1 Corintios 5:10 - Nuevo Testamento Toba Sur

¹⁰ Sa ishit da shiitega da imauec da sa qaualliquiiguet 'enauac na shiÿaxauapi mayi quishiguetaxaicpi, huo'otaq mataxalaic, huo'otaq cachaxaic, huo'otaq nam natameetacot na nqolacpi. Cha'ayi da qavichiitega namayipi, qaq 'en'am da ÿataqta qoquiÿa'ai ana 'alhua.

Nuevo Testamento Toba Sombrero Negro

¹⁰ Qalaĝaja ja jetaque ja'aĝatema ena'uaque joga'me aleua laje'pi jo'ne 'yetedac da'me nequejeguetaĝa, uotaĝa ga'me pitaĝanaqataqaiquipi, uotaĝa ga'me cachaĝaiquipi, uotaĝa gaa'me p'iya'alo nale gaa'me nequi'ipi, qa'a jaldata qom oquiya'ae jena'me aleua qama'le eja auaqanachichi da'me ja adivichiyegueta ena'uaque naa'me naajo' jiyaĝadipi.

La'aqtaqa Ñim Lo'onatac 'Enauacna 2013

¹⁰ Saishet da sheetega da ỹataqta imauec da sa qaualliquiiguet 'enauac nam saishet da 'amqaanataxanaxaicpi maye quisheguetaxaicpi, huo'otaq mataxalaic, huo'otaq cachaxaic, huo'otaq nam natameetacot na ỹaqa'api maye saq 'en qataq choche ne'enaqtacpi. Cha'aye da nache qoñiitec de'era, nache 'eeta'am da mashe qoquiỹa'ai ana 'alhua.

1 Corintios 5:10 Referans Kwoze

1 Corintios 10:27

Qaq sa iuena'a da huo'otaq huo'o ca saxanaxa da da'amqajnataxan da qami' 'enapegalo da qadqui'axauai, qaq qolliqui 'enauac nam qami' ÿanema. Sa ishit da qaunataxañiitapeguec ca chigaqa'ague, yaqto' sa ishit da sa ÿaÿamaxañi da qadhuennataqai.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

1 Juan 5:19

Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.

1 Juan 4:5

Qaq nam tenataxanaxaicpi quetague' na 'onataxacpi mayi huetalec ana 'alhua, ÿoqo'oyi i'axattac. Qaq nam 'eeta'am quetague' na 'onataxacpi ÿataqta n'axaÿaxana namayipi.

Filipenses 2:15

yaqto' sa ishit da huo'o ca ilalec da qoñiita ca qadasouaxashichi, huo'otaq ca qadsomaxaqui. Chaqdata da qami' llalqa ñi Dios, qami' qui'itte' da qoviitangui na qauemaicpi qataq 'itaxaloxoicpi. Nachi qami' 'edoiguilo da qaucoÿayiilec namayipi, qoñiita'am aca huaqajñi da icoÿadelec na napalaxa,

Efesios 2:2

mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

1 Corintios 1:20

Qaq nagui ¿huá'ague ca hueta'ague ca ÿajnataxanaxaic, huo'otaq ca dapaxaguenataxanapec, huo'otaq ca ÿaÿaten da i'axat na huetalecna? Cha'ayi da naÿajnec mayi lma'na, damayi chochi 'ico' 'oopashic naq'en ñi Dios.

Juan 8:23

Nachi so Jesús 'enapega somayipi, 'eeta': –Qami' qauachigoqoitelec ne'ena npa'aguiñi; aÿim, qalaxayi sachigoqta'ague da pa'ashiguem. Qami' maichi qadmayi ana 'alhua; aÿim, qalaxayi sa ishit da ima' ana'ana 'alhua.

1 Juan 4:7

Qami' ÿaqaÿadolqa, ñi 'oonolec da shinaqta ÿataqta ÿauotec ca lÿa, cha'ayi dam nauotaxanaqtaic chigoqo'ot ñi Dios. Qaq 'enauac nam huo'o da lauotaxanaqtaic, namayipi llalaqpi ñi Dios, qataq ÿauatton ñimayi.

Juan 17:9

Qaq aÿim 'am ñachoxonnot souaxat namayipi. Qaq sa ishit da ñachoxodeetapeguelec nam huetalec ana 'alhua, chaqnata nam aÿim 'ai'anempi, cha'ayi 'adalamaxatpi.

Juan 17:6

Qaq nam 'adca'aguishicpi mayi 'auachigoxottoigui co'ollaxa nam huetalec ana 'alhua da yaqto' aÿim 'ai'anem, namayipi sogote da sa'axattem da qoneta. Namayipi 'adalamaxatpi, qalaxayi aÿim 'ai'anem, qaq namayipi ÿataqta ÿalaxaguet da 'ad'aqtac.

Juan 15:19

Qami' da huo'otaq qami' lashi' ana 'alhua, nachi nam shiÿaxauapi mayi huetalec ana 'alhua, namayipi ishit da qami' ÿauoteque, 'eeta'am da 'eetec da ÿauotec nam lalamaxatpi. Qalaxayi aÿim qami' llica'agui'shi, qami' sachigoxottoiguilo nam huetalec ana 'alhua. Qaq ÿoqo'oyi namayipi ÿataqta qami' nquiÿalo, cha'ayi qami' sa ishit da qami' lashi' ana 'alhua.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

1 Corintios 5:9

Aso lÿa ÿide mayi mashi qami' samaxalo shiitega caillayi da sa ishit da qaualliquiiguet na quishiguetaxaicpi.

1 Corintios 5:11

Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.