La'aqtaqa Ñim Lo'onatac 'Enauacna 2013

⁹ Qaq qomi' na'aictaxa da qomi' huesochiguiñi da maicheye ca sacheguenaq. Qalaxaye iuen da ñetelaqa'a na qara'amqaanataxanaxauapi maye saxanaxa da da'añi da lpi'iỹaxac.

1 Corintios 8:9 Referans Kwoze

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

1 Pedro 2:16

Qami' qoñiita'amo' qome ca shiÿaxaua ÿataqta huesochiguiñi, qalaxayi sa ishit da qau'ogoxoñiÿa da qami' huesochiyiñi da qau'ochi ca sa ÿaÿamaxañi. Chaqdato' da qoñiita'am da ÿataqta qami' l-lataqa ñi Dios.

2 Pedro 2:19

Namayipi 'eetega da i'axattac da lliquiaxac da achaalataxac mayi ÿataqta huesochiguiñi, qalaxayi namayipi l-latac naua 'onataxaco mayi deshipaxanaqtaxa'n. Cha'ayi ca shiÿaxaua 'eeta'am da l-latac cam loxonec camayi.

1 Corintios 10:24

Qaica ca nmittaique ca maichi laÿamaxa. Chaqdata da nmitta'ai da ÿaÿamaxajñi ca lÿa.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

1 Corintios 9:22

Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

1 Corintios 8:12

Qaq da nachi qoñiitec de'eda da qauque'emaqchichi da ntounaxac ca qadqaÿa mayi qaica ca l'añaxac da lpi'iÿaxac, qaq 'en'am da nachiso so Cristo qauque'emaqchichi.

1 Corintios 8:10

Saloqnaxana 'am mayi 'auaÿateeta de'eda. Da huo'otaq 'anso'ooñisop cam huaña da qaÿi'oxoden ca nqolac da 'auque'e, qaq da huo'otaq 'am ilau'a ca qadqaÿa mayi saxanaxa da da'añi da lpi'iÿaxac, qaq que'eca qadqaÿa nachi i'añaxachigui lauel da dequi'iÿapegueu'a que'eca nallic mayi qoÿanot ca nqolac.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

2 Corintios 11:21

Qaq nai'ctaxa da aÿim huo'o da i'aloxo da shinapec de'eda, cha'ayi ¡qomi' ÿapacteec da qaica ca qad'añaxac da so'otaq damayi! Qalaxayi namayipi da ÿataqta saq llivigui yi lauel da n'amaqten, qaq nataq'en aÿim ÿataqta saq llivigui yi iuel, qaq nai'ctaxa da 'ico' huo'o da ñi'onataxac da shinapec nagui de'eda.

1 Corintios 10:29

Qaq sa'axattac da lhuennataxac ca lÿa shiÿaxaua, qaq sa ishit da nachida da qadhuennataqai. Qalaxayi da huo'o ca 'enapec da l'aqtac: “¿Tá'ainco'ctaxa da 'aloqtapigui iuel naq'en da lhuennataxac ca iÿa da huo'otaq huo'o ca sachictac?

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

1 Corintios 10:28

Qalaxayi da huo'o ca qami' da'aqtaxanema, 'eeta': “Ne'ena lapat, namayi nachitaqtaxanaxat da qoÿanot ca nqolac,” nachi sa ishit da qolliqui, yaqto' sa ishit da qauque'emaqchichi ca qami' da'aqtaxanema, qataq yaqto' sa ishit da sa ÿaÿamaxañi da nhuennataxac.

2 Corintios 6:3

Qaq sa ishit da huo'o ca 'ico' ñaqanaxataqtac, yaqto' sa ishit da qauem da n'aqtaguec da qad'onataxanaxac.

2 Corintios 11:29

Qataq da huo'o ca qaica ca l'añaxac, nachi aÿim nataq'en 'eeta'am da qaica ca i'añaxac. Da huo'otaq huo'o ca huañi qanqoÿin, qalaq aÿim huo'o da ñique'etaxangui da icoxo qataq da ÿalemataic.

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.