1 Corintios 8:1 - Nuevo Testamento Toba Sur

¹ Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

Nuevo Testamento Toba Sombrero Negro

¹ Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

La'aqtaqa Ñim Lo'onatac 'Enauacna 2013

¹ Qaq nagui qami' sa'axatema da lataxac ca nallec maye hua'auñi da qoỹanot na choche ne'enaqtacpi maye qanatameetacotpi qataq saq 'en. 'Enauac da shenaqta saỹatenaq de'era. Qalaxaye saỹatenaq de'era nauattonaxanaxac da ỹo'ot da napagaqaanaxac qataq da ño'oxonnaxac ca shiỹaxaua. Qalaxaye da nsoxoyec ỹa'añaqchet da qara'amqaanataxanaxac.

1 Corintios 8:1 Referans Kwoze

1 Corintios 8:7

Qalaxayi sa ishit da 'enauac qaÿaÿaten de'eda. Cha'ayi huo'o na nai'ac co'ollaxa da natameetacot na nqolacpi, da ñaq 'eetalec nagui da huo'otaq chic ne'ena nallic, 'eeta'am naq'en ca nallic mayi qoÿanot ca nqolac. Qaq da ntounaxac yi saxanaxa da da'añi, nachi nomteguet da qaishipaxanaqchit.

Romanos 14:3

Qaq ÿoqo'oyi cam 'eetega ÿañoxot da chic 'enauac na nalliguesat, no'on da sa ishit da i'otan cam huo'o ca ivita'a da chic nam nalliguesat. Qataq cam huo'o ca ivita'a da chic naua nalli'c, no'on da sa ishit da quetega cam ÿañoxot da chic 'enauac nam nalliguesat. Cha'ayi ñi Dios ÿaconguet que'eca shiÿaxaua.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

1 Corintios 8:4

Ÿoqo'oyi ca nallic mayi qanatameelec da qoÿanot ca nqolac, saÿajnaq da na nqolacpi mayi huetalecna ÿataqta qaica ca 'enec, cha'ayi 'oonolec ñi Dios, qaica ca lÿa.

1 Corintios 8:2

Da huo'o ca ipi'itaxaatega da huo'o na ÿaÿaten, camayi saxanaxa da huo'o ca ÿaÿaten, cha'ayi saxanaxa da ÿoqta lataxac da lauattonaxanaxac.

Romanos 15:14

Qami' ÿaqaÿadolqa, aÿim ÿoqta 'eesa ñaq'en da ÿataqta qami' nlaqchiguilo da qadauotaxanaqtaiqui qataq 'enauac nam nauattonaxanaxacpi, qataq ñi 'oonolec da qoñiita ÿaÿaten da huaqata ca lÿa.

Efesios 4:16

Qaq nachiso so Cristo som ÿataqta nacoota't qataq n'atta't naq'en 'enauac de'eda n'oquiaxac mayi n'atta'a't. Qaq ÿoqo'oyi ñi 'oonolec ne'ena n'atta'a'tpi, da ÿataqta ÿaÿamaqchiguiñi da lataxac, nachi 'enauac namayipi nañaxattac qataq nquictashiguem, souaxat da nauotaxanaqtaic.

1 Corintios 15:34

Qami' qavi'iguelaqaÿa qome da achaalataxac qui'itta qataq sa daÿactac, qataq qai'axañiiuec da qayi'itaxalqoi, cha'ayi huo'o da qoñiita na sa ishit da ÿauatton ñi Dios. Qaq de'eda shinapec, yaqto' huo'o da qad'alqoi.

Hechos 15:29

Sa ishit qome da qolliqui na lapat cam mashi qoÿanot na nqolacpi, qataq sa ishit da qolliqui na ntago'q, nachi 'eeta'am na lapat na shiguiÿac mayi chochi chigueuo na lqosot, qataq sa ishit da huo'o ca ncachitague' aca sa lhua. Qaq qom qaupaquiitelec da qau'ochi' ne'enaua, qaq ÿataqta ÿaÿamaqchiguiñi. No'on qome da qoyiquiaxaqui.”

1 Corintios 10:28

Qalaxayi da huo'o ca qami' da'aqtaxanema, 'eeta': “Ne'ena lapat, namayi nachitaqtaxanaxat da qoÿanot ca nqolac,” nachi sa ishit da qolliqui, yaqto' sa ishit da qauque'emaqchichi ca qami' da'aqtaxanema, qataq yaqto' sa ishit da sa ÿaÿamaxañi da nhuennataxac.

Hechos 21:25

Qaq nam sa ishit da judiopi mayi mashi da'amqajnataxan, qalaxayi mashi sauoqo'o co'ollaxa aso qodede da shinaqtega, da yaqto' sa ishit da taÿapegueu'a de'eda qan'onataxac. Chaqdata da namayipi sa ishit qome da chic na lapat nam mashi qoÿanot na nqolacpi, qataq sa ishit da chic na ntago'q qataq na lapat ca chochi ichigueuo na lqosot, qataq sa ishit qome da huo'o ca ncachitague' aca sa lhua.

Hechos 15:10

Qaq ÿoqo'oyi nagui qami', ¿tá'ainco' yi qauqolliguichiitac dam i'ot ñi Dios, qataq qauasaqaitapeguelec na sa ishit da judiopi da sa pa'atta mayi qomi' nataq'en sa ishit da sachoq, ivida'a nataq'en som hua'au qadta'alpi?

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.

Colosenses 2:18

Qaq sa ishit qome da qauauaqaita'a da sa qami' talguete naq'en ca qanshiitenaxachi nam shiÿaxauapi mayi chochi huomoigui da 'ico' qaica ca n'amqajnaxac qataq natameetacot na namaxashic piguem l'ecpi. Cha'ayi namayipi taigui da i'ot cam sa ishit da ÿoqta ÿauaachigui, qataq chochi ÿashittagui da ñi'oxonnaxac, souaxat naua maichi lhuennataxaco da lapachiyaxac.

1 Corintios 14:20

Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

1 Corintios 5:2

¡Qalaq ñaq 'eetalec da qami' ÿashittaguilo da qañi'oxonnaxaqui! ¡Qamaq ishíttaxa da ÿataqta qauaquicoita! Qaq que'eca shiÿaxaua mayi i'ot de'eda lta'adaic sa ÿaÿamaxañi, ÿataqta qauamaqÿauéctaxa da sa ishit da nachi 'eetai' da qami' netanguilo.

1 Corintios 4:18

Huo'o ca 'oonolec da qoñiita ÿashittagui da ñi'oxonnaxac, ipettega da huo'otaq aÿim sa ishit da qami' ñamaqtegalo.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

1 Corintios 1:5

Cha'ayi souaxat da qan'ayiitau'a somayi, nachi ñi Dios qami' ÿanema 'enauac na ÿotta'a't nsallaxa mayi saq cha'a da qami' ÿanema da qad'aqtaxanaxaqui, nataq'en da qadauattonaxanaxaqui.

Romanos 14:22

Qaq ÿataqta 'auaÿamaxattec qome dam 'ad'amqajnataxanaxac mayi 'am hueto'ot, ÿataqta 'analamaqteguet ñi Dios. Cha'ayi ¡ÿataqta machiguiñi qome ca shiÿaxaua qom ime da huo'o ca ÿataqta ÿaÿamaxadeeta, nachi sa ishit da ÿi'iguelaxaguet da 'ico' n'aqchit naq'en da lavilÿaxac!

Romanos 14:14

Cha'ayi aÿim saÿaten da sa ishit da huo'o ca chochi natchiguem da dauogaxanaqta. Qaq de'eda shiitega ÿataqta 'eesa, cha'ayi sa'amaqteetac so qadataxala' Jesús. Qalaxayi da huo'o ca 'oonolec da qoñiita ipi'ittega da ishit da sa qaishitapec ca nallic, qaq camayi mayi maichi pa'aÿo'ot da sa qaishitapec naq'en.

Romanos 14:10

Qalaq 'am ¿tá'ainco' yi qoquetapeguelec ca 'ad'amqajnataxanaxaua? qataq ¿tá'ainco' yi 'au'otaatac? Cha'ayi 'enauac qome da shinaqta da ñachaataxau'a so Cristo, da yaqto' somayi qomi' nmi't.

Romanos 12:16

Qataq sa ishit da huo'o ca ÿoqtapeuga da qoñiita. Qataq sa ishit da qami' ñi'oxonnaxaiqa. Chaqdata da qau'enaxachi cam qaica ca l'amaqchic. Qataq sa ishit da qaupi'itaxañiitega da qami' ÿajnaxanaxaiqa.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

1 Corintios 4:6

Qami' ÿaqaÿa't, de'eda qami' sa'axatema, damayi maichi qadaÿamqai. Saloqnaxaatapigui so Apolo qataq aÿim, yaqto' qami' ishit da qauachigoqoichigui da shinaqta da qauaÿajñi da sa ishit da qanapaquiÿapeguelguete naua ñiyigui'shi n'aqtaqa, yaqto' qaica ca n'amaqchiitacot ca lÿa, qaq ca lÿa i'otan.

1 Corintios 10:15

De'eda itaxaÿaxac da qami' setaxaÿoto, se'enaxatteguem da setaqtacot ca shiÿaxaua ÿajnaxanaxaic, qaq qami' maichi qanmichi de'eda shinapec.