1 Corintios 7:39 - Nuevo Testamento Toba Sur

³⁹ Aca 'alo mashi huadon, acamayi sa ishit da qansogoñi da ladonaxac qom ña nca'altauec ca lhua. Qalaxayi ca lhua da huo'otaq mashi ileu, nachi acamayi ÿataqta huosochiguiñi da huo'otaq huadonguet ca lÿa shiÿaxaua, qalaxayi 'onaxaic da l'amqajnataxanaxaua.

Nuevo Testamento Toba Sombrero Negro

³⁹ Qom 'uo jaga'me yauo jo'ne joote 'uo ga'me loua qama'te jetaque 'uoneguet ga'me jiyaĝaua laqaya, dojo' yataqachiñe ja qoyajeta qom cha'li nec'aletaye ga'me loua toijec. Qalaĝaja qom yeleu ga'me loua qama'le jaga'me yiyamaqa'teguet da'me 'uoneguet ga'me jo'ne 'yamaqaten jaga'me, qalaĝaja jaldata da'me qom ena'am p'etaqadaic joga'me.

La'aqtaqa Ñim Lo'onatac 'Enauacna 2013

³⁹ Aca 'alo mashe huaron, acamaye ncoñetta'aguet ca lhua qom ña nca'altauec camaye. Qalaxaye ca lhua da huo'otaq mashe ileu, nache acamaye ỹataqta huesochiguiñi da huo'otaq huaroneguet ca lỹa ỹale maye la'amqaanataxanaxaua.

1 Corintios 7:39 Referans Kwoze

1 Corintios 7:10

Qalaxayi na mashi sogote da huadon huo'o da ÿaqataxac da aca 'alo sa ishit da ÿalat ca lhua. De'eda ÿaqataxac damayi sa ishit da ÿalamaxat, damayi chigoqo'ot so qadataxala'.

1 Corintios 7:15

Qalaxayi ca ÿale, huo'otaq aca 'alo mayi sa da'amqajnataxan, da ipacapegue' da dalataxan, qaq no'on da ipacalec. Qaq da nachi 'eetec de'eda, qaq ca 'amqajnataxanaxaic, huo'otaq aca 'amqajnataxanaxai, nachi qalta ipactegue da huosochiguiñi. Cha'ayi ñi Dios qomi' iÿaxanalo da selagaqtapiguiñi.

1 Corintios 7:38

Ÿoqo'oyi ca ÿadonaxanaxan aca llale ÿaÿamaqchiguiñi da 'eetec. Qataq ca sa ÿadonaxanaxan aca llale nachi 'en'am ÿacteec da ÿaÿamaqchiguiñi.