1 Corintios 4:19 - Nuevo Testamento Toba Sur

¹⁹ Qalaxayi saqaÿaloq da qami' ñauaneto, qom aÿim ÿanem ca ÿiquiaxac so qadataxala'. Hua'a, qanachi ishit da saÿaten chaq 'eetec da l'añaxac que'eca ñi'oxonnaxaicpi, yaqto' sa ishit da chaqdata da l'aqtac mayi qai'axattac.

Nuevo Testamento Toba Sombrero Negro

¹⁹ Qalaĝaja ja cop'a da'me ami jec'atalo, qom ñe'me Jaliaĝanec jayem yaje'tem, qama'le ja ñaquiaĝanalo gaa'me 'laqataqa jogaa'me 'yoĝodenaĝayaqa dite da'me jauana qom eja 'uo da'me 'lañaĝa'j jogaa'me.

La'aqtaqa Ñim Lo'onatac 'Enauacna 2013

¹⁹ Qalaxaye Ñim Lo'onatac 'Enauacna qom aỹem ỹami' da saqaỹaloq da qami' ñamaqtegalo. Huaña, nache ishet da saỹaten chaq 'eetec ca la'añaxac que'eca na'amaqteetai' naxa, cha'aye camayepi saishet da nda'a't da detaqtac maye nataqa'en ỹo'ottac nam 'eetega.

1 Corintios 4:19 Referans Kwoze

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hebreos 6:3

Qaq 'eda qome da shinaqtec, da huo'otaq qomi' ÿashiitema ñi Dios.

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

1 Corintios 11:34

Qaq da huo'o ca ÿoqouat, qaq no'on da lqui'aqa' ca maichi lma', yaqto' ñi Dios sa ishit da ÿauo'o ca qanhuaxanaguiiqui, souaxat de'eda qoñiitec da qalapoñiÿa't. Qaq na laÿipi lataxacpi maichi saÿamaxajñi qom ivita da qami' ñoqo'onalo.

1 Corintios 4:18

Huo'o ca 'oonolec da qoñiita ÿashittagui da ñi'oxonnaxac, ipettega da huo'otaq aÿim sa ishit da qami' ñamaqtegalo.

1 Corintios 2:6

'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.

Romanos 15:32

yaqto' qom huo'otaq aÿim ÿashiiteec ñi qadta'a Dios, nachi ndoteec qome da ñitonaxac qom qami' ñauaneto, qataq yaqto' ishit da ñimateec qom qami' ñamaqtegalo.

Santiago 4:15

Da qad'aqtaquíctaxa 'eeta': “Da nachida ÿaÿamaxadeeta ñi qadta'a Dios, qaq ñachaataqtague' da so'otaq de'eda, huo'o chaq de'eda lÿa.”

1 Corintios 16:5

Da ÿiquiaxac sauotaique da sa'auaxaañi da satelec yi 'alhua, l'enaxat Macedonia, qaq qom ime, nachi ñoqo'ona na Corinto.

1 Corintios 14:5

Qaq aÿim ñishitaique da 'enauac da qoñiita da ishit da qautaqÿoiguilo naua n'aqtaqa sa qaÿauangalo, qalaxayi ÿacteec ñaqashin da qau'axachi' naua l'aqtaqa ñi Dios. Cha'ayi ÿacteec ca naigui da qai'axat da n'aqtac, qa saq 'en'am da qaitaxaiguilo naua n'aqtaqa sa qaÿauangalo. Lamaaxa da sa qai'axat ca naigui ne'enaua n'aqtaqa da yaqto' ishit da nañaxat na 'amqajnataxanaxaicpi.

Hechos 20:2

Nachi quetaguilo 'enauaque se'esoua 'ale'u, ÿataqta qalota da l'añaqtaxanaxac da i'añaqchittac na 'amqajnataxanaxaicpi, chochi ivitta'a yi Grecia.

1 Corintios 4:6

Qami' ÿaqaÿa't, de'eda qami' sa'axatema, damayi maichi qadaÿamqai. Saloqnaxaatapigui so Apolo qataq aÿim, yaqto' qami' ishit da qauachigoqoichigui da shinaqta da qauaÿajñi da sa ishit da qanapaquiÿapeguelguete naua ñiyigui'shi n'aqtaqa, yaqto' qaica ca n'amaqchiitacot ca lÿa, qaq ca lÿa i'otan.

1 Corintios 16:7

Cha'ayi aÿim sa saÿamaxaden da chochi qami' saÿalguete. Chaqdata da ñishitaique da loiguilo caua na'axa'te da qami' soota'agueta, qom huo'otaq aÿim ÿashiitem so qadataxala' de'eda ÿiquiaxac.

2 Corintios 10:9

Qaq sa ishit da qaupi'itaxañiitega da sauotaique da qami' sequichoqchi't nagui da qami' samaxalo naua ÿide.