1 Corintios 7:26 - Nuevo Testamento Toba Sur

²⁶ Aÿim da iuennataxac 'eeta': ca shiÿaxaua no'on da nachi 'eetai' saq ÿaxaneec cam hueta'a souaxat naua na'axa'te mayi soqolaqtaiguilo da ÿataqta huo'o da lqalai'c.

Nuevo Testamento Toba Sombrero Negro

²⁶ Male novi't qomle gaa'me noloqo'ote jo'ne jalcote da'me qadachoĝodec, chane'eja 'uo da'me yelnataĝac queda'me ja 'noota ta'le gaa'me jamaĝayaqa yaĝadegue ga'me ueteda'a.

La'aqtaqa Ñim Lo'onatac 'Enauacna 2013

²⁶ Da iuennataxac 'eeta': Ca shiỹaxaua no'on da nache 'eetai' da saq ỹaxanec cam hueta'a, souaxat naua na'axa'te maye souaqtaiguilo da ỹataqta huo'o da lqalai'c.

1 Corintios 7:26 Referans Kwoze

1 Corintios 7:8

Qaq nam qaca aca lhua qataq ana pa'ai huo'o da i'aqtac da 'onaxaic da nachi 'eetai' da sa ishit qome da huadon, 'eeta'am aÿim.

1 Corintios 7:1

Qaq nagui qami' sa'axatema dam qaunataxañiitapeguelec co'ollaq aÿim qanamaqaÿa aso qad'aqtaqui lmalate. Qaq aÿim shinapec da 'onaxaic ca shiÿaxaua da sa ishit da huadon.

1 Pedro 4:17

Cha'ayi mashi ivita yi laloqo' da qai'auaxaachiguiñi da qanmit ñi 'oonolec nam llalaqpi ñi Dios. Qaq da qai'auaxaachiguiñi da shinaqta, qaq ¿chaxan 'eetec qome ca loga't nam sa ishit da ÿalaxaguet da l'aqtac ñi Dios?

1 Corintios 7:28

Qalaxayi da huo'otaq 'auadon, qaq qaica ca 'adasouaxashit. Qaq nachi 'en'am aca qa'añole da huo'otaq huadon, qaq sa ishit da huo'o ca lasouaxashit. Qalaxayi ca huadon, qaq ÿataqta huo'o da lqalaic lta'adaic da nachaalataxac. Qaq 'eda da lqala' mayi qami' sovitaqteetegalo.

Lucas 21:23

Qaq ¡choxodaale qome aca 'alo mayi hualaxai qataq acam ña illipaxaatac ca llalec! Cha'ayi ÿataqta qalota qome da qui'ic ana 'alhua, qataq qaica ca 'en'am da lchic ca nhuaxanaguec 'enauac na shiÿaxauapi mayi huetalecna.

Mateo 24:19

¡Ÿataqta choxodaxaso' qome na 'alpi mayi hualaxaipi que'eca na'a'q, huo'otaq aca huo'o ca llalec ñaq lliptac!

1 Corintios 7:27

Da huo'otaq huo'o aca 'adhua, qaq sa ishit da 'analate'. Qaq da huo'otaq saqaca aca 'adhua, qaq no'on da sa 'anmitaique.

2 Ts 2:2

da sa ishit qome da qalhuotta'a da qaÿashaxaneec da qadhuennataxaqui, qataq sa ishit da qami' icolanaqchi't da huo'otaq qoÿiitega da mashi ivita ca laloqo' da nvi' so qadataxala'. Cha'ayi sa iuena'a da huo'o ca n'enaqchingui da 'eetega 'ico' i'aqtaxanaxan so Espíritu, huo'otaq da huo'o ca n'aqtaxanaxac qau'aqÿapeguelec, huo'otaq qauacoñiiguet aca nede qoÿiitega qodede.