1 Corintios 7:23 - Nuevo Testamento Toba Sur

²³ Cha'ayi ÿataqta lta'adaic da lashiichiÿaxac co'olla qami' deshijnaxanalo ñi Dios, ÿoqo'oyi sa ishit da qanashiñiita da qami' l-lataqa ca chochi shiÿaxaua.

Nuevo Testamento Toba Sombrero Negro

²³ Ena'te auajeñeta ta'le jiyaĝa'u laqaya' ami e'n lelataqa jogaa'me, qa'a Dios joote ami ecoto joca'li.

La'aqtaqa Ñim Lo'onatac 'Enauacna 2013

²³ Cha'aye ỹataqta lta'araic da lashiichiỹaxac co'ollaxa da desheenaxanalo qami' Ñim Lo'onatac 'Enauacna, da yaqto' qami' lalamaqa'ate. Ỹoqo'oye saishet da qanashiñiita da qami' l-lataqa ca choche shiỹaxaua.

1 Corintios 7:23 Referans Kwoze

1 Corintios 6:20

cha'ayi ñi Dios co'olla qami' deshijnaxanalo, qalaq ÿataqta sa nalañi da qadashiichiÿaxaqui. Ÿoqo'oyi ÿataqta qaumachiÿo'ot ñi Dios da lli'oxonnataxanaxac da qad'oquiaxaqui qataq ñi qoquiÿapegue' qadqui'ii, cha'ayi naamayi lalamqa'te ñi Dios.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Gálatas 2:4

Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

Mateo 6:24

Qaica ca ishit da dos naq'en caua n'aco'yi. Cha'ayi ishit da ÿaÿimec ca lÿa, qataq ÿauotec ca lÿa, huo'otaq da ÿataqta ÿalaxaguet ca 'oonolec, qaq ca lÿa qalaq ÿataqta i'otan. Qaq nachi 'eetec da sa ishit da qai'onataxanot ñi Dios qataq acam yi'oqchigui plata.