1 Corintios 4:21 - Nuevo Testamento Toba Sur

²¹ ¿Négue't ca ÿoqta qaupaquiitaique da qami' sedolguete qom qami' ñoqo'onalo? ¿Peta'a qadavilliÿa da qami' sedolguete ca iuaxanaxanaxat, qalqo' da isoxoyic qataq da huosotta ÿataxac?

Nuevo Testamento Toba Sombrero Negro

²¹ Jega: ¿jach'e ga'me a'uamaqachiñe ta'le ja'uo? Qom ami jejapichiyalo, ¿qo'li ja jodinataĝanac, uotaĝa jaloĝonalo da'me yoqopich'i da'me joĝodaic na'me yeuel?

La'aqtaqa Ñim Lo'onatac 'Enauacna 2013

²¹ ¿Negue't ca ỹoqta qaupaquiitaique qom qami' ñeqo'onalo? ¿Peta'a qaravilliỹa da qami' seroleguete ca iuaxanaxanaxat, qalqo' da isoxoyec qataq da huesotta ỹataxac?

1 Corintios 4:21 Referans Kwoze

2 Corintios 13:2

Qaq nam huo'o ca lasouaxashit co'olloxochiyi qataq 'enauac nam laÿipi, qalaq nagui da aÿim qaÿoqta qaltaq shi'iguelaxalec da saqata, 'eeta'am da shiitec can qami' soota'agueta. Qalaq qami' secoyigueete', shiita': qom ivita da qaltaq qami' ñoqo'onalo, qalaq sa ishit qome da huo'o ca sechoxodeetac.

1 Ts 2:7

Nachaqdata da qomi' huosotte' da qadsoxosoxonaxac da qoñiita, shinaqta'am aca 'alo da ÿataqta ÿaÿaten da ilo'ogue ca llalcolec.

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

2 Corintios 2:3

Qaq ÿoqo'oyi qami' samaxalo co'ollaxa aso ÿide, cha'ayi sa saÿamaxaden da qami' ñoqo'onalo da yaqto' aÿim qauaquicoqchichi, qamaq nachicatáctaxa ca ÿamaiquiaxac da qau'ochi. Qaq ÿoqo'oyi aÿim saÿateeta da huo'otaq aÿim samachiguiñi, qaq ÿoqta da 'enauac da qoñiita da qauamaichiguiñi.

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

2 Corintios 10:6

Qataq ÿataqta qaica ca shigaqtega da sauoqo'o ca nhuaxanaguec 'enauac nam sa ishit da ÿalaq, lamaaxa qom huo'otaq mashi nalochiguiñi da qadalaxayiqui.

2 Corintios 2:1

Qaq ÿoqo'oyi aÿim tachigui yi iuel da sa ishit da qaltaq qami' ñamaqtegalo da qami' sachita'alo ca naquicoxo.

2 Corintios 10:8

Qaq nai'ctaxa da huo'otaq aÿim ñishitaique da cada'ac da 'ico' sagaqtenaqpec dam shinaxac, qalaxayi sa ishit da ñi'aloxootac. Cha'ayi so qadataxala' qomi' ÿanema de'eda shinaxac, da yaqto' nañaxat ñaq'enaq dam saq cha'a qanachaalataxaqui. Qaq sa ishit da 'ico' qami' ñilaxataxayiñi.

2 Corintios 3:10

Cha'ayi nam nqataxacpi mayi ÿataqta huo'o co'ollaxa da lli'oxoyic, qalaxayi nagui sa ishit da 'en'am de'eda mayi ÿataqta ÿacteec da lli'oxoyic.

1 Corintios 5:5

Ime, qanachi que'eca shiÿaxaua qoÿanguet so Satanás, yaqto' qanlaxajñi da l'oquiaxac, qalaxayi qanca'alaxateec som capegue' lqui'i, qom ñi'iguelaq so qadataxala' Jesús.

1 Corintios 4:18

Huo'o ca 'oonolec da qoñiita ÿashittagui da ñi'oxonnaxac, ipettega da huo'otaq aÿim sa ishit da qami' ñamaqtegalo.

2 Corintios 12:18

Co'ollaq seÿaxanot so Tito da yaqto' qami' namaqtegalo, qalaq samaxague so lÿa qadqaÿa. Qaq ¿peta'a qami' ÿatenachi't co'ollaxa so Tito? Qaq ¿peta'a saq 'en da qomi' nachi 'eeta'a't da qadataxac, qataq 'eeta'a't da qadhuennataxac?

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.