1 Corintios 7:19 - Nuevo Testamento Toba Sur

¹⁹ Nai'ctaxa da huo'o ca n'anaxashit na l'oc ca shiÿaxaua, huo'otaq qaica, qalaxayi nachi 'en'am. Cha'ayi chaqcata ca i'ot na lqataxacpi ñi Dios nachica ca qaÿaÿamaxadeeta.

Nuevo Testamento Toba Sombrero Negro

¹⁹ Qa'a ñe'me Dios ja naqaeda pacapegue' ta'le joote qo'mi qo'yaneque ga'me nichaĝajoĝonaĝac uotaĝa maliaĝa qaya, dite da'me yataqachiñe jeyamaĝata' daa'me lamaĝajoĝonaĝaco.

La'aqtaqa Ñim Lo'onatac 'Enauacna 2013

¹⁹ Na'aictaxa da huo'o ca na'anaxashet na lo'oc ca shiỹaxaua, huo'otaq qaica, qalaxaye nache 'ena'am. Cha'aye nachaqcata ca ỹo'ot ca 'eetapeguec Ñim Lo'onatac 'Enauacna, nacheca ca ỹaỹamaxareeta.

1 Corintios 7:19 Referans Kwoze

Gálatas 6:15

Cha'ayi da mashi ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat ca shiÿaxaua, huo'otaq da jegatai'. Cha'ayi da ÿataqta huo'o ca naigui, nachida da qanadalaxataguec da qomi' qanadalaxa't.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

1 Corintios 8:8

'Eesa da ca nallic sa ishit da sachigoxotaqagui da qomi' ÿaÿamaxadeete' ñi Dios. Cha'ayi ca nallic da sachiguenaq, qaq sa ishit da qomi' nquigaxatta'agueta da no'on qadataxac; huo'otaq da sa ishit da sachiguenaq, qaq sa ishit da qomi' nquigaxatta'agueta da qauem qadataxac.

Romanos 3:30

Cha'ayi sa ishit da huo'o ca lÿa, ñi Dios ÿataqta 'oonolec. Ñim Dios mayi ishit da ÿaÿamaxadeeta cam huo'o da lpi'iÿaxac, sa ishit da ilogui da huo'otaq qaÿauo'o ca n'anaxat, huo'otaq da sa ishit da qaÿauo'o.

Juan 15:14

Qaq qami' nachiqami' ñauochaxa'u, da qau'ochi dam qami' samaxalguete.

Mateo 5:19

Qaq ÿoqo'oyi ca sa ishit da ÿalaxaguet ca 'oonolec ne'ena nqataxacpi, nai'ctaxa da huo'otaq ÿapacteec saq 'amaqtaq, nachi camayi da ÿapaxaguenec na laÿipi da sa ÿalaq, qaq nachica ca ÿapacteec qaica ca l'amaqchic qanqoÿin qom qanayiitaigui da l'onataxanaxac ñi Dios mayi neta'ague da piguem da ilo'ogue 'enauacna. Qalaxayi cam ÿataqta ÿalaxaguet na nqataxacpi, qataq ÿapaxaguen ca lÿa da yaqto' ÿalaq, qaq nachica qome ca ÿataqta 'amaqtaq qanqoÿin qom qanayiitaigui da l'onataxanaxac ñi Dios mayi neta'ague da piguem.