1 Corintios 5:11 - Nuevo Testamento Toba Sur

¹¹ Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.

Nuevo Testamento Toba Sombrero Negro

¹¹ Ja naq'aeta. Da'me jetaque ami ja'aĝatema ta'le ja ademii'teguet gamachaqaega qom mach'ega eetapela't adepi'iyaĝauai, qalaĝaja naqaega ga'me jo'ne 'yetetac da'me nequejeguetaĝa, uotaĝa pitaĝanaqataqaic, uotaĝa p'iya'alo ga'me ch'e 'nonataqa, uotaĝa aĝanataĝanaĝaic, uotaĝa lotaĝaic, uotaĝa cachaĝaic. Ena'te ademiya'egueta jogaa'me nataq'aen ena'te auajeñe'tema ta'le naqaegaua aneuanaĝa'udi' da'me aueque'eyi.

La'aqtaqa Ñim Lo'onatac 'Enauacna 2013

¹¹ Da sheetega 'eeta': saishet da qauauo'oi qanauochaxauai ca 'eetega da qara'amqaanataxanaxauai qalaxaye ỹo'ottac de'era. Ca shiỹaxaua maye lataxac de'era, camaye saishet da qanso'oñiita'ai' da qarquia'axauai.

1 Corintios 5:11 Referans Kwoze

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

2 Ts 3:14

Da huo'o ca 'oonolec da qoñiita da sa ishit da ÿalaxalec da qad'aqtac mayi huetalec ana qodede, camayi ÿataqta qauauattoñiita. Nachi sa ishit da qaualliquiiguet, yaqto' camayi maichi n'aloxon.

2 Ts 3:6

Qami' qadqaÿa't, qami' saqataxalo, cha'ayi qomi' lamaxa'shi so qadataxala' Jesucristo, da sa ishit da qanhuoquiiteguet ca camachaqca qadqaÿa da sa ishit da do'onataxan, qataq lamaaxa da sa ishit da quetegue da qadapaxaguenataxanaxac mayi qami' sanaxama.

Mateo 18:17

Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

2 Juan 1:10

Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

1 Timoteo 3:3

Qataq sa ishit da taxaic, qataq sa ishit da sa lhuanguit da lalemataic. Qataq sa ishit da quetaigui da latenataxanaxac da nmitta'a aca plata. Chaqdata da soxodaic, qataq huo'o da lhualaxavic, qataq sa ishit da chochi naquitta'a aca plata.

Mateo 23:25

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ndoteec na pa'auec ana ÿomaxaqui qataq na nqui'axaqui da qauÿoitac, qalaxayi na pa'auo namayipi ÿataqta da'aichigui na qauachigoxochiÿaigui da qadcachaxaqui qataq da qadqopitaxanaqtaiqui.

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.

Efesios 5:5

Cha'ayi qami' mashi qauaÿajñi da sa ishit da inoxoneu'a ca l'onataxanaxac so Cristo qataq ñi Dios da ilo'ogue 'enauacna ca shiÿaxaua mayi ncachitapegue' aca sa ishit da lhua, huo'otaq cam i'ottac ca deshipaxanaqtaxan, huo'otaq cam quetague' da nqopitega ca ÿaqa'a (mayi 'eeta'am da qanatameetacot ca nqolac).

Lucas 21:34

Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

1 Corintios 8:11

Qaq 'am, mayi huo'o da 'adauattonaxanaxac, nachi 'auqataqchit ca qadqaÿa mayi saxanaxa da da'añi da lpi'iÿaxac cam nataq'en ileualec so Cristo.

1 Corintios 6:6

Da huo'o ca 'amqajnataxanaxaic huo'otaq nasouaxata'ai' ca l'amqajnataxanaxaua, qaq ¿iuen peta'a da iÿaxanot ca nta'a mayi sa da'amqajnataxan da ÿaÿamaxajñi?

