1 Corintios 7:30 - Nuevo Testamento Toba Sur

³⁰ qataq nam huasoutacpi 'eeta'am da sa ishit da daquicotac, qataq na ntootapigui' 'eeta'am da sa ishit da ntootac, qataq na deshijnaxaatega na logoxoshitpi 'eeta'am da sa ishit da lalamaxat ca lshijnaxanaxat,

Nuevo Testamento Toba Sombrero Negro

³⁰ Gaa'me jo'ne noyetedapelegue ga'me najouaĝane'j, 'noota qom ena'am ta'le qaya'te 'uo da'me 'loyaĝac. Nataq'aen gaa'me jo'ne 'uo ga'me netotedapec, 'noota qom ena'am ta'le qaya'te netotedapec. Nataq'aen gaa'me jo'ne neuode'tape, 'noota ta'le ja yiyamaĝa't ga'me neuodenaĝa't.

La'aqtaqa Ñim Lo'onatac 'Enauacna 2013

³⁰ qataq nam huo'o da laquicoxo 'eeta'am da matapiguiñi, qataq na ntootapigui' 'eeta'am da daquicotac, qataq na desheenaxatega na logoxoshetpi qalaq 'eeta'am da qaica ca lalamaxat,

1 Corintios 7:30 Referans Kwoze

Juan 16:22

Qaq nachi 'eetec nataq'en da qoñiita nagui huo'o da qadachitataiqui, qalaxayi aÿim qami' ñi'iguelaxalo qome, nachi da qadquiyaqteÿaxaqui ÿataqta nlaqchigui da qantonaxaqui, qaq que'eca qantonaxaqui sa ishit qome da huo'o ca nqat.

Lucas 6:25

Nataq'en choxodaxasodo' qami' mayi sa ishit da qauqouachi nagui, cha'ayi huo'o qome na qadqouaqai. Qataq choxodaxasodo' qami' mayi qauaÿalliguiyiitac nagui, cha'ayi ÿataqta qanoÿiñiitapeguem qome da qadaquicoqoi.

Lucas 6:21

Nataq'en ÿataqta qauamaichiguiñi qami' mayi qoviitaigui nagui da qauqouachi, cha'ayi ÿataqta huo'o qome da qadcomadaqai. Nataq'en ÿataqta qauamaichiguiñi qami' mayi qanoÿiñiitac nagui, cha'ayi ÿataqta huo'o qome da qadaÿalliguiyiqui.

Apocalipsis 18:7

Qataq qauauo'oi qome da nqui'ic qataq da nque'ejnaxac yimayi, ÿataqta qau'enaxachiichigui da 'eetec da ñi'oxonnaxac qataq na qalota lqopitaxanaqtaic. Cha'ayi da lquiyaqteÿaxac naxa yimayi 'eeta': “Aÿim ñiso'ootaña ne'ena, aÿim nate'e. Qaq sa ishit da aÿim pa'ai, qataq sa ishit da huo'o ca ñique'ejnaxac.”

Apocalipsis 7:17

Cha'ayi ñi qagueta llalec mayi netangui na laiñi yi so'onqa', ñimayi ilo'ogue qome namayipi, 'eeta'am naq'en ana qagueta, qataq ÿauega cam chochi npaxaatashiguem na 'etaxat mayi chigaqaigui da nca'alaxa. Huaña, nachi ñi Dios iÿouec 'enauac na lachi' namayipi.

Lucas 16:25

Qalaxayi so Abraham 'enapego' somayi, 'eeta': “'Am ÿalec, 'auennate co'ollaq 'auaconguet da 'auaÿamaqchiguiñi, saqca ca da da 'anachaalataxac, qaq ñi Lázaro qalaq qauem da lliquiaxac. Qaq ñimayi nagui huo'o da ntaunaguec ne'ena hueta'a, qaq 'am machaq huo'o da 'anque'ejnaxac.

1 Corintios 7:29

Qami' ÿaqaÿa't, da sauotaique shinapec 'eeta': Mashi sa qaÿadauec naua na'axa'te mayi soqolaqtaiguilo. Ÿoqo'oyi nagui na mashi huadon no'on da 'eeta'am da sa ishit da huo'o aca lhua,

1 Corintios 7:31

qataq nam do'onataxaatega na huetalecna 'eeta'am da sa ishit da do'onataxana. Cha'ayi na yi'oqchigui mayi huetalecna, taÿa'a da imeuo.