1 Corintios 7:34 - Nuevo Testamento Toba Sur

³⁴ Nataq'en aca 'alo mashi huadon sa ishit da 'en'am aca lamaxai. Cha'ayi aca lamaxai ÿataqta nalamaqteguet da quetague' so qadataxala', cha'ayi nshitaique da imauec da ÿanot ñi Dios da l'oquiaxac qataq som capegue' lqui'i. Qalaxayi aca mashi huadon ÿataqta imelec na n'onatacpi mayi huetalecna, cha'ayi nshitaique da machiguiñi naq'en ca lhua.

Nuevo Testamento Toba Sombrero Negro

³⁴ qama'le naq'aeta ga'me mach'e yepaquetapegalo ja nalo'ta't. Nach'e naq'aeta da'me 'loyaĝa'j jogaa'me p'ail nataq'aen jogaa'me jamaĝail uenateteda'a ta'le ye't ga'me 'lonatac ñe'me Jaliaĝanec; t'onataĝaneuo'o qaedi ñe'me Jaliaĝanec ja 'nalegue q'aen ga'me lapat nataq'aen lepaqal. Qalaĝaja jaga'me ja jamaĝai qamqa'me uenatetapegalo gaa'me uo'oe 'me uedalegue jena'me aleua nataq'aen qaedi matac q'aen ga'me loua.

La'aqtaqa Ñim Lo'onatac 'Enauacna 2013

³⁴ qaq 'era da 'eetec da saq 'oonolec da lhuennataxac. Qaq nache 'eetec aca alo maye mashe qaica ca lhua qataq aca qa'añole maye ñaq lamaxai ỹataqta nalemaqte' na lo'onataxanaxacpi Ñi Qarataxala', cha'aye souaxat da qui'itta da lo'ocỹaxac qataq da saqcha'a lca'alaxa; qalaxaye aca mashe huaron qalaq nalemaqte' na no'onatacpi ye na'a'q, cha'aye huotaique da machiguiñi naqa'en ca lhua.

1 Corintios 7:34 Referans Kwoze

1 Corintios 6:20

cha'ayi ñi Dios co'olla qami' deshijnaxanalo, qalaq ÿataqta sa nalañi da qadashiichiÿaxaqui. Ÿoqo'oyi ÿataqta qaumachiÿo'ot ñi Dios da lli'oxonnataxanaxac da qad'oquiaxaqui qataq ñi qoquiÿapegue' qadqui'ii, cha'ayi naamayi lalamqa'te ñi Dios.

Filipenses 1:20

Cha'ayi aÿim da shiitapeguec qataq dam ñaquitta'a da sa ishit qome da huo'o ca ñi'aloxootaique. Chaqdata da qaica ca shi'itaique da sa'aqtaxaatac, da yaqto' 'eeta'am nagui, huo'otaq dam sata'ague, da aÿim chigoqchigui da nquictashiguem da qaila'a da l'amaqchic so Cristo, nagui da ña ñica'altauec, huo'otaq da mashi seleu.

2 Corintios 11:28

Qaq sa ishit da chaqnata namayi qataq 'enauac nam laÿipi, cha'ayi 'enauaque naua na'axa'te ÿataqta ñanomtapeeguet da iyaxa da souapegue' 'enauac nam 'amqajnataxanaxaicpi.

Romanos 6:13

Qataq sa ishit qome da qai'añiim da qad'oquiaxaqui dam 'onataxac da yaqto' i'onataxanaxanec cam sa ÿaÿamaxañi. Chaqdata da qami' qanañañiÿot ñi Dios, qalaxayi qoñiita'am ca shiÿaxaua da mashi ileu qaltaq ÿi'iguelaxalec da nca'aleec. Qaq qai'añiÿot qome ñi Dios 'enauac da qad'oquiaxaqui, da yaqto' ñimayi do'onataxana da i'ot ca ÿaÿamaqchiguiñi.

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

2 Corintios 8:16

Qaq sanot da ñi'achiquiaxac ñi Dios, cha'ayi ñimayi ÿachanguit ana lquiyaqte so Tito da 'eeta'am naq'en aÿim da huo'o da lyaxa da qami' itaua'n.

1 Timoteo 3:5

Cha'ayi da huo'otaq sa ÿaÿaten da ilo'ogue da lma'ÿaxac, qaq ¿huá'ago' ca 'eetec da ilo'ogue na i'amaqten ñi Dios?

Juan 10:13

Qaq se'eso shiÿaxaua datauec, cha'ayi somayi chochi do'onataxaatapeguelec aca lashiue, ÿoqo'oyi sa ishit da itena'a ana qagueta.

1 Corintios 7:33

Qalaxayi da huo'otaq mashi huadon, nachi imelec na n'onatacpi mayi huetalecna, cha'ayi nshitaique da machiguiñi naq'en aca lhua.

1 Corintios 7:35

De'eda i'aqtac mayi qami' sanema, damayi maichi qanaÿamaxataxaqui, qaq sa ishit da qami' 'ico' secoñidai'salo. Chaqdata da ñishitaique da qaica ca qan'aqtaguiiqui sa ÿaÿamaxañi qataq yaqto' qaica ca qami' nqanaxa't da qoquiitague' so qadataxala'.

1 Timoteo 5:5

Cha'ayi da huo'o aca pa'ai da huo'otaq ndoguiñi qataq qaÿalata'a't, qalaxayi mashi hueto'ot ñi Dios da naquitaxac, qataq queto'ot da nqouagaxaunaxac na na'axa'tesat qataq na pesa'chi.