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

1 Timoteo 6:5

qataq da loquiaxac qaica ca loga't. 'Eda da 'eetec na shiÿaxauapi mayi mashi sotaq ÿaÿamaq da lauattonaxanaxac, qataq mashi sotaq ÿauatton da 'eesa lataxac. Namayipi ipi'itaxano' da qaÿachigoxottapoigui da yi'oqchigui nsallaxa da n'amqajnataxanaxac. 'Ena na sa ishit da 'anhuoiguet qome.

Efesios 5:18

Qataq sa ishit qome da qami' taxaiqa, cha'ayi damayi ÿaueca'a da nlaxajñi ca shiÿaxaua. Chaqdato' da ÿataqta qami' nlaqchiguilo so Espíritu Santo.

Gálatas 2:12

Cha'ayi somayi i'auaxaañi da dequi'iÿa'ai' nam sa ishit da judío l'ecpi, chochi ivitta'a co'ollaq nvi't soua shiÿaxa'u mayi lamaxa'shi so Santiago. Huaña, nachi somayi ca'ai namayipi da sa ishit da lqui'axaua, cha'ayi souaxat da ñi'iÿa nam quetaigui da qaÿauo'o na n'anaxashit naq'en ca shiÿaxaua.

1 Corintios 11:21

Cha'ayi da ivita yi laloqo' da qauqui'ii, nachi ñi 'oonolec maichi hua'aualec da deque'e, qaq sa ishit da deuataxanapec. Qaq ÿoqo'oyi huo'o na ÿoqouat, qataq huo'o na ivida'a da taxaic.

1 Corintios 10:14

Ÿoqo'oyi qami' ÿaqaÿa't, qami' ñauochaxa'u, qauataiueguesop qome da qanatamñiitacot na nqolacpi.

1 Corintios 7:15

Qalaxayi ca ÿale, huo'otaq aca 'alo mayi sa da'amqajnataxan, da ipacapegue' da dalataxan, qaq no'on da ipacalec. Qaq da nachi 'eetec de'eda, qaq ca 'amqajnataxanaxaic, huo'otaq aca 'amqajnataxanaxai, nachi qalta ipactegue da huosochiguiñi. Cha'ayi ñi Dios qomi' iÿaxanalo da selagaqtapiguiñi.

1 Corintios 7:12

Qaq na laÿipi 'amqajnataxanaxaicpi aÿim ñalligoxottela't da shinapega, qaq sa nachiso so qadataxala'. Da huo'o ca huo'o aca lhua mayi sa ishit da da'amqajnataxan, qaq acamayi da ÿaÿamaxadeeta da neta'aguet camayi, qaq ca ÿale no'on da sa ishit da nalate'.

Hechos 9:17

Nachi so Ananías jec da taÿa ca noÿic mayi netaña so Saulo. Qaq co'ollaq inoxoneu'a ca hueta'a, nachi ÿashil-lec somayi, nachi 'enapego', 'eeta': –'Am ÿaqaÿa Saulo, ñi qadataxala' Jesús mayi 'am nachaxana co'ollaq 'ananactague' na nqa'aic, ñimayi aÿim namaxa 'am, da yaqto' qaltaq 'anauaañi, qataq da 'am nlaqchigui so Espíritu Santo.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

1 Corintios 6:9

¿Qami' sa qauaÿajñiÿo' da ca i'otec ca sa ÿaÿamaxañi ca lÿa, qaq sa ishit da inoxoneu'a ca ñaq natauo l'onataxanaxac ñi Dios? Sa ishit qome da qaupe'enaxañi. Cha'ayi sa ishit qome da inoxoneu'a que'eca l'onataxanaxac ñi Dios nam quetaigui da lquishiguetaxac, qataq na natameetacot na nqolacpi, qataq na lauatapiguiñi' aca sa lhua, qataq na huetapeeguet ca 'eeta'am lÿa shiÿaxaua, qataq na cachaxaicpi, qataq na mataxalaicpi, qataq na taxaicpi, qataq na n'aqtaqa l'o'pi, qataq na ÿayin ca lÿa da nqat aca alom.