1 Corintios 8:13 - Nuevo Testamento Toba Sur

¹³ Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

Nuevo Testamento Toba Sombrero Negro

¹³ Chane'eja, qom ga'me jalic chiyaqayi da'me ya'uo loec ga'me yaqaya, qama'le 'noota da'me ja yitaĝa jalic ga'me lapat, qaedi ja yitaĝa chiyaqajeguem ga'me yaqaya.

La'aqtaqa Ñim Lo'onatac 'Enauacna 2013

¹³ Qaq ỹoqo'oye aỹem saishet da sachec ca nallec da saỹaten da ỹauega ca ỹa'amqaanataxanaxaua maye saxanaxa da da'añi da lpi'iỹaxac da ỹauo'o ca lasouaxashet.

1 Corintios 8:13 Referans Kwoze

Romanos 14:21

Qaq ÿoqo'oyi 'onaxaic da sa ishit da qanallic na lapat qataq da qanÿomgui na lataxa qataq 'enauac nataq'en nam ishit naq'en da huañi ca 'ad'amqajnataxanaxaua, huo'otaq da ÿauo'o naq'en ca lasouaxashit, huo'otaq da qaica naq'en ca l'añaxac da lpi'iÿaxac.

2 Corintios 11:29

Qataq da huo'o ca qaica ca l'añaxac, nachi aÿim nataq'en 'eeta'am da qaica ca i'añaxac. Da huo'otaq huo'o ca huañi qanqoÿin, qalaq aÿim huo'o da ñique'etaxangui da icoxo qataq da ÿalemataic.

2 Corintios 6:3

Qaq sa ishit da huo'o ca 'ico' ñaqanaxataqtac, yaqto' sa ishit da qauem da n'aqtaguec da qad'onataxanaxac.

1 Corintios 13:5

Qataq sa ishit da huota'a da l'aloxo ca lÿa, qataq sa ishit da nmitta'a ca maichi laÿamaxa. Qataq sa ishit da lemataqaic, qataq sa ishit da sa ÿapalaxata'a ca qai'otec.

1 Corintios 6:12

'Eesa quenaxa da n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi ca shiÿaxaua sa ishit da ÿauaqta'a da 'ico' lcoñitaguishic ca i'ot.

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

Mateo 17:27

Qalaxayi da yaqto' sa ishit da huo'o ca qadasouaxashit, qaq no'on da 'anqo'onaxaama qome aso auaxai. Ime, nachi 'auasaxañi aca 'adqoina. Qaq ca hua'auchiguiñi 'adqoishic nÿaq, camayi huetaigui na alap aca anom lcatole. Qaq nachaca qome nalotañi da 'angui aca ishiitenaxanaqte qataq aca 'adshiitenaxanaqte. Ime, qaq 'audouo qome, 'aushiitenaxana.

Hechos 15:20

Chaqdata da qomi' samaxasaxa aca qodede namayipi, da yaqto' ÿaxaañi da chic na nallic mayi mashi qoÿanot ca nqolac, qataq sa ishit da huo'o ca ncachitapegue' aca sa ishit da lhua, qataq sa ishit da chic na lapat ca chochi chigueuo na lqosot, huo'otaq ca 'ogaxaic mayi sa qaicoldeec na ltago'q, qataq sa ishit da chic na ntago'q.

Romanos 14:13

Qaq ÿoqo'oyi sa ishit qome da ca 'oonolec da shinaqta da quetapeguelec ca l'amqajnataxanaxaua. Chaqdata da qami' qanpogoxoiñiÿapegue' da sa ishit da 'ico' huañi qanqashiñi ca qad'amqajnataxanaxauai, huo'otaq da huo'o qanqashiñi ca lasouaxashit.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.