1 Corintios 7:22 - Nuevo Testamento Toba Sur

²² Cha'ayi ca shiÿaxaua da nlatac co'olla qaiÿaxana da i'amaqten so qadataxala', camayi nagui ÿataqta huosochiguiñi da quetague' somayi. Qaq nachi 'eeta'am ca shiÿaxaua da huo'otaq sa ishit da nlatac co'olla qaiÿaxana, camayi nagui l-latac so Cristo.

Nuevo Testamento Toba Sombrero Negro

²² Qa'a ga'me jo'ne nelatac qom qoyiyaĝana qaedi napeteneguet ñe'me Cristo joga'me male joote lalemaĝajet ñe'me Jaliaĝanec. Nach'e naq'aeta da'me qom qoyiyaĝana ga'me jiyaĝaua jo'ne uojotañi, joga'me male joote Cristo lelatac.

La'aqtaqa Ñim Lo'onatac 'Enauacna 2013

²² Cha'aye ca shiỹaxaua da nlatac co'ollaxa da ỹa'amaqten So Qarataxala', nache Somaye ỹanem da huesochiguiñi. Qaq nache 'eeta'am cam huesochiguiñi da da'amqaanataxan co'ollaxa, nache camaye l-latac So Qarataxala'.

1 Corintios 7:22 Referans Kwoze

1 Pedro 2:16

Qami' qoñiita'amo' qome ca shiÿaxaua ÿataqta huesochiguiñi, qalaxayi sa ishit da qau'ogoxoñiÿa da qami' huesochiyiñi da qau'ochi ca sa ÿaÿamaxañi. Chaqdato' da qoñiita'am da ÿataqta qami' l-lataqa ñi Dios.

Filemón 1:16

Qaq nagui namayi sa ishit da 'ico' 'adlatac. Cha'ayi namayi saq 'en'am ca chochi nlatac, cha'ayi namayi 'eeta'am ca 'anauochaxaua 'adqaÿa. Namayi ÿataqta sauotec, qalaxayi ÿataqta ÿacteec 'anqa'en qome da 'adauochi. Sa ishit da chaqdata da 'auauotec, cha'ayi qoneta'am shiÿaxaua, cha'ayi namayi 'eeta'am ca 'adqaÿa 'ad'amqajnataxanaxaua so qadataxala'.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Gálatas 5:1

So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Gálatas 1:10

Qaq da aÿim shinapec de'eda, qaq ¿peta'a chochi ñishitaique da aÿim ÿaÿamaxadeeta na shiÿaxauapi, huo'otaq ñi Dios? Loqo' chaq ¿chochi ñishitaique da saqca ca da ñaq'en na shiÿaxauapi? Cha'ayi da huo'otaq ña ñishitaique da chochi aÿim ÿaÿamaxadeeta na shiÿaxauapi, qaq sa ishit da aÿim l-latac so Cristo.

1 Corintios 9:19

Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

1 Corintios 7:21

Da huo'otaq 'am nlatac co'ollaq 'am qaiÿaxana, qaq no'on da sa ishit da 'admelec damayi. Nai'ctaxa da huo'o ca na'a'q da huo'otaq 'auañoxot da 'am huosochiguiñi, qaq lamaaxa 'anpogoxoinapec.

1 Corintios 9:21

Qaq naxa da sootaigui na sa ishit da quetague' na nqataxacpi mayi chigoqo'ot so Moisés, nachi se'enaxat da lliquiaxac namayipi, yaqto' ishit da ñauec, nai'ctaxa da aÿim 'eesa da shictague' da lliquiaxac na lqataxacpi ñi Dios, cha'ayi mashi sooto'ot na lqataxacpi so Cristo.