1 Corintios 5:8 - Nuevo Testamento Toba Sur

⁸ Qaq ÿoqo'oyi da qolaqtague' ñi Dios, no'on da soqolaxague da huosochiguiñi ñiquiaxac qataq da 'eesa lataxac mayi 'eeta'am da qanallic ana pan mayi qaca aca lalecte. Qaq sa ishit da soqolaxague da sa ÿaÿamaxañi qataq ca qauem mayi 'eeta'am ana pan mayi huo'o aca lalecte.

Nuevo Testamento Toba Sombrero Negro

⁸ Chane'eja, da'me qat'oyaĝac ena'am nale qonetotapec ga'me nolo', qalaĝaja 'noota qom ja qolaqatelegue da'me ja no'en jo'ne ja yiyamaĝaden ñe'me Dios, da'me jo'ne ena'am jaga'me pan jo'ne uetaye ga'me nalequetenaĝanaĝat 'me toijec. Nach'edata da'me qolaqatelegue da'me yataqatelegue choqoda'me eja, da'me jo'ne ena'am jaga'me pan jo'ne nedochiñe qaya'te lale'gue.

1 Corintios 5:8 Referans Kwoze

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Marcos 8:15

Nachi so Jesús huaqattapeguelguete soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq ñi Herodes.

Mateo 16:6

Nachi so Jesús 'enapegalo soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

1 Pedro 4:2

da yaqto' cam taÿa'ague da qanachaalataxaqui, qanachaachiitaigui cam 'eetapeguec ñi Dios, nachi sa ishit da qau'ochi ca 'eetapeguec da qadapachiyaxaqui.

Efesios 6:24

Qaq ñim Dios ÿanem qome ca no'on 'enauac nam ÿauotec so qadataxala', nam sa ishit da ÿalat da lauochi somayi. Aja', nachi 'eetec.

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

Juan 1:47

Nachi so Jesús co'ollaq ila'aguet so Natanael da naÿau'a, nachi 'enapega, 'eeta': –'Ena na ÿoqta 'eesa da llalec so Israel, namayi sa ishit da tenataxanaxaic.

Mateo 16:12

Huaña, nachi soomayi ÿaÿate'n da so Jesús sa ishit da 'eetega da qaivita'a ana yi'oqchigui ÿashiidaxachigui ana pan, chaqdata da qaivita'alo naua lapaxaguenataxanaxaco nam fariseopi qataq nam saduceopi.

2 Corintios 8:8

Qaq de'eda shinapec sa ishit da ÿamaxasoxonaxac. Chaqdata da ñishitaique da qami' qauaÿajñi da n'añaxataxac cam qadÿai, yaqto' ishit da qaila'a de'eda qadsoxoyiqui qom ÿoqta 'eesa da 'en.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

1 Corintios 5:1

Mashi sogote da qaÿaÿajna'a't da huo'o ñi 'oonolec da qoñiita qami' netanguilo mayi huadoota'aguet añi l'aale late'e. De'eda nadonaxac, damayi ÿataqta sa qaishitapec. Ivida'a na saxanaxa da ÿauatton ñi Dios ÿataqta sa ishitapec de'eda.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